mánadagur 19. oktober 2015síða 12

Mánadagur 19. oktober 2015 · Nr. 120 12 Sosialurin Hugskot og viðmerkingar – send sms til 225000 Árni Gregersen Tað verður Bárður á Steig Nielsen, sum skal fáa Sam­ bandsflokkin aftur á rætta kós. Á eykalandsfundinum kom­andi vikuskiftið verður 43 ára gamli tingmaðurin úr Vestmanna fluttur úr næst­ formansstólinum í formans­ stólin í Sambandsflokkinum. Tá ið freistin at stilla upp var úti, var Bárður Nielsen ein­asti, sum var skotin upp av tveimum limum í lands­ nevndini til valevni til for­ mann. Og sostatt er hann valdur uttan nakað mótvalevni. Báður Nielsen hevur sit­ið sum næstformaður í flokk­ inum síðani í vár, tá ið hann tók yvir eftir Jóhan Dahl, táverandi landsstýrismann. Undan, at uppstillingar­ freistin var úti, segði nývaldi tingmaðurin fyri flokkin, Magnus Rasmussen, at var heitt á hann um at gerast for­maður, so fór hann ikki at bera seg undan. Men innanhýsis politiska kabalin gekk upp soleiðis, at ongin stillaði upp móti Bárði Nielsen og heldur ongin móti Magna Laksáfoss, sum verður nýggjur næst­for­mað­ ur. – Eg má siga, at hetta gekk sum eg vónaði. Serliga, at flokk­urin er samdur um at velja meg til formann, taki eg til mín, sigur Bárður Nielsen. Rætta kumpass Bárður Nielsen tekur við sum formaður eftir at Sam­bandsflokkurin hev­ ur havt tvey vánalig val. Fyrst misti flokkurin um­ boð­anina á Fólkatingi í juni og 1. september misti flokk­ urin tríggjar av nýggju ting­ sessum. Harafturat misti flokk­ur­ in trý landsstýrisfólk, tá ið samgongan var skipað uttan at flokkurin er ein partur av henni. – Ein slík afturgongd ger sjálvandi, at vit mugu eftir­meta og seta út í kortið av nýggjum. Eg veit at vit mugu taka hetta í størsta álvara, tá ið vit hava mist seks av 12 politikarum. Tá má kósin rættast, sigur Bárður Nielsen. Hann er rættuliga greið­ ur, tá ið talan er um nýggju kósina hjá Sam­bands­flokk­ inum. – Vit eru einasti veruligi sambandsflokkur í Føroyum, tí Javnaðarflokkurin er far­ in saman við Tjóðveldi og Fram­sókn, sum báðir eru loys­ingarflokkar, sigur Bárð­ ur Nielsen. Hann sigur, at flokkurin fer at reka ein veruligan sam­bands­politkk, har ríkis­rættar­liga støðan fær hægstu raðfesting. Fiskivinnan Tað hevur leingi verið tosað um at skipa fiskivinnuna av nýggjum. Nýggja sam­gong­ an hevur eisini sett sær fyri, at eitt uppskot skal leggjast fyri Løgtingið í seinasta lagi á ólavsøku. – Sjálvandi vilja vit fegn­ir verða ein partur av nýskipanini, men tað krevur, at fiskivinnan verður liberaliserað, men tað krevur eisini, at alt ikki verður vent á høvdið í einum, sigur Bárð­ ur Nielsen. Hann hevur sjálvur fleiri ferðir áður nevnt, at ein fiskivinnunýskipan eigur at verða gjørd í 2015. Nú let­ ur til, at hetta í fyrsta lagi verður á ólavsøku í 2016. – Fáa vit sambands­ politikk við í nýskipanina, so eru vit eisini ein møguligur samstarvspartnari á hesum øki, sigur hann. Ríkisrættarliga støðan Nýggi formaðurin legg­ ur stóran dent á, at Sam­ bands­flokkurin fer at halda fast í gomlum sam­ bands­virðum. Hann sigur, at flokurin einsamallur er eftir sum samríkis- og sam­ bandsflokkur. – Javnaðarflokkurin er far­in saman við tveimum flok­k­um, sum vilja hava nýggja, føroyska grundlóg ella stjórarskipan. Vit eru fram­vegis ein sam­bands­ flokkur, sum heldur fast um ríkisfelagsskapin, sigur hann. Hann vísir á, at flokkurin hevur mist nógvar atkvøður. – Eg vil siga, at tær at­ kvøð­ur, sum vit hava lænt Javnaðarflokkinum, tær vilja vit fegin hava aft­ur og tað fáa vit við veru­lig­um sosial-liberalum sam­bands­ politikki, sigur Bárður á Steig Nielsen. RÁÐSTEVNA NÝGGI FORMAÐURIN VIL REKA VERULIGAN SAMBANDSPOLITIKK Eftir valósigrarnar snýr tað seg um at fáa atkvøðurnar aftur, sum Javnaðarflokkurin tók á valinum seinast Bárður á Steig Nielsen verður nýggi formaðurin í Sambandsflokkinum. Hann avloysir Kaj Leo Holm Johannesen, sum legði frá sær eftir løgtingsvalið Magni Laksáfoss verður næstformaður í flokkinum. Onki mótvalevni var - hvørki til formann ella næstformann