mánadagur 26. oktober 2015síða 8

Mánadagur 26. oktober 2015 · Nr. 123 8 Sosialurin Hugskot og viðmerkingar – send sms til 225000 Føroyingar uppliva javnan kendar tónleikarar og góðar bólkar á palli í Føroyum, men tað er sjáldan, at vit fáa møguleikan at uppliva eina slíka stjørnu sum Lukas Graham – hann er í toppformi og á gáttuni til altjóða gjøgnumbrot. Lukas Graham er fyrst og fremst ein framúr góður sangari, og tað er ein fragd at hoyra hann syngja live. Vokalurin er í heims­flokki, og líkamikið um hann skal syngja høgt ella lágt, friðarligt ella lívligt, so meistrar hann tað til fulnar – tíðliga sum seint á kon­sert­ini. Bólkurin, sum er uppkallaður eftir høvuðsmanninum, spælir eis­ini fantastiska væl. Tað er trygt og sannførandi, og tað er dygd­arpoppur. Eingin gittar­ spælari er í bólkinum, men við trimum blás­arum afturat teimum fýra í bólk­inum ljóðar tónleikurin hjá teim­um knasandi væl. Sangirnir hjá Lukas Graham eru persónligir og sterkir. Hann skrivar í stóran mun sangir um sítt egna lív og upplivingar. Hann skrivar um familjuna, kenslur og saknin eftir pápa, sum er deyður. Men Lukas Graham fer eisini út at stuttleika sær og hava tað gott, og tí er eisini pláss fyri lívligum popp­ sangum. Lukas Graham hevði tvær kon­sertir í høllini á Hálsi um viku­skiftið. Upprunaliga var konsertin leygarkvøld sett á skránna, og hon var útseld, áðrenn ein dagur var farin. Síðani var ein eykakonsert gjørd, tí Lukas Graham vildi gjarna spæla fyri so nógvum før­ oy­ing­um sum gjørligt. Konsertin fríggjakvøldið var ikki útseld, men nógv fólk var á henni, og leygarkvøldið var ein full høll karmur um konsertina hjá Lukas Graham. Framúr Tað gjørdist eitt stórt tón­ leika­kvøld leygarkvøldið. Upphitingin hjá Signari í Homrum var nógv meiri enn ein upphiting. Signar hev­ur LUKAS ER E Lukas Graham imponeraði enn einaferð við góðum sangum og fantastiskari framførslu. Serligt samband tykist verða millum føroyingar og Lukas Graham, sum nú stendur á gáttini til veruligt altjóða gjøgnumbrot