hósdagur 15. oktober 2015síða 36

FRÍGGJADAGUR 16. OKTOBER 2015 SOSIALURIN 119 36 NØVN 4. oktober fingu Líggjas og Yngvi eina lítlasystur, hon vigaði 4925 g og var 55cm long. Foreldrini eru Ellindur Grástein, Porkeri og Arnóra Petersen, Porkeri. 8. august fingu Jakob Lind-Jakobsen og Bára Berg Danielsen, Skála, ein son, sum hevur fingið navnið Valdemar. Hann vigaði 3290 gr og var 51 cm langur. 5. oktober fingu Jastrid og Áki Troest, Runavík, eina dóttur. Hon vigaði 3755 gr og var 54 cm long. Føðingar 29. september fingu Annika Klein og Kristian Joensen, Tórshavn, eina dóttur. Sum vigaði 3130 gr og var 51 cm lang. Her er stóribeiggi avmyndaður saman við lítlusystur. KJAK Okursprísir góðkendir av landsstýrinum? Páll Poulsen Sjálvt um vit í løtuni kunnu reypa okkum av, at prístalið er lækkað munandi, so eru tað ein veru­leiki, at vit hava okurs­ prísir á ávísum tænastum, sum Føroya Landsstýrið varðar av. Talan er um Føroya Tele, ið skal veita okkum teletænastur. Sjálvt um vit hava eitt annan veitara í Føroyum, so er í veruleikanum talan um monopol hjá FT. Hetta sæst aftur í prísunum á teirra tænastum, her hugsi eg serliga um prísin á fastnetsbreiðbandi. Tað skjótasta haldið - 20/1 Mbit - hjá FT kostar knappar 500, - kr um mánaðin ella knappar 6000,- kr um árið, og tá skal havast í huga, at her er bert talan um breiðbandshald, vilt tú hava aðrar tænastur eisini, rennur kostnaðurin við nógvari ferð uppeftir (skjótari enn breiðbandsferðin). Í okkara grannalondum fært tú nógv betri, meira umfatandi og skjótari internettænastur fyri ein prís, sum er umleið helvtina av prísinum hjá FT. Tíverri sær tað út, sum um vit brúkarar góðtaka hesar okursprísir, ongin mótmælir, men rinda og halda munn. Væntast kundi av Føroya Landsstýrið, at tað gjørdi nakað við hetta, men tað sær ikki út til at har eru nakrar ætlanir um hetta,- heldur ikki í hesari samgonguni. Tað er nú kanska ikki so løgið, tá hugt verður eftir vinninginum, sum eigarin – Føroya Landsstýrið - fær hvørt ár. í 2014 var vinningurin knappar 60 mió. kr. t.v.s. at hvør føroyingur hevur latið Landsstýrinum umvegis FT umleið 1250,- kr seinasta ár fyri eina tænastu, sum er ein tann vánaligasta í Norðanlondum Okkurt skilafólk má hóast alt vera í landsstýrinum, sum sær hvussu høpisleysur hesin prís- skatta­ politikkur er. Takið tykkum saman og gera nakað við hetta málið, so vit kunnu fáa ein fjarskiftiskostna, sum er grundaður á veruleikan og ikki eitt fullkomiliga ørt vinningsbýtið. Føroya Civila Hunda­ førarafelag rópar varskó Rúni Sundberg Patursson Vegna Føroya Civila Hundaførarafelag At gera seg kynsliga inn á ein hund, eru uttan nakran iva djóramisnýtsla. At slíkt ikki verður revsa í Før­oy­um, vísir bara at núverandi djóra­verndar­ lóggáva er sera ótíðarhóskandi. Vit í Føroya Civila Hundaførarafelag eru av tí fatan, at vit menniskju eiga, at tryggja djórum okkara rættin til eitt gott lív. Maðurin varð dømdur fyri blygnaðarskemd og ikki fyri misbrúk av hundinum. Djóraverndarlógin sigur, "Dýr skulu viðfarast forsvarliga og skulu ikki av vanrøkt, overving ella á annan hátt vera fyri óneyðugari líðing". At hava samlegu við einum hundi ella øðrum djórið, er uttan iva brot á hesa reglu. So hvussu hann kann vera fríkendur fyri slíkt, virkar fyri okkum sera undrunarvert. Hundar hava ikki eitt kynslív eins og vit menniskju. Men teir finna sær ein maka, sum tey síðani para seg við. Hetta við tí endamáli, at fáa avkom. Djór hava ikki nakað njótilsi av samlegu, men hetta kann hinvegin vera pínufult. Djór hava krav á einari virðiligari viðferð gjøgnum alt teirra lív. Hesin dómur vísir veruliga tørvin á einari nýggjar djóravendarlóg! Men tað vísir seg, at ikki fyrr enn fólkið rópar varskó so hendir nakað. Og tíbetur hava vit fólk, sum gera vart við seg. Tað sum syrgiligt er, at tá ið vit áður hava víst á støðuna, hevur ikki politiski myndileikin ikki víst hesum ans. Fimm ættarlið Olduromma Malla Smith Jensen, langomma Hallbjørg Hammer, omma Mikala Poulsen, mamma Andrea Hammer Jacobsen og barn Mikala Petursdóttir :) Myndin var tikin tann 31. august 2014 til dópin hjá lítlu Mikalu :)