fríggjadagur 6. august 2004síða 6

10 Nr. 147 - 6. august 2004 Nr. 147 - 6. august 2004 11 Seinastu tíðina hevur ferð og ferðsla verið viðgjørd í føroysku miðlunum. Eitt nú hoyrdu vit forkvinnuna í Ferðslutrygd mæla til, at ferðslulógin varð broytt soleiðis, at til skal bera at kunna koyra skjótari á ávísum strekkjum. Vit hava seinastu tíðini verið vitni til, at broyt- ingar eru gjørdar í ferðslulógini, sum eru til tað verra. Eitt nú, at vit nú sleppa lættari, tá vit koyra ov skjótt ella um vit koyra bil ávirkað av rúsdrekka - skilt á tann hátt, at tú fært treytaða frádøming av koyrikorti. Hetta eru óhepnar avleiðingar, ið ikki eru til gagns fyri ferðsluna. Tað er staðfest fleiri ferðir, at ferð drepur. Hægri ferðin er, størri gerast avleiðingarnar, tá skaðin hendur. Tað er tí ikki rætt at tosa um at hækka ferðina á føroysku landavegunum. Held- ur eiga vit at vísa fólki, at tað er ríkiliga skjótt at koyra 80 km/t á landsvegunum. Um nakrar dagar byrja skúlarnir aftur. Fleiri hundrað børn og ung fara út aftur í ferðsluna. Nøkur av hesum fara í skúla fyri fyrstu ferð. Við skúlaársbyrjan veksur ferðslan tí uppaftur meira, og er tað tí sera umráðandi, at vit øll við hesum í huga eru serliga varin í ferðsluni. Ein trupulleiki er, at nógvir skúlar standa við vegir, har nógv ferðsla er. Hetta er ein veruleiki, sum bý- og bygdarráð eiga at gera nakað við soleiðis, at ferðslutrygdin altíð verður havd í huga. Aðalhugsjónin um nullhugsjónina, har sagt verður, ein eingin skal doyggja ella verða illa skaddur í ferðsluni, er sera góð. Men fyri verurliga at kunna stíla ímóti hesum máli er neyðugt, at vit øll taka tøk saman. Bý- og bygdamyndugleikar eiga at gera ferðsluviður- skiftini so trygg sum gjørligt, og eru skúla og barnagarðar uppløgd høvi at vísa hetta í verki. Okkara lógarsmiðir eiga eisini at hava hetta í huga, tá ferðslulógin verður broytt. Hugað eigur at verða um, at allar broytingar skulu hava til endamáls, at null-hugsjónin verður havd sum stevna. Broytingar, sum at økja um ferðina á landsvegnum, ella at treytaður dómur fyri promillukoyring ella fyri at koyra ov skjótt, bera ikki á hendan bógvin. Tað er ein hugburðsbroyting, sum skal til. Vit skulu øll ferðast í ferðsluni, og skulu øll sýna hvør øðrum fyrilit. DAGSINS MEINING Sosialurin Børn, ferð og ferðsla VIÐMERKINGAR Sosialurin Stovnaður: 1927 Ábyrgdarblaðstjóri: Jan Müller jan@sosialurin.fo Blaðstjóri: Eirikur Lindenskov eirikur@sosialurin.fo Fíggjarleiðari: Jákup Mørk jakup@sosialurin.fo Marknaðardeild: lysing@sosialurin.fo Jonhard Hammer jonhard@sosialurin.fo Durita Simonsen durita@sosialurin.fo Gudny Langgaard gudny@sosialurin.fo Finnbjørg Nattestad finnbjorg@sosialurin.fo Blaðfólk: Áki Bertholdsen aki@sosialurin.fo Eyðun Klakstein eydun@sosialurin.fo Edvard Joensen edvard@sosialurin.fo Vilmund Jacobsen vilmund@sosialurin.fo Solby Eliasen solby@sosialurin.fo Magnus Gunnarsson maggi@sosialurin.fo Páll Holm Johannesen pall@sosialurin.fo Heini í Skorini heini@sosialurin.fo Terji Nielsen terji@sosialurin.fo Anna V. Ellingsgaard anna@sosialurin.fo Eydna Skaale eydna@sosialurin.fo Hans Kárason Mikkelsen hans@sosialurin.fo Ítróttur: Jákup Mørk jakup@sosialurin.fo Terji Nielsen terji@sosialurin.fo Myndamenn: Álvur Haraldsen alvur@sosialurin.fo Jens Kristian Vang jensk@sosialurin.fo Sosialurin í Norðoyggjum: Postsmoga 231 Nólsoyar Pálsgøta 1, 700 Klaksvík tel. 458686 fax 458687 e-post: klaksvik@sosialurin.fo Sosialurin í Suðuroy: tel. 375364 fax 375464 tel. 220727 e-post: aki@sosialurin.fo e-post: dagfinn@sosialurin.fo Sosialurin í Eysturoy: Postsmoga 143, Saltangará tel. 447820 fax 449520 tel. 228909 e-post: vilmund@sosialurin.fo Sosialurin í Vágum: 360 Sandavágur tel. 333820, 220507 fax 333720 e-post: edvard@sosialurin.fo e-post: vagar@sosialurin.fo Uppseting/prent: Uppseting: Hestprent Prent: Prentmiðstøðin Útgevari: Sp/f Sosialurin Avgreiðsla: Mán.-frí. 8-16 Argjavegur 26, Tel. 341800, Fax 341801 Postadressa: Postboks 76, 110 Tórshavn E-mail: post@sosialurin.fo lysing@sosialurin.fo lysingartorg@sosialurin.fo varp@sosialurin.fo Blaðið verður prentað mánadag-fríggjadag klokkan 1400 Lýsingar Freistir: Tekstlýsingar Størri lýsingar Lýsingartorgið Heilsanir Týsdagsblaðið Mán.kl. 10 Frí. kl. 15 Frí. kl. 12 Frí. kl. 12 Mikudagsblaðið Týs. kl. 10 Mán. kl. 15 Mán. kl. 12 Mán. kl. 12 Hósdagsblaðið Mik. kl. 10 Týs. kl. 15 Týs. kl. 12 Týs. kl. 12 Fríggjadagsblaðið Hós. kl. 10 Mik. kl. 15 Mik. kl. 12 Mik. kl. 12 Leygardagsblaðið Frí. kl. 10 Hós. kl. 15 Hós. kl. 12 Hós. kl. 12 Størri lýsingar, sum nógv arbeiði stendst av, mugu vera inni í góðari tíð og áðrenn ásettu freistir. Framíhjápláss má umbiðjast í góðari tíð. Stødd: Ein heil síða í Sosialinum er 254 mm breið og 346 mm í hædd. Breiddin á einum teigi er 39mm og rúmið millum teigarnar er 4mm. Innsent tilfar Fult navn skal vera undir innsendum tilfari. Innsendar greinar, har blaðleiðsl- an ikki er kunnað um bústað og telefonnummar, verða ikki settar í blaðið. Hans Pauli Strøm landsstýrismaður Súni í Hjøllum setir í lesarabrævi 4.8.04 undir- ritaða nakrar spurningar viðvíkjandi heimarøktini í Eysturoynni. Spurt verður, um tænastuveitingin er nøktandi, tá íð Heimarøktin í summum førum ikki er før fyri at veita reingerð í juli og august mánaða, og um tað er rætt skilt, at eldrasambýlini eru so und- irmannað, at tað er neyðugt at biðja tey avvarðandi hjálpa til. Tað er rætt, at onkur heim í Eysturoynni ikki fáa ta vanligu reingerðina nú í summarfrítíðini. Hetta er gjørt í eini prioritering, har heimarøktin hevur mett hetta at vera forsvarligt í mun til t.d. at skula skerja tænastuna til persónliga røkt. Prioriteringin er eisini gjørd við fyriliti fyri heim- ligu og familieru umstøð- unum hjá tí einstaka. Rein- gerðin er tí ikki skorin yvir ein kamb, tað snýr seg uml. ein triðing av teim brúkar- unum, sum vanliga hava fingið reingerð. Tað vil siga, at tey flestu heimini fáa reingerð sum vanligt, og nøkur eru skerd eitt tíðarskeið. Høvuðsorsøkin til hesar prioriteringar er, at tað eru færri fólk til arbeiðis, með- an summarfrítíðin er, sam- stundis sum arbeitt verður við at manna tey nýggju sambýlini, ið skulu lata upp í næstum við einum parti av teim starvsfólkunum, sum longu arbeiða í heimarøkt- arskipanini, og avgerast skal, hvussu nógv fólk skulu setast aftrat. Hetta er ein kabala, sum skal ganga upp, saman við eini ávísari óvissu um, hvussu nógvir og hvørjir brúkarar fara á sambýlini at búgva (og hvat hetta kemur at merkja fyri restina av virkseminum). Tað er ein sannroynd, at summarferiutíðin er ein ring tíð viðvíkjandi starvs- fólkaorku, tí at trýstið á skipanina er so stórt, og vanliga skilja brúkararnir, at tað onkuntíð kann gerast neyðugt at skerja tænastuna í ávísan mun í ávísum tíðarskeiðum. Heimarøkt- arskipanin er ikki vitandi um stórvegis trupulleikar, og ongin brúkari í økinum hevur klagað til heima- røktina og víst á sína ónøgd við tænastuna. Sambært Heimarøktini er ongin broyting í manning- ini á sambýlunum í hesum tíðarskeiði í mun til ta manning, íð vanliga hevur verið nýtt undanfarin ár. Tað, at avvarðandi, tá til ber, eru um síni undir ser- ligum umstøðum, hevur eisini verið vanligt allar tíðir á árinum, og hevur hetta verið púra náttúrligur partur av arbeiðinum, tá hugsað verður um okkara siðaarv, við tøttum familju- bondum, og eitt tekin um samstarv millum teir partar, sum eru um tann, íð tørvar hjálpina. Tað henda stórar posi- tivar broytingar á eldraøki- num í Eysturoynni í ár og eisini komandi ár. Nú eftir summarsteðgin lata tey nýggju 5 plássini upp á Eiði og tey bæði nýggju sambýlini á Toftum við 16 plássum og Leirvík við 10 plássum, og so seinni í heyst tað í Gøtu við 10 plássum. Haraftrat er heimarøktan involverað í nýggja heimið fyri minnis- veik við 8 plássum, sum eisini fer at lata upp nú í næstum. Í komandi ári verður so tann stóra út- byggingin av ellis- og røkt- arheiminum í Runavík lið- ug við 24 nýggjum plássum aftrat. Sigast kann at av posi- tivum orsøkum hevur heimarøktin í Eysturoynni kapisitetstrupulleikar nú í summartíðini og skal laga seg til tær nógv broyttu umstøðurnar sum verða tá ið hesi nógvu nýggju pláss- ini koma aftrat við teim nýggju sambýlunum sum fara at lata upp nú. Tað eru tí nógvir bóltar í luftini, ein mennandi avbjóðing og stór uppgáva at lyfta í økinum, og roynt verður at laga seg til broyttu umstøð- urnar soleiðis, at tænastan alla tíðina kann verða so góð sum yvirhøvur til ber. Positivar broytingar á eldraøkinum í Eysturoy – svar til Súna í Hjøllum frá Hans Pauli Strøm, landsstýrismanni Dagurin 6. august. Kristi dýrd. Dagurin verður hildin til minnis um Jesu umbroyting á fjallinum (Matt. 17, 1-9). Kunngjørt verður fyri ætt, vinum og kenningum, at kæri maður, pápi, verfaðir og abbi okkara Petur Sofus Juul vanliga nevndur Piddi Søldarfirði andaðist í heiminum mikunáttina 4. august. Jarðarferðin verður úr Elim leygardagin 7. august kl. 14.00. Vegna tey avvarðandi Hansa Kai Vágfjall Havi sitið og lurtað eftir orðaskiftinum á tingi um løgmansrøðuna. Har viðgjørdi Óli Breckmann Tjóðveldisflokkin í eini talu, í staðin fyri at viðgera evnið, sum jú var løgmansrøðan. Sjálvandi, tá ið soðið er so tunt, og eingir bollar eru í súpanini, er ikki nógv at viðgera har, so tað er ein funnin fressur, at sleppa at dálka Tjóð- veldisflokkin út í staðin. Óli segði, at eingin vil í samgongu við Tjóðveldis- flokkin, bara Fólkaflokk- urin vil kanska um nøkur ár, um Tjóðveldisflokkurin fer at »skikka sær væl«, sum hann málbar seg. At »skikka sær væl« merkir í Fólkafloksins høpi eftir øllum at døma, at Tjóðveld- isflokkurin skal góðtaka kriminalitet, vina- og kenn- ingapolitik o. a. óreint, sum hesin flokkur tykist at vælsigna. Hetta fer Tjóð- veldisflokkurin ongantíð at gera. Kanska hevur Fólka- flokkurin fingið hasar báðar sambandsflokkarnar at »skikka sær væl«, tí hálsfevnast teir so væl ídag. Eisini fannst Óli at Tjóð- veldisflokkinum, tí hann ikki vildi góðtaka Anfinn Kallsberg sum løgmann. Rætt er tað, men tað vildu hasir báðir sambandsflokk- arnar, sum teir sita í sam- gongu við nú, heldur ikki. Jokarin Havi eisini lurtað eftir nýggja og unga manninum hjá Javnaðarflokkinum. Helt at hesin fór at geva flokkinum nakað av nýggj- um íblástri, men jokarin, sum formaður Javnaðar- floksins hálaði úr ermuni stutt undan valinum, gjørd- ist eitt satt vónbrot. Tá ein lesur tað, hann hevur skriv- að í bløðunum og hevur hoyrt hansara røður og viðmerkingar á tingi hesar síðstu dagarnar, kann ein bara staðfesta, at her er einki nýtt ella skilagott at heinta. Havi varhugan av, at hann heldur seg vera sera stuttligan, tí hann flennur altíð einsamallur, tá hann kemur við onkrum, sum hann heldur vera stuttligt. Fyri mær virkar hann ikki at vera annað enn ein sjálvtilnevndur klovnur. Ja, ein jokari, í orðsins sanna týdningi. Mangur fer upp á tjólegg og dettur niður á langlegg. Virgar T. Dalsgaard Fyri góðum tveimum mán- aðum síðani royndu teir báðir tjóðveldisprofetarnir Høgni Hoydal og økonom- iska faktotum hansara, hag- drongurin Hermann Oskarsson at øsa danir heilt upp í varg við einum pubertilum, destruktivum og desorienterandi vekilsis- fundi á Christiansborg. Fyrrnevndi Oskarssonur var í donskum radio sama morgun við grovum og sera ósakligum álopi á danska blokkpeningin. Hetta eru fakta, sjálvt um hesir báðir rædduskítar seinni eru farn- ir at vaska sær og turka ábyrgdina upp í onnur, eitt nú danskar fjølmiðlar. Fáar dagar eftir fundin visti harra Høgni Hoydal í samrøðu við A. Berthold- sen á Sosialinum at siga, at hetta fór als ikki at fáa nakrar fylgjur fyri viður- skiftini við Danmark. Berlingska tíðindi kom tó stutt eftir við ógvisligari grein um, hvussu føroyskir fiskimenn, av bloksins ávum fingu skattalætta og dusaðu sær við ovurhonds lønum. Blokkpeningurin er annars í sínari tíð ætlaður sjúkrahúsum og socialum veitingum, og átti als einki at havt við fiskivinnuna at gera. Hetta erkvisna temaið var í juli mánaði aftur tikið upp av danska TV 2, og teir høvdu aldri funnið uppá tað, 1) um ikki Høgni fyrst hevði skipað fyri vekil- sismøtinum á Christ- iansborg, 2) og um ikki Hermann var farin í danska radio at gorra, 3) og um ikki greinin við tilfari frá Oskarsson var komin í Berlingaran. Harra B. Højgaard, journal- istur á Berlingaranum sigur seg, sum fyrr nevnt hava skrivað allar sínar greinir við beinleiðis upplýsingum frá Hermanni Oskarsson. Hvør hevur nú skyldina í, at TV 2 er farið at fáast við hetta málið? Ja, svarið er einfalt - tað eru ikki danskir fjølmiðlar, sum kunnu lastast - teir renna bara tey ørindi, sum Høgni Hoydal og Hermann Oskarsson hava dyrgt eftir og næstan biðið teir um. Tí tað, sum um ræður hjá harra Høgna, er at fáa danir østar polit- iskt upp móti føroyingum. Ideologiski/og biologiski pápi Høgna, sum er fyrr- verandi betongkommun- istur og vanur við undir- gravandi moldvørpuvirk- semi næstan frá barnsbeini av, hevur sjálvur við polit- iskum hirðabrævi í síni tíð lagt soninum lag á, hvussu loysingarmenn við vilja skuldu søkja ta permanentu konfrontatiónina, ikki bara við Danmark og danir, men eisini við táverandi løg- mannin, Anfinn Kallsberg! Hetta andstyggiliga bræv varð um somu tíð sent ein- um øðrum kendum mein- ingafabrikanti í Tjóðveldis- flokkinum, nevniliga nú- verandi sjónvarpsstjóra okkara. Tað er nossligur fjølmiðlastjóri at hava sit- andi! So ótrúverdugur og subjektivur tíðindamaður hevði alla aðrastaðni langt síðani verið sparkaður út á streymasjógv! Høgni hevur á síni fjáku- tu ráðstevnu vágað sær at sett føroysku vælferðina í vanda og føroysk politisk álvarsmál á donsku polit- isku dagsskránna og hartil boðið donskum politikar- um og fjølmiðlum, so teir fingu høvi til at leggja seg beinleiðis út í føroyskan politikk. Men hann leyp føroyska landsstýrið um. So ynkiligur er hann! Hoy- dal er næstan líka so neyð- arsligur sum Jóannes Patursson, tá ið hann í 1937 fór grátandi til danska kongin, Kristian Tíggjunda og bað hann koma eftir før- oyska løgtinginum, tí fólka- valdið ikki vildi boyggja seg fyri høvuðkambalyndi hansara. – Harra Høgni sáaði vind, og nú heystar hann storm, og tí missir hann nervarnar, stakkalur! Men tekur hesin sam- vitskuleysi politiski ama- tørur nú ábyrgdina av sín- um vitleysa spæli við eldin? Nei, nei - tvørtur- ímóti - á sín vanliga feika og fariseiska hátt, so vaskar hann sínar dálkaðu polit- isku hendur og gevur donskum fjølmiðlum og danska politikaranum, harra Thuesen Dahl skyld- ina! Men harragud, hava danir og serliga hr. Thuesen Dahl gjørt nakað annað enn júst tað, høgnamenn bóðu um? Kyniskir høgnesarar og hr. Thuesen Dahl draga avgjørt somu línu í hesum skitna máli! Politiskur pyromanur Charlatanurin, harra Høgni Hoydal er í løtuni í síni ómansligu støðu ikki fræg- ari enn ein kyniskur pyro- manur, sum hevur sett eld á eini stór hús, og sum so, tá ið húsini standa í ljósum loga, og fólk eru við at brenna inni, gongur handa- vríggjandi og hálvgrátandi kring húsini og smádeilir um, at tey, sum inni eru, sjálvi hava sett eld á. Hoy- dalshyklarin roynir enntá at seta trumf á við at látast vilja sløkkja eldin við kávalótum, og hetta vil hann hava fólk at trúgva, hóast hann enn hevur bæði svávulsdós og avdúkandi benzinklodda í hondini! Men tað, at harra Høgni við krokodillutárum tætt við sjálvt bálið er tikin við rúkandi svávulspinni í hendi, er ikki nógmikið til at fáa henda forstokkaða falsara av veruleikanum til at viðganga nakað sum helst, nei, nei, - tað eru sum hjá øllum narcissistum og óflýggjaligum óvitum altíð onkur onnur og hini, sum hava skyldina. Har, sum eingin er æran, er heldur eingin skommin! Millum annað verjir harra Høgni seg við, at danskir fjølmiðlar vita ov lítið um Føroyar - gaman í, - men HVOR hevur ábyrgd- ina av tí? Eru tað ikki júst høgnamenn, sum eitt nú Sjúrður Skaale og Øssur Winthereig saman við meg- inpartinum av Hoydals- familjuni, sum regluliga troðka seg fram í donskum fjølmiðlum og geva bæði donskum journalistum og vanligum dønum eina ful- komuliga avskeplaða mynd av Føroyum og politiska gerandisdegnum har. Sjálvt tá ið danskir journalistar eru í Føroyum, sleppa teir treyðugt at tosa við onnur enn teir føstu Tordenskjolds soldátarnar, teir frelstu missionerarnar, sum allir eru meira og minni rabiatir loysingarmenn, Danskir tíðindamenn verða loftaðir av høgnamonnum og síðani pakkaðir inn, so eingin ófrelstur sambandsmaður hittir teir. Tað eru nógv dømi um hetta, - tjóðveld- isreiðrini í út- og sjónvarpi Ansa væl eftir, at bara tað fundamentalistiska liðið sleppur framat dønum! Abyrgdin liggur tí fyrst og fremst hjá meiningamono- polinum hjá fullveldis- meinigheitini - tað eru av- gjørt høgnesisku monopol- menninir innan tíðinda- flutning, sum hava bróður- partin av skylduni av, at donsk media eru so illa orienteraði um føroysk við- urskifti! Men miðlafólkið skulkar sær altíð undan. Tey eru somikið naiv, at tey halda ongantíð, at søgan fer at verða skrivað um teirra ússaliga atburð! Men einki fer heilt undir flag, og nógv eru tey, ið fara at leggja sær væl í geyma! Høvdu renning undan ábyrgd, veruleikaflýggjan og politiskt handavask ver- ið olympiskir kappingar- leikir, høvdu leiðandi tjóð- veldismenn nú sum fyrr altíð verið favorittar til at fingið flest gullmedaljur! Alt hetta óneyðuga rokið kom av barnsliga Christian- borgar-fundinum hjá Høgna - og hvat hendi so har? Jú, frú Bodil Nyboe Andersen, nationalbanka- stjóri helt eina fitta røðu, sum eins væl kundi staðið í bløðunum - har var einki nýtt í. Hon staðfesti bara, hvat flestøll vita, at ein sjálvstøðug føroysk valuta vildi verið óðamannaverk! Ein íslendskur professari fortaldi, at tað hevði verið skilagott at farið upp í EU - hetta kom dáttliga við, og dámdi høgnesarum stak illa, og teir royndu tí fjált- ursskotnir heilt at tiga og krógva íslendingin burtur! Astrup, bankastjóri fekk eisini sagt okkurt lítið, sum seinni er nógv misbrúkt, m. a. av SSi! Orðini hjá Osk- arsson vóru heilt privat sjónarmið, sum ikki kunnu standa einsamøll, tí tey ikki eru annað enn sjónarmið og avgjørt ikki sakliga undir- bygd fakta! Annars var alt hitt sjáld- sama lítið vert - røðurnar vóru banalitetir og tómar almindiligheitir, og sjálvt um tað sjálvandi er stuttligt hjá føroyskum breyð- politikarum og sera forvitn- isligt hjá einum íslendingi at fáa eina ókeypis og av- gjørt stuttliga keypmanna- havnarferð, er tað ikki nóg mikið grundarlag til polit- iskt at seta eld á millum londini! Allarflestu føroyingar duga ikki at síggja nakað upplýsingarvirði í slíkum tiltaki, og teir spyrja tí undrandi, hvat í allari víðu verð handa steinbýtta og innihaldsleysa ráðstevnan skuldi til. Destruktivi Christiansborgarfundurin, sum danir noyddust at finansiera, hevur higartil bert problematiserað og gruggað viðurskiftini við Danmark! Og mundi tað ikki, tá ið saman um kemur, vera tað einasta skammiliga endamálið Um so er, má hetta politiska pyromanar- beiðið hjá konfliktsøkjandi tjóðveldismonnum í Dan- mark halda uppat, ongantíð ov skjótt! - Teir gera øllum føroyingum fyri skommum við sínum levnaði á Christ- iansborg! Hvussu leingi vil før- oyska landsstýrið finna seg í, at teir fáa sítt strævna arbeiði beinleiðis saboterað av ábyrgdarleysum polit- iskum óvitum sum Høgna Hoydal, Sjúrða Skaale og Hermanni Oskarsson? Og hvussu leingi vil meirilutin av føroyska fólkinum finna seg í, at forkelaðir føroyskir politiskir playboys og grøn- lendskir ditto eru við at innrætta sær ein politiskan grulvigarð á Christians- borg, haðani teir mjólka og mergsúgva danska skatt- gjaldaran fyri blóðpening til at finansiera sín privata fólkatings-blokk til polit- iskt spølni og rukkulevnað? Norðuratlantiski óvita- klubbin hevur snúltað sær til meira enn 700.000 krónur pr. mann um árið út yvir tað, sum ein van- ligur danskur fólkatings- limur fær - hetta er stór skomm fyri bæði Grøn- land og Føroyar! Neyðarsligur Hoydal roynir at vaska sær hendur Tjóðveldisflokkurin fer ongantíð at "skikka sær væl"! VIÐMERKINGAR C M Y K 11 10