hósdagur 29. oktober 2015síða 21

Fríggjadagur 30. oktober 2015 sosialurin 125 21 Hamskifti á Reinsarínum FPS – Føroyskir Psykiatriskir Sjúkrarøktarfrøðingar skipa fyri Hamskifti á Reinsarínum fríggjakvøldið klokkan 21.00. FPS virkar millum annað fyri avstigmatisering av psykiatriskum sjúkum og hava tí fingið tiltakið í lag. Sí meira á reinsariid.fo klumman Barbara Holm Hvar eru tit nú C, D, E og F? Flest okkara minnast hugvekjandi doku­ mentar­sendingina úr Kringvarpinum fyrr í ár, sum vísti liviumstøðurnar hjá familjum, sum liva undir fátækramarkinum. Í kjalarvørrinum av sendingini gjørdi Miðlahúsið eina um­fat­ andi kampanju við heitinum »Meðan vit bíða«. Sipað var til politisku líkasæluna, sum tóktist ráða tá, síðani eingin hjálp var at heinta hjá hesum familjum. Allir flokkar lovaðu at bøta um korini hjá støkum uppihaldarum og hjá børnum undir fátækramarkinum. Táverandi andstøðuflokkar, Tjóðveldi, Javnaðarflokkurin, Sjálvstýrisflokkurin og Framsókn savnaðu undirskriftir inn fyri at leggja eitt uppskot fyri tingið eftir freistin var farin, fyri at geva hesum børnum bráðfeingis hjálp. – Tað er ein avgreiðsluspurningur, søgdu tey tá. Men uppskotið fall, løgtingsval kom, og tríggir av táverandi andstøðuflokkum sita nú við landsins leiðslu. Men hvar eru føgru orðini nú, tá ið hesin sokallaði »avgreiðsluspurningur« enn ikki er avgreiddur? Í vikuni frættist, at Heilsufrøðiliga Starvs­ stovan hevur skipað so fyri, at Leif Erik Niclasen frameftir ikki kann bera útgingnan mat út til fátækastu familjurnar í Føroyum. Enn hevur Heilsufrøðiliga Starvsstovan ikki svarað Sosialinum uppá, um veruleikin er júst so, sum greitt verður frá frá ymisku hjálpar­ felags­skapunum. Og úr landsstýrinum verður sagt við Vikuskiftis Sosialin, at arbeitt verður við upp­skot­inum, sum tó helst ikki kemur í gildi í ár. Tað kanst tú lesa meira um aðrastaðni í blað­num. Vit eru vitandi um, at tað kann vera torført at fremja eina lógarbroyting. Vit eru eisini vitandi um, at Heilsufrøðiliga Starvsstovan helst ikki er til BARA fyri at irriterað og genera fólk. Men undanførslurnar byrja at blíva eitt sindur ov festligar. Tit, sum nú sita við lands­ins leiðslu, hava lovað okkum, at børn í fátækra­ váða fáa hjálp. Tað skuldi vera tað fyrsta, sum nú­ver­andi samgonguflokkar skuldu gera, tá ið valdið aftur varð teirra. Men nú vit nærkast 1. november hevur enn eingin hjálp funnið vegin fram til tey fátøku – heldur hava tey fingið enn ein neva frammaná frá myndugleikunum, nú tey ikki kunnu fáa ókeypis mat – sum vit onnur koyra í skrell – um tey vilja hava tað. Álvaratos – hendan samgongan hevur nakað at prógva fyri teimum fátøku í Føroyum, sum fingu lovað betri livikor eftir løgtingsvalið, um krossurin varð settur við táverandi andstøðu­ flokkarnar. Nú hava tit valdið, hvat bíða tit nú eftir? Vóru gyltu lyftini slept, tá ið valhølini lótu aftur 1. september? Vitska um burðar­dygga fram­leiðslu Hesuferð varpa vit ljós á burðar­dygga framleiðslu. Í tí sambandi fer Árni Bragasson, stjóri á Norðurlendska Ílegu­bankanum, NordGen at hava ein fyrilestur um at framtíðartryggja ílegu­marg­ feldið hjá djórum og plantum í Norðurlondum. Gunnar Bjarnason, land­búnaðar­ frøðingur fer at greiða frá styrkjum og veikleikum í før­ oyska seyðahaldinum. Enda verður við kjakfundi um at fíggja framtíðar seyðahald. Týsk­vøldið klokkan 19.30 í Norður­landahúsinum. Barnamentan E-boys Freestyle Phanatix er ein norður­lendskur breakdance­ bólkur, sum framførir og skipar fyri verksmiðjum á høgum støði. E-boys er um evolutión, og listafólkini broytast frá frumverum til apur, frá holubúgvum til homo sapiens. Vit byrja fyri milliónum av árum síðani, men breakdansararnir røra seg til elektroniskan tónleik. Tiltakið verður leygar­dagin klokkan 15.00 í Norður­landa­ húsinum. Sí meira á nlh.fo 200 í Tøting Legendariski punk bólkurin 200, ið hevur 6 útgávur og ein film á baki, fer nú fyri fyrstu ferð á konsertvitjan í Tøting. Tiltakið byrjar klokkan 21.00.