mánadagur 5. oktober 2015síða 5

5 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 5. oktober 2015 · Nr. 114 FORMANSVAL Hesir bjóða seg fram Bárður á Steig Nielsen 43 ára gamli vestmenningurin hevur drúgvar politiskar royndir. Hann er valdur næstformaður í flokkinum og fær stuðul frá fleiri av lokalfeløgunum. Hinvegin er ikki vist, at hann hevur so stóra undirtøku í nýggja tingbólkinum hjá Sam­bands­ flokkinum, har hann einsamallur situr eftir av teimum, sum mann­ aðu tingbólkin seiansta valskeið. Báður Nielsen skal tí seta sítt álit á, at tað verða valfeløgini kring landið, sum velja hann til nýggjan formann. Hann hevur annars drúgvar royndir. Hann var valdur á ting í 2002 og sat til 2008, tá ið hann eitt skifti var landsstýrismaður við fíggjar­mál­ um. Hann var afturvaldur í 2011, har hann eisini var valdur til formann í fíggjarnevndini. Magnus Rasmussen 52-ára gamli borgarstjórin í Runavík er nývaldur í Løgtingi. Hann stillaði upp fyri fyrstu ferð til valið 1. september og fekk eitt kanónval við yvir 500 atkvøðum. Hann hevur síðani 2009 verið formaður í Runavíkar kommunu. Hetta starvið leggur hann frá sær 1.januar og fer fult og heilt at røkja starvið sum tingmaður. Magnus Rasmussen er útbúgvin lærari. Magni Laksáfoss 45 ára gamli Magni Laksáfoss er valdur á ting aftur nú. Hann hevur sagt, at hann bjóðar seg fram sum formaður í flokkinum. Magni Laksáfoss hevur áður sitið í Løgtinginum frá 2008 til 2011 og hann var landsstýrismaður við fíggjarmálum eitt stutt tíðarskeið frá 2007 til 2008. Har avloysti hann Bárð Nielsen. Bárður á Steig Nielsen Magnus Rasmussen Magni Laksáfoss Soleiðis velja tey Sambandsflokkurin hevur vanliga landsfund einaferð um árið, men so er eisini ein fundur um heysti. Í ár verður heystfundurin 24. oktober, men undan heystfund­in­um – um morgunin – er innkallað til eyka landsfund, har nýggjur formaður skal veljast. Tey sjey valfeløgini í teimum sjey gomlu valdømunum sita á fimm atkvøðum hvør – altso hava valfeløgini 35 atkvøður. Harafturat eigur Ungmanna­felagið eisini fimm atkvøður. Við øðrum orðum eina feløgini 40 atkvøður. Harumframt hevur tingmann­ingin rætt at atkvøða og í hesum føri eru tð seks atkvøður. Um flokkurin hevði havt umboð í landsstýrinum og á Fólkatingi, so høvdu hesi eisini havt valrætt, men soleiðis er ikki. Formaðurin í landsfelagnum, næstformaðurin og kassameistarin hava eisini hvør sína atkvøðu eins og limirnir í starvsnevnd hava hvør sína atkvøðu. Íalt eru tað 47 atkvøður, sum velja formannin um so er, at onki persónssamanfall er.