hósdagur 1. oktober 2015síða 25

FRÍGGJADAGUR 2. OKTOBER 2015 SOSIALURIN 113 25 MYNDIR: TJÓÐHILD PATURSSON av sitrónsaft pressað útyvir gjørdi perurnar nógv meira summarligar. Sigldi hann í morgun? helt Ragna síðani fram. Um ikki, so burdu tey etið hetta við súrróma, tað hevði verið ORRDILIGA (við nólsoyarrullan í R’inum) vetrarligt! Marsipan (ella okkurt sum líkist) Ok, møguliga eigi eg ikki at kalla hetta marsipan, tí marsipan plagar at vera gjørt úr mandlum og sukur. Men skal sukur eiga einarætt uppá marsipan? Í øllum førum smakkar hetta ógvuliga líkt marsipan, er gjørt úr mandlum, men søtað við við dadlum. Tað ber til at gera hetta uttan vatn, og tá heldur tað sær longri - men tað krevur meira av tíni køksmaskinu. Tað gongur skjótari við vatnið, og um tú, sum eg, skalt brúka alt beinanvegin, so ger tað einki, og so klárar tú tað við einum stavblendara. 100 gr av mandlum + vatn 5-10 bleytar dadlur (alt eftir hvussu stórar tær eru) 5-10 spsk av kókandi vatni 1 nips av salti Stoyt kókandi heitt vatn yvir mandl­ urnar, ella lat tær standa í vatni yvir nátt. Pilka alt skalið av teimum. Við einum stavmiksara hvirlar tú mandl­ ur, dadlur og salt saman. Koyr fyrst helvtina av vatninum í, og so 1 spsk afturat til tú fært rættan konsistens. Júst til perurnar koyrdi eg eittsindur eyka av vatni í, so er lættari at smyrja perurnar við marsipaninum. Tað verður sum marsipan-krem. Um okkurt leypir av kann tað goymast í kuldaskápinum. Eg havi ongantíð roynt at goymt tað longdri enn nakrar dagar. Tað plagar at hvørva skjótt. Tips Um tú vendir restina av marsipaninum í smeltaðari sjokolátu, fært tú lekkur skjót heimagjørd marsipanbreyð. Mhhh!