mánadagur 28. september 2015síða 26

Mánadagur 28. september 2015 · Nr. 111 26 Sosialurin Hugskot og viðmerkingar – send sms til 225000 ítróttur fótbóltur Jóannes Hansen Sunnudagsfótbólturin er av fyri hesaferð. 27. og síðsta um­far verður leygardagin. Tá sær skráin soleiðis út: TB-Víkingur, AB-NSÍ, HB-FC Suðuroy, ÍF-B36 og KÍ-EB/ Streymur. Tað eru longu fleiri vikur síðani, at FM spurningurin varð svaraður, og at tað varð greitt, at EB/Streymur næsta kappingarár skal spæla í næstbestu deildini. Møgu­leikin var stórur fyri, at spurningarnir um, hvør hin niður­flytarin skal verða, hvør skal vinna silvur og bronsu, og hvør skal vinna síðsta atgongumerkið at taka lut í europeiskum fótbólti næsta summar, fóru at verða svar­aðir í gjár. Soleiðis varð tað ikki. Harvið prutlar tað undir lok­inum fram til kapp­ingar­ enda. NSÍ er framvegis eitt stig undan Víkingi í kappingini um silvurkrónurnar, HB er framvegis tvey stig undan KÍ í kappingini um europeiska plássið, og AB er framvegis tvey stig undan FC Suðuroy í kappingini um at sleppa und­an niðurflyting. Um tað skal eydnast KÍ at taka fjórða plássið frá HB, so er fyrsta treytin, at tað leygardagin eydnast at vinna á heimavølli ímóti EB/ Streymi. Hóast KÍ í gjár tapti 4-1 í Runavík, so kennist tað ikki at vera ómøgulig upp­ gáva. Í summar misti KÍ tvey týdningarmikil stig, tá ið tað, sum tóktist vera trygg­ ur sigur á útivølli ímóti EB/ Streymi, endaði við 4-4 javn­ leiki. Teir í Sundalagnum hava ikki so nógv at spæla fyri og um. Kortini hava teir sein­ astu vikurnar staðið seg væl við­hvørt, men tað hevur ver­ ið á heimavølli. HB vann næstsíðsta viku­ skifti 6-0 á heimavølli ímóti EB/Streymi, og HB verður leygardagin stórfavorittur ímóti FC Suðuroy. Kortini kunnu dystirnir hjá HB ímóti EB/Streymi og FC Suðuroy ikki sammetast. At tað í gjár eydnaðist FC Suðuroy at venda 2-0 til 5-2 ímóti ÍF ber við sær, at møgu­ leikin fyri at sleppa undan niðurflyting fram­vegis er ítøkiligur. Treytin er, at FC Suðuroy vinnur í Gunda­ dali ímóti HB, og at AB sam­ stundis einki fær burtur­úr á heimavølli ímóti NSÍ, sum vísti góðan hugburð ímóti KÍ og stríðist fyri at vinna silvur­krónurnar og harvið at røkka besta úrslitið, síðani fyrstu og higartil einastu gull­krón­urnar vórðu vunnar í 2007. Tað er greitt, at avbjóð­ ingin á Argjum verður tann síðsta hjá Trygva Mortensen saman við NSÍ – í hesum um­ farinum: – Fyri trimum vikum síð­ ani hevði eg ein dialog við nevndina í felagnum, og tá var niðurstøðan, at tað er best, at ein annar fer at taka sær av besta liðnum. Eg eri lokalur, og tað er ivaleyst best, at onkur annar tekur sær av NSÍ liðnum, sigur Trygvi Mortensen, sum ikki ivast í, at spælararnir fram­vegis eru hugagóðir og ætla sær at vinna á Argjum leygar­dagin: – Vit eiga eitt gott lið við evnaríkum spælarum, sum hesi árini, vit hava verið saman, hava ment seg nógv. Úrslitið í ár kunnu vit væl liva við. Vónandi eydn­ast tað at halda tørn um silvur­ krón­urnar. Í steypa­kapp­ing­ ini rukku vit í finaluna, og vit hava í landskappingini skor­að fleiri mál enn nakar annar, og vit hava besta mál­ munin. Eg iðri meg um, at tað í europeisku kapp­ing­ ini ikki eydnaðist at halda tørn síðsta hálva tíman í Norðurírlandi. Tá taptu vit 2-0, og tað kostaði møgu­ leikan fyri víðari luttøku, hóast vit vunnu 4-3 á heima­ vølli og høvdu møguleika at vinna uppaftur trivaligari, sigur Trygvi Mortensen. NSÍ eigur framvegis topp­ skoraran í landskappingini. Tað sá leingi út til, at Klæmint A. Olsen fór at taka málmetið frá Una Arge og Súna Fríða Barbá, sum báðir hava skorað 24 mál í ein­um kappingarári, men nú tykist møguleikin ikki at vera so góður fyri, at NSÍ lið­for­ mað­urin skal vinna metið í ár. Klæmint hevur skorað 21 ferðir. HB spældi við eld HB formaðurin Finnbogi Arge hevur fleiri ferðir givið til kennar, at tað hevur ógvuliga stóran týdning fyri sigurs­vanda felagið, at tað vinn­ur fjórða plássið. Hjá felag, sum hevur vunnið meiri enn øll hini, kundi tað ljóð­að sum heilt kiksað at enda á fjórða plássi, men 1,5 milliónir í inntøku frá UEFA fyri at kvalifisera seg í euro­ peisku kappingina hevur stóran týdning, tá ið næsta kapp­ingarár skal leggjast til rættis. Í gjár tapti HB 3-2 í Sarpu­ gerði. Fyrsta korterið var HB í øgiligum ódnarveðri. Fyrr­verandi HB spælarin Páll Mohr Joensen, sum fyri fyrstu ferð var millum teir fyrstu ellivu víkingarnar, setti hol á, og bara stórt korter var farið, tá ið Heðin Hansen, sum í ár er vorðin stuðuls­spælari, økti til 2-0, og nú hevur skorað sjey mál. Hjá HB kom tað illa við, at Fróði Benjaminsen var so mikið skaddur, at hann sat á beinkinum, inntil tað restaði eitt lítið korter, og tað var stein­ur omaná byrðu, at vong­verjin í høgru, Jógvan Rói Davidsen, noyddist skadd­ur av vøllinum, tá ið ein hálvur tími var farin: – Hóast tit siga, at vit ikki standa okkum væl, eftir at vit vinna steypafinalur, so kunnu vit staðfesta, at vit hava vunnið seks av níggju stigum síðani finalusigurin hesaferð. Undan steðginum vóru vit fult og heilt omaná, og tað var vandamikið, hvørja ferð vit vóru framm­ an­fyri miðstrikuna. Vit av­ ráddu í steðginum, at vit ikki skuldu tapa seinna hálvleik. Tað eydnaðist ikki, tí tá vísti HB væl betri hugburð. Men vit eru fegnir um, at tað eydn­aðist at vinna 3-2, og at vit harvið góvu Sigfríði Clementsen ta gávuna, at hann og vit eru ósigraðir á heimavølli í ár, sigur Víkinga liðformaðurin Atli Gregersen. Eitt lítið korter eftir steðg­in avloysti Poul Ingason ung­lingaspælaran Teit Jacobsen, og fimm min­ uttir seinni minkaði Poul Ingason um munin. Tað rest­aðu tríggir minuttir av van­ligu leiktíðini, tá ið Sølvi Vatn­hamar økti til 3-1, og í síðstu sekundunum pyntaði unglinga­spælarin Bartal Wardum um fyri HB. Hóast HB avrikini í Sarpu­gerði sjáldan hava verið lakari, enn tað var í gjár – serliga í 1. hálvleiki – so segði HB venjarin Milan Cimburovic seg ikki vera so mis­nøgdan, nú tað framvegis er í hondunum hjá HB at gera av, um felagið skal røkka euro­peiskum atgongumerki: – Tað var ikki gott undan steðg­inum, men spælararnir eiga rós fyri, at teir eftir steðg­in vístu góðan hugburð, og at teir megnaðu at fáa spenn­ing í aftur. Hetta hevur ikki verið kappingarárið hjá HB. Tað sást aftur í dag. Vit vóru illa skaðaplágaðir, og tað var ikki fyrrenn stutt und­an dystarbyrjan, at vit vóru greiðir yvir, hvørjir vóru førir fyri at spæla. Fýra ung­lingar vóru á vøllinum alla tíðina, og vit fegnast um, at HB eigur bjarta framtíð, sigur Milan Cimburovic, sum ikki dugir at siga, um hann næsta kappingarár verður venj­ari hjá besta HB liðnum. AB stig í Gundadali Sluttspurturin hevur higartil ikki verið tann, sum teir í B36 hava sagt seg vóna, at hann fór at verða, eftir at teir tryggj­aðu sær FM heitið. Lagið var ikki gott í heima­leguni, tá ið Kári J. á Høvdanum bríklsaði fyri síðstu ferð í Gundadali. B36 var tvær ferðir á odda, men báðu ferðirnar eydnaðist tað AB at javna. Harvið verður tað nóg mikið fyri at tryggja sær plássið í bestu deildini, um tað leygardagin eydnast AB at vinna eitt stig á heimavølli ímóti NSÍ – Europa og niður­flyting hanga í leysari luft Allan Enghamar hb HB møtti fyrst til seinna hálvleik. Tíbetur kláraði KÍ heldur einki. Nú mugu vit bara vinna á FCS og tað eiga vit! Kom so HååBee! fjepparin Lissi Mouritsen B36 Ikki eitt eyga turt fjepparin Petur Asbjørn Lervig víkingur Tað betra liði vann, lat onga iva vera um tað, keðiligt at KÍ ikki tók av, tí so høvdu vit tikið hatta 2 plássi. Vinna síðsta dyst ímotir aldurforsetanum, so hava vit gjørt okkara. Annars stuttligt at síggja teir ungu taka av. WLYV fjepparin HB spælir við eld, men heldur ikki hesaferð tóku klaksvíkingar av, tá ið teir høvdu møguleika at vinna fjórða plássið frá arvafíggindunum í høvuðsstaðnum