hósdagur 22. oktober 2015síða 30

Fríggjadagur 23. oktober 2015 sosialurin 122 30 Tróndur Arge H ann festi sítt navn fast á føroyska fótbóltskortið, tá hann saman við hin­ um hetjunum stríddi seg til sigurin í Landskrona móti Eystur­ ríki. Við sínum eykendu og neyvu glíðandi taklingum, hevur hann mangan steðgað einum lovandi álopi hjá mótstøðuliðnum. Leingi var Jan Dam eitt kent navn í føroyska fótbóltsheiminum. Serliga drúgvur var hann í barn­dóms­ felagnum HB. Frá 1986 til 2006, við nøkrum undantøkum, var Jan Dam fastur partur av HB hópinum. Seks ferðir var hann við til at vinna FM í søguríka felagnum, sum hann kallar størsta felagið í landinum. Farna kappingarár kom navn­ið Jan Dam aftur á føroyska fótbólts­ kortð. Hann tók, saman við Milan Cimburovic, yvir í HB, tá Heðin Askham legði frá sær. Nú er tað fallið á 47 ára gamla fyrr­verandi landsliðs-liðskiparan, at stjórna HB. Tað skal gerast við HB í hjarta­num og høvdinum. Ræðist ikki HB Jan Dam er uppvaskin í HB. Hann kennir HB eins væl og nakar annar. Hann hevur sjálvur staðið á bakkanum og ilskast inn á spælið, tá tað hevur gingið illa. Hann veit, at steypaskápið er tað størsta og ríkasta í landinum. Við HB-merkinum kemur nógv trýst. – Eg ræðist ikki at verða venjari hjá HB. Eg kenni HB og havi spælt her í nógv ár, sigur fyrrverandi liðskiparin í felagnum. Síðani aldarskiftið, hevur ongin venjari sitið longri enn hálvt annað ár sum venjari hjá HB. Frákoyringar, ósemjur og mental troyttheit eru millum orsøkirnar. – Eg veit, at tað verður gjørt nógv burturúr tí í miðlunum, men satt at siga, so hugsi eg ikki um tað, sigur Jan Dam. Um eg sigi, at tú ikki verður venjari hjá HB um hálvt annað ár. Hvat sigur tú so? – Tað passar ikki, gleppur úr Jan alt fyri eitt – og síðani látur. – Eg kenni fortreytirnar, men nú mugu vit byggja upp av nýggjum. Tað krevur tíð og tol frá felagnum og við­ haldsfólkunum, sigur Jan Dam. Hóast byrjanin av samrøðuni snýr seg um trýst og stutt livitíðina hjá venjar­unum í HB, so er tónin lættur. Jan er smílandi og javnan verða armar og hendur brúktar, tá hann greiðir frá. Ikki í iva – og tó Jan Dam er skjótur at taka at taka av, tá formaðurin í HB ringir og bjóðar honum evsta venjarastarvið í barn­ dóms­felagnum. – Finnbogi Arge ringdi til mín og segði, at teir ynsktu at fáa meg sum venj­ara í felagnum. Eg var ikki í iva og tók av, sigur Jan Dam. Fótbóltur Tað sigur Jan Dam, sum er nýggjur venjari hjá HB. Hann ræðist ikki stóra trýstið, sum fylgir við starvinum, men ynskir at fáa tvey ár at byggja felagið upp av nýggjum. HB skal aftur dúva upp á sínar egnu Nýggi HB-venjarin Gev mær tíð ítróttur Myndir: Álvur Haraldsen