hósdagur 1. oktober 2015síða 22

Fríggjadagur 2. oktober 2015 sosialurin 113 22 kostráð Rannvá Øssursdóttir, kostfrøðingur Matpakkar Ráðstevna um barnarættindi í Norðurlandahúsinum Mánadagin frá kl. 8.00 til kl. 17.00 verður ráðstevna í Norðurlandahúsinum. Tað er Nordisk Forening mot Barnmishandling og Omsorgsvigt, sum skipar fyri ráðstevnu um barna­rættindi. Har verða fyrilestrarhaldarar frá øllum norðanlondum, og heitið á stevn­ uni er Barnarættindi & Umsorganartrot, møguleikar og avbjóðingar. Les meira á nlh.fo Hetta hendir um vikuskiftið... Tað kann vera ein avbjóðing at gera ein heilsugóðan matpakka til børnini, og síðani fáa tey at eta hann. Her eru nøkur hugskot til ein heilsugóðan matpakka, sum er fjølbroyttur, leskiligur og sum samstundis mettar 1. Brellvekjandi innpakkaðan Ger matpakkan til eina gávueskju. Legg ymiska tilfarið í smá plastikkíløt, ella pakka tað inn í matpappír við einari lítlari sloyfu rundanum. 2. Eisini grønmeti Grønmeti smakkar væl, er litríkt og gevur fjølbroytni í matpakkan. Fáa børnini grønmeti og frukt við í matpakkan hvønn dag, eru tey longu væl ávegis at fáa tey 600 gr. av grønmeti og frukt um dagin, ið mælt verður til. 3. Fiskur er leskiligur Fiskur er sunnur og smakkar væl – og tí er ógvuliga gott, um fiskur er partur av matpakkanum hvønn dag. Í dag fæst ymiskt fiskaviðskeri, ið er portiónspakkað og lætt at smyrja á breyðið. 4. Fá ein øðrvísi og lekkran smakk Nýt eitt nú hummus, avokado ella pesto, ístaðinfyri smør. Tú kanst eisini gera morl av kókaðari gularót ella brokkoli, og nýta hetta heldur enn smør. 5. Nýt restir av nátturðanum frá kvøldinum fyri Eitt nú fiska- og kjøtfrikkadellur hóska seg sera væl at hava við í matpakkan. Preiðið hesaferð Rør rogn saman við eitt sindur av hvíta, fíntskorðnum reyðleyki og sitrónsaft. Smakkað til við salti og pipari, og vupti so hevur tú ein leskiligan fiskaviðskera at geva børnunum við í matpakkan. Einfalt og leskiligt! mangt og hvat Spyr.fo hevur gjørt eina spurna­kanning fyri Vikuskiftis Sosialin. Úrslitið er grundað á svar frá 300 tilvildarliga valdum føroyingum í aldr­inum 15-80 ár. Hesaferð hevur verið spurt um tveir spurningar. 1. Tekur tú undir við, at samkynd kunnu verða vígd borgarliga? Aldur 15-25 JA 73,0% NEI 21,3% VEIT IKKi 5,7% Aldur 25-44 JA 64,9% NEI 29,2% VEIT IKKI 5,9% Aldur 45-80 JA 55,5% NEI 33,2% VEIT IKKI 11,3% 2. Eigur spurningurin um broyting av hjúna­bandslógini at avgerast í Løg­ting­ inum ella við fólka­ atkøvðu? Av teimum, sum eru ÍMÓTI broyting í hjúnabandslógini siga 8,6%, at Løgtingið eigur at avgreiða málið, meðan 91,4% halda, at málið skal til fólkaatkvøðu. Av teimum, sum eru FYRI broyting í hjúnabandslógini siga 60,3%, at Løgtingið eigur at avgreiða málið, meðan 39,7 halda, at málið skal til fólkaatkvøðu. post@sosialurin.fo Spurnarkanning