mánadagur 12. oktober 2015síða 24

Mánadagur 12. oktober 2015 · Nr. 117 24 Sosialurin Hugskot og viðmerkingar – send sms til 225000 ítróttur landsliðið fótbóltur Sjálvandi skal eg hava handan bóltin Gunnar Nielsen viðgongur, at hann átti ábyrgdina av næsta málinum. Í samrøðu við Sosialin fortelur Gunnar eisini, at hann møguliga fer at finna sær nýtt felag nú Neli Heldaskarð Tað er ongin ivi um, at Gunnar Nielsen hevur spælt nógvar framúr góðar dystir í føroyska landsliðsmálinum. Ofta hava fleiri av okkara tapum sæð betri út á úrs­lita­ talvuni orsakað av mongu stór­bjargingunum hjá Gunnari. Soleiðis var tó ikki á Tórsvølli í gjár. Ein og hvør við eitt sindur av fótbólts­ áhuga og fótbólts­vitan sá, at Gunnar ikki sá serliga hepp­ in út í samband við næsta málið hjá Rumenia. Høvuðs­ persón­urin í støðuni átekur sær eisini ábyrgdina á sínar herðar. – Eg bleiv yvirraskaður í støðuni og rakti ikki bóltin. Eg skal sjálvandi hava handan bóltin, og um ein ikki klárar at bjarga slíkum »skoti«, so skal man ikki vera málmaður. Hatta er ein partur av spælinum. Eg eri sjálv­andi vónbrotin um støð­ una, men tað ávirkar meg ikki meira enn so, at eg skjótt kann koma víðari frá tí. Eg skal hava handan bóltin, longri er tann søgan ikki, segði Gunnar Nielsen, tá ið Sosial­urin fekk orðið á hann eftir dystarlok í gjárkvøldi. Takkar møguliga fyri seg í Stjarnuni Seinasta árið hevur Gunnar leikt við íslendska felagnum, Stjarnan. Hóast tað ikki gekk nakað serliga væl hjá felag­num í íslendsku Pepsi­ deildini, so bleiv Gunnar valdur til ársins leikara í felag­num. Góðu avrikini hava eisini skapt áhuga frá øðrum feløgum. Kortini vísir Gunn­ar tó eisini á, at honum hevur dámað væl í Íslandi. – Eg trívist sera væl í Íslandi, tí at Ísland er eitt fan­tast­iskt land. Familjan hevur tað gott har, mamma mín er íslendsk, og eg tosi mál­ið, so tað riggar væl, sigur Gunnar, men leggur síðani afturat: – Eg havi ymsar møgu­ leik­ar, og eg vænti, at ein av­gerð verður tikin ein av kom­andi døgunum. Tað er ikki vist, at eg haldi fram í Stjarn­uni. Mær dámar væl í felagnum, men ongin endalig avgerð er tikin enn. Tað eru norðurlendsk lið, ið hava víst mær áhuga, og tí fari eg at hugsa meg um ta næstu tíð­ina, áðrenn ein endalig av­gerð verður tikin. Deyðbóltar í verju­ støðu er ein trupulleiki Longu eftir fýra minuttir legði Rumenia seg á odda 0-1 um­vegis deyðbóltsstøðu. At verja deyðbóltar hevur sum heild verið ein trupulleiki hjá føroyska landsliðnum í hesari undankappingini. Norður­írland skoraði til­ sam­ans trý mál ímóti okkum upp á deybóltar, Grikkaland skoraði eitt, og eisini Ungarn vann dyst á Tórsvølli í fjør eftir deyðbóltsmál. – Vit plaga at siga, at deyð­bóltar eru ein stórur møguleiki hjá okkum, tí at har eru nógvar 50/50 støður, har menn eru á jøvnum føti. Tað er ein stórur møguleiki fyri føroyska landsliðið at skora, og vit skulu sjálvandi eisini helst kunna verja deyð­bóltar. Vit hava latið dekan ov nógv deyðbóltsmál ígjøgnum, og tað er nakað, sum vit mugu betra til kom­ andi undankapping. Eitt er, at vit verða lagdir undir trýst og hinir skapa kjansir, men um mótstøðuliðið eisini skorar upp á deyðbóltar, so verður tað tungt hjá okkum, segði Gunnar Nielsen, tá ið hann varð spurdur um nógvu mis­eydnaðu royndirnar at vera deyðbóltsstøður. Kundu lættliga fingið fleiri stig Føroyar fingu seks stig í hesari undankappingini. Vit vunnu tveir stórfingnar sigrar á Grikkalandi, men hinir átta dystirnir blivu taptir. Før­oyska liðið hevur tó mang­an verið nær við at fáa fleiri stig, og Gunnar iðrar seg eisini um, at tað ikki eydn­aðist at fáa meira enn seks stig á stigakontuna. – Meira vil hava meira. Har eru fleiri støður, har vit hugsa, at um góðskan hjá okkum var eitt sindur betri, so høvdu vit lættliga kunn­ að fingið fleiri stig. Men tá ið tikið verður samanum, so skulu vit vera stoltir av tí, sum vit hava avrikað. Saman­um­tikið er framtíðin bjørt, tí at vit hava eitt sera spenn­andi lið. Landsliðið, sum eg havi spælt við í hesari undan­kappingini, er tað besta landsliðið, ið eg nakran­tíð havi verið partur av. Leikliga er ongin ivi um, at vit hava leikarar, ið vilja og tora at hava bóltin. Menn goyma seg ikki á vøllinum, so hetta er eitt ótrúliga spenn­ andi landslið, segði Gunnar Nielsen at enda í samrøðu við Sosialin. neli@sosialurin.fo Mynd: Álvur Haraldsen