hósdagur 15. oktober 2015síða 20

Fríggjadagur 16. oktober 2015 sosialurin 119 20 – Sjálvandi havi eg eisini mínar meiningar um hvar skúlin hevði riggað best. Men tað er tað vit hava politikarar til. Eg haldi teir skulu bara taka avgerð og koma í gongd, sigur Andrea. Mest umráðandi fyri hana er, at støða verður tikin og farið verður undir at arbeiða við verkætlanini. Tí tørvurin – hann bara veksur. – Eg haldi tað órógvar virksemi hjá Musikkskúlanum, at man ikki tekur eina avgerð og heldur seg til tað. Tí tann tíðin man brúkar uppá at kjak­ ast hendan og handan vegin, hevði verið betri brúkt til at byggja skúlan, sigur Andrea. Hon vísur á, at umstøðurnar hjá Musikk­skúlanum í dag als ikki nøkta tørvin, og tí er umráðandi at skjøtul verður settur á nýggja bygningin, sum skal húsa ungum tónleikarum fram­yvir. Mong eru góð við skúlan Ein orsøk til, at fleiri hava sterkar hugs­anir um Musikkskúlan er helst, at tey eru mong, sum brenna fyri tí virksemi, sum skúlin bjóðar. Og tað er at fegnast um. Tað sæst eisini aftur í virk­seminum, tí tørvurin í dag er sera stórur. 600 næmingar ganga á Musikk­skúlanum í Havn, og bíðilistin er langur. – Vit mugu hava ein skúla, sum í minsta lagi kann húsa teimum, sum ganga á skúlanum í dag, og helst enn fleiri, so vit fáa bilbugt við bíðilistan, greiður Andrea frá. Hon vísur á, at tað innan karm­ ar­nar í skúlan er breið semja um, at skipanin við bíðilistunum skal endur­ skoðast. Men óansæð manna­gongdir, so er tørvurin størri enn Musikk­ skúlin klárar at nøkta. – Eitt er ein nýggjur bygningur. Men vit hava sanniliga eisini tørv á størri játtan, so fleiri lærarar kunnu setast í starv, sigur Andrea. Ein fyritreyt fyri at fáa enn fleiri næm­ingar inn um skúlagátt í Musikk­skúlanum er, at tað eru fleiri lærarar, sum kunnu taka sær av næm­ing­unum. Og eisini her er tørvur á politiskum vilja. – Tað gjørdi einki, um skúlin fekk eina hægri játtan alt fyri eitt, stað­ festir Andrea. Visjónin er at fylgja við Tey flestu eru á einum málið um, at skúlin hevur týdning fyri samfelagið á fleiri økjum. Mangar kanningar vísa, at tónleikur hevur jaliga ávirkan á inn­læring hjá børnum, og tí kann tón­leika­undirvísing nýtast við fleiri enda­málum fyri eyga. – Eg vóni, at vit í framtíðini kunnu arbeiða meira saman við fólka­skúl­ unum, so at vit soleiðis kunnu fáa tón­leik út til enn fleiri børn, sigur Andrea Heindriksdóttir. Musikkskúlin hevur nógvar góðar siðvenjur, sum rigga væl og sum nýggi stjórin hevur ætlanir um at varð­veita. Men neyðugt er eisini, at Musikk­skúlin fylgir við tíðini og har­ við ung­dóminum. – Alt rundan um okkum broytist við øgiligari ferð, og sjálvandi skal skúlin fylgja við í tí gongdini, sigur Andrea Heindriksdóttir. Hennara visjón er at byggja á tær sterku súlur, sum skúlin hevur staðið á hesi seinastu mongu árini. Men sam­stundis er umráðandi at fylgja við tíðini. – Vit skulu byggja á tað, sum hevur riggað væl higartil, og samstundis flyta okkum frameftir, sigur Andrea. Eitt nú er heimurin innan tónleik og tøkni í støðugari menning, og um­ ráð­andi er, at Musikkskúlin eisini hevur fingurin á pulsinum hvat tí við­víkur. – Tað eru nógv viðurskifti innan tónleik og tøkni, sum krevur eina skúling ella eina innlæringarfasu, so at tey ungu læra at arbeiða við tí. Tað kann vera alt frá ljóðviðger, at gera tónleik á teldu, upptøkur og so fram­ vegis, sigur Andrea. Tá ið hon sjálv fór undir sína tón­listar­ligu útbúgving var markið heldur skarpt teknað. Antin vart tú rútm­iskur tónleikar ella vart tú klass­ iskur tónleikari. Í dag eru tey ungu tó meira fleksibul. – Tey ungu eru ikki í kassum, eins og vit vóru tað. Tey flyta seg inn á øll hugsandi økir innan tónleik og tað má Musikkskúlin eisini taka hædd fyri, sigur Andrea. Enn hevur hon ikki tikið við starv­inum, men visjónirnar hevur hon havt við sær og útbygt, síðani hon byrjaði sum lærari á skúlanum í 1992. Fram til 1. november hevur Andrea ætlanir um at seta seg inn í um­sitingarligu skipanirnar í skúl­ anum, men 1. november er dag­urin, tá ið nýggi stjórin tekur við og lunnar verða lagdar undir ein nú­tímans og sam­stundis siðbundnan Musikk­ skúla. barbara@sosialurin.fo »Eg vóni, at vit í framtíðini kunnu arbeiða meira saman við fólkaskúlunum, so at vit soleiðis kunnu fáa tónleik út til enn fleiri børn« Andrea Heindriksdóttir – Tað órógvar virk­semi hjá Musikk­skúlanum, at man ikki tekur eina avgerð og heldur seg til tað. Tí tann tíðin man brúkar uppá at kjakast hendan og handan vegin, hevði verið betri brúkt til at byggja skúlan, sigur Andrea Heindriks­dóttir, sum 1. novemb­er tekur við sum stjóri í Musikk­skúlanum í Havn Mynd: Álvur Haraldsen savnsMynd tónleikur