mánadagur 26. oktober 2015síða 18

Mánadagur 26. oktober 2015 · Nr. 123 18 Sosialurin Hugskot og viðmerkingar – send sms til 225000 ítróttur Borðtennis líður undir vána umstøðum Til eina borðtenniskapping leygardagin vóru 28 leikarar møttir til kapping. Tað er tað lægsta luttakaratalið síðani 1980. Støðugt er luttakaratalið svunnið frá omanfyri 100 niður í næstan einki. Hóast hópin av lyftum frá Tórshavnar kommunu um betri umstøður, so er einki hent, og nú livir borðtennis ikki leingi afturat. – Lækkandi luttakaratalið boðar týðiliga frá, at nú er eitt lágmark rokkið, ið ikki skal lækka meir, tí annars doyr borð­ tennis­ítróttin í Tórshavnar kommunu, sigur Peter H. Niclasen, ímynd av føroyskum borðtennis og eldsál í borðtennisfelagnum í høvuðsstaðnum Pætur Albinus Tað er ikki tí at føroyskt borð­tennis ikki hevur betri uppi­borið. Lítla ítróttar­ greinin, sum hon eftir hond­ ini er vorðin til, var annar ítrótt­urin í Føroyum, sum smoygdi sær úr dunnu­hyl­ inum. Borð­tennis­samband Føroya var nevniliga numm­ ar tvey í røðini, tá ið tað snúði seg um at fáa al­tjóða viður­kenn­ing og fekk lima­ skap í altjóða borð­tennis­ sam­gong­uni. At vísa andlit Føroya úteftir hevur heldur ikki trotið. Ótroyttiligir borð­ tennis­leikarar hava ár undan ári erpnir umboðað Merkið í al­tjóða høpi – tað veri seg oyggja­leikir, EM, HM og sein­astu árini eisini arktiska millum­landakappingin sam­ an við Grønandi og Íslandi. Tað er ikki neyðugt at nevna, at øll mótstøðu­lond­ ini hava egnar borð­tennis­ hallir og í minsta lagi rími­ ligar umstøður. Tað hava ís­lend­arar og grønlendarar eisini. Føroyar er í ólukkumát eftir­bátur á hesum øki, sum stað­festingin hjá ÍSF-for­set­ anum herfyri varð orðað. Orsøkin At luttakaratalið í føroysku borð­tenniskappingunum seint og trygt er svunnið burt­ur í tað, sum minnir um null, er ein sannroynd. Leygar­dagin valdaði ein larm­andi tøgn í kappingar­ høll­ini, sum var ein leigað skúla­høll, og tá ið støðan er so­mikið álvarslig, er stundin komin til at gera upp. Hví heldur luttakaratalið áfram við at lækka? Er tað einans vánaligu umstøður­ nar? Valla er nakar betur egn­ aður at svara hesum spurn­ ingi enn Peter H. Niclasen, sum hevur verið partur av borð­tennis í høvuðsstaðnum í fleiri enn 30 ár. – Tað er ein avleiðing, ja. Ov lætt hevði verið at sagt, at einans vantandi hallar­ um­støður hava alla skuldina av minkandi luttøkuni, men ting­ini hanga onkursvegna óloys­iliga saman. Skilt á tann hátt, at hallarumstøður og lut­takara­tal stimbra undir hvørt annað, sigur Peter og lítur aftur á gamlar dagar, tá ið um­støðurnar vóru betri enn tær eru í 2015. – Tá ið borðtennisfelagið Tór á sinni varð sett á stovn í septembur 1994, húsaðust vit í einum hølum einar 220- 250 m2 til støddar, ið bert var til borð­tennis og har 10 borð stóðu. Opið var frá kl.17 á degi og omanfyri 100 leikarar vóru til venjingar millum kl. 17 og 22 hvørt kvøld, greiðir Peter frá. Brotin lyfti Verandi umstøður hjá borð­ tennis í høvuðsstaðnum eru vána­ligar. Tvey og upp til fýra kvøld um vikuna leigar borð­tennisfelagið seg inn í ymiskar skúlahallir, har nógv tíð fer við at seta borð upp og at taka tey niður aftur. Ein­ ans 14 spælarar kunnu venja í senn, og tað nøktar als ikki efti­rspurningin. Samanhaldið er svikaligt, tí – hinvent flest øllum øðr­ um ítróttargreinum – so eig­ ur borð­tennis einki stað at vera. Tórshavnar kommuna hevur lovað betri umstøður, men so hvørt sum árini ganga og lyftini verða brotin eitt fyri og annað eftir, so er álit­ið á býráðspolitikarar fokið við vindinum, tilveran er svika­lig og framtíðin er ógreið. – Setningar sum »nú fara vit í gongd«, »nú fara vit at byggja« ella »nú loysa vit tykk­ara hølis­tørv« havi eg hoyrt á fundum við Tórs­ havn­ar kommunu síðani 2006, sigur Peter H. Niclasen. – Tá var eg á fundi saman við umboðum fyri Havnar Bad­mintonfelag. Hetta var í kjala­vørrinum av, at vit høvdu byrjað samastarv um felags finaludag saman við bad­minton. Seinni kom judo við í samstarvið. Hetta var byrjanin til eina drúgva fundar­røð, ið nú við jøvnum millumbilum hevur verið í níggju ár, sigur Peter. Har kappingarneytarnir hjá føroysku borðtennis­leik­ arunum venja, er eina­mest tann eina og sama úrs­lita­ góða loysnin at síggja. – Vit vístu tá á eina felags loysn – allarhelst við íblást­ uri frá ferðum okkara á oyggja­leikum, har eitt nú Isle of Man, Guernsey og Hetland hava eina sokallaða multi- høll– ella miðstøð, har fleiri ítróttar­greinar vóru undir sama taki. Hesin leistur gevur jú møguleikar fyri synergi millum venjararnar í ymsu ítróttargreinunum, har teir kunnu práta saman um venj­ingar o.s.fr. Harumframt er møguleiki fyri stórum sosial­um felagsskapi, heldur enn um tú bara ferðast ímill­ um fólk úr egnari ítróttar­ grein, sigur Peter og peikar á borðtennis Lægsta luttakaratal í 35 ár: Peter H. Niclasen hevur verið føroyameistari 16 ferðir