mánadagur 28. september 2015síða 24

Mánadagur 28. september 2015 · Nr. 111 24 Sosialurin Hugskot og viðmerkingar – send sms til 225000 ítróttur profilurin fótbóltur heimsins besta frítíðar­ ítriv Tað kann vera hart at vera fótbóltsdómari, men: – Støðini, ið eg havi sæð, fólkini, ið eg havi hitt og annað er viðvirkandi til, at hetta uttan samanbering er heimsins besta frítíðarítriv, sigur Petur Reinert, nú hann í gjár dømdi sín dyst nummar 500 í føroyskum fótbólti Pætur Albinus Petur Reinert er kend per­ són­ligheit í føroyska fót­ bólts­landslagnum, har hann viku­skifti fyri og annað eftir tuskar runt á fótbóltsvøllum kring landið og tryggjar, at fótbóltsdystir – einamest í Effodeildini – fara fram eftir fótbóltslógini. Sigast má, at Petur hevur verið drúgvur í síni tænastu til føroyskan fótbólt, og gjárdagurin var ein varði á vegnum hjá 37 ára gamla fólkaskúlalæraranum úr Leirvík. Tá dømdi hann nevn­iliga sín dyst nummar 500 í føroyskum fótbólti. Broyttur Fyrsta dyst í bestu føroysku deildini dømdi Petur í 1999, men nøkur ár sum dómari í Danmark hava eisini gagn­að honum væl. Hann er ímill­ um okkara avgjørt bestu dóm­arar og hevur verið al­tjóða dómari føroyinga síð­ani 2007. Vit bóðu Petur lýsa munin á tí Peturi, sum dømdi sín fyrsta dyst, og so tí Peturi, sum í gjár dømdi sín dyst nummar 500. – Eg eri sjálvandi broyttur sera nógv, bæði sum dómari og persónur. Eg havi eina rúgvu av royndum, sum eg ikki hevði áður, og eg havi sett meg munandi betur inn í fótbóltslógina, sigur Petur Reinert, sum umvegis starv sítt sum altjóða dómari hev­ ur ferðast víða. – Eg havi dømt í umleið 30 ymiskum londum, og saman við dómarum úr øllum Evropa. Hetta eru royndir, sum eru sera góðar hjá mær at hava. Frá summarinum 2000 til á sumri 2004 dømdi eg í Dan­mark. Hetta var ein sera læru­rík tíð, og danski dóm­ara­skúlin er avgjørt á al­tjóða støði, heldur Petur. Tað er ikki einans Petur, sum hevur flutt seg. Tað hev­ ur fótbólturin eisini. – Sjálva fótbóltsspælið er ikki broytt tað heilt stóra, hóast ferðin er munandi hægri. Leikararnir er nógv betur fyri nú, enn teir vóru tá ið eg byrjaði, og hetta setir stór krøv til dómararnar, sigur Petur. Fokus Alnetið hevur broytt mong viðurskifti í heiminum, og tað sanniliga eisini fótbóltin – og dømingina. Dómarar eru javnan í miðdeplinum, og nú er skjótt og lætt at seta seg við telduknapparnar og knarra um líkt og ólíkt. – Luftmiðlar og sosialir miðlar gera, at sera nógv fokus er á fótbóltin, og ikki minst á okkum sum døma. Vit koma at gera feilir, og tá tað hendir, so mugu vit reisa okk­um aftur. Hetta kann vera sera trupult til tíðir, við­gong­ur Petur, sum eisini heldur at stóru peninga­ upp­hæddirnar leggja trýst á dóm­ararnar. 500 dystir og fleiri ávegis Petur Rein dømdi sín dyst nummar 500 í føroyskum fótbólti í Runavík ígjár Mynd: Álvur Haraldsen Dómaraleiðin hjá Peturi: 1996 2. deild menn 1997-98 1. deild menn 1999- Effodeildin 2000-04 Danmark 2007- Altjóða dómari