hósdagur 1. oktober 2015síða 23

Fríggjadagur 2. oktober 2015 sosialurin 113 23 Útgávukonsert í Reinsarínum Sunnukvøldið verður útgávukonsert við Tummas Eivind & Hans Arna. Í sambandi við, at Tummas Eivind & Hans Arni geva út sína fyrstu útgávu, EP'ina Happy Road verður útgávukonsert í Reinsarínum. Teir hava spælt saman síðani 2012, mest hava teir framført til smærri tiltøk. Í ár meldaðu teir seg til Sement og komu í finaluna og fingu góða móttøku. Tað gav teimum hugin at innspæla tónleik. Nú er Happy Road er veruleiki. Stílurin er glaður singer songwriter, poptónleikur. Tiltakið byrjar klokkan 19.00. klumman Eirikur í Jákupsstovu »Tosa ordiligt for fanin« Onkur donsk telefyritøka, haldi eg tað var, hevði eina lýsing fyri ikki so langari tíð síðan, har tey vaksnu róptu og skeldaðu í telefonini, og so endurtóku børnini umleið tað sama. Lýsingin endar so við orðunum »tal ordentligt«, og tað fær meg í hvussu so er at hugsa. Hug­skotið hjá teimum er sjálvandi fyrst og fremst at selja telefonhald, men kortini er tað ein góður boðskapur. Tí hvat kostar tað okkum í veru­leikanum at tosa ordiligt? Onkur heldur kanska, at tað kostar, at vit ikki longur kunnu vera erlig, men ber tað ikki til at vera erligur og samstundis royna at brúka eitt mál, sum ikki er beinleiðis útspillandi? Á Vágaportalinum – hvar aðrastaðni, freistast mann at siga – skrivaði ein maður eina yrking ein dagin, har hann onkursvegna samanbar uppskotið frá fýra tingkvinnum um at fólk av sama kyni skulu sleppa at giftast borgarliga, við Evu, sum ikki kundi halda seg burtur frá tí skeiva, massakruna í Munchen í 1972 og terror­álopið á World Trade Center í 2001. Tað finst helst onkur betri máti at greiða frá, at mann ikki heldur tað vera í lagi, at bøssar skulu sleppa at giftast. Tað var nakað tað sama í Sosialinum í síðstu viku, har eitt valevni hjá Miðflokkinum greiddi frá hóttanum um bæði líkt og ólíkt, tí við­komandi var lærari og stillaði upp fyri Mið­ flokkin. Har vóru ikki nøkur konkret dømir, men vil mann hava ein lærara frá, tí hann kanska ikki fylgir tí, sum foreldrini at børn­ unum ella kanska Mentamálaráðið halda vera skila­gott, so er at venda sær til røttu kanalirnar at fáa hann frá, heldur enn at hótta. Eg sá eisini, at onkur á facebook skrivaði um, at Sonja Jógvansdóttir var so ljót í munninum, men beint aftaná skrivaði, at hon nokk mest av øllum var ein skræðugákur. Tað ber sjálvandi til at fara í rættin, um so er, at onkur fer so langt sum at ærumeiða, men tað tekur bæði langa tíð og kostar nógvar pengar. Ikki minst um mann tapir. Sjálvandi hava vit talufrælsi til hvat sum helst undir ábyrgd, men eru tað so nógvar støður, har tað beinleiðis er neyðugt at brúka tað í fullum útstrekningi? Ikki minst, tá vit vita, at skulu vit fáa onkran at broyta hugsan um okkurt, so er tað munin lættari at gera góðum enn við illum. Eg kenni til dømis fólk, sum hava verið fyri borgarligari giftu av sam­ kyndum, men nú eru ímóti, tí ein bólkur av sam­kyndum er illur og skjýtur til høgru og vinstru við homofobkortinum, tí »teirra mál« ikki gjørdist partur av samgonguskjalinum. Fyri nøkrum mánaðum síðan vildu tey bara hava, at tingfólk atkvøddu eftir síni egnu sannføring, heldur enn eftir einari sam­ gonguavtalu. Eg skal ikki gera meg frían fyri at siga okkurt ov ógvusligt av og á – yvirskriftin á hesum teksti er nokk eitt dømi. Men tað fyrsta má vera, at vit um ikki annað stremba eftir at brúka argumentir heldur enn miðalvarpingar, óveru­ligar samanbering og ókvæmisorð í almenna kjakinum. Verður tað ov ófantaligt, so skilji eg væl, at nógv als ikki tíma at fáast við kjak, og hvat er tá vunnið? At royna at tosa ordiligt er helst so mikið politiskt korrekt, sukursøtt og uttan kant, at tað næstan er politiskt ókorrekt. Men ger tað nakað, um tað førir við sær, at tað blívur lættari at finna semjur um, hvussu mál skulu loysast? tekning: connie Brockie Revival í Klubbanum á Tvøroyri Legendariski suðuroyar­ bólkurin trínur aftur á pall í heimstaðnum leygarkvøldið. Revival spæla til dans í Klubbanum á Tvøroyri. Kjólaloppu­- marknaður í Perluni Leygardagin skipar LGBT Føroyar fyri stuðulstiltaki í Perluni í Havn. Allar inntøkur fara óskerdar til arbeiðið hjá rørsl­uni at skapa eitt rúm­ ligar og javnrættari Føroyar. Á skránni er loppu­markn­ aðar, eitt øðrvísi ikki-kaku tombola, umframt kaffi- og kaku­søla. Tiltakið í Perluni er frá kl. 10.00 til kl. 16.00. Frá LGBT verður sagt, at ein ser­stakur kjóluloppu­markn­ aður verður á skránni hendan dagin. Marius og Yggdrasil í Reinsarínum Leygarkvøldið verður kon­sert við Yggdrasil & Marius Ziska í Reinsarínum, konsertin er upphiting til konsert­ferðina hjá teimum til 6 stór­býir í Russlandi, ið byrjar 20. oktober. Báðir bólkar eru útgávuaktuellir og vekja báðir ans uttanlands. Marius Ziska hevur ferðast eitt nú í Týsklandi, umframt at bólkurin spældi á øllum størstu tónleikatiltøkunum í summar, við síni nýggju útgávu. Yggdrasil gav fyrr í ár út útgávuna Dímun. Yggdra­sil er Norðurlendskur bólkur, ið seinastu 33 árini hevur havt eitt ótal av ymisk­um samansetingum av tónleikarum úr ymiskum londum. Á Dímum eru allir tón­leik­ararnir føroyingar. Tað verður henda manning, ið mannar Yggdrasil hetta kvøldið. Tiltakið byrjar klokkan 21.00