mánadagur 2. november 2015síða 23

23 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 2. november 2015 · Nr. 126 ÍTRÓTTUR FÓTBÓLTUR Nógv at læra enn Hóast René nú hevur fingið sáttmála við Vendsyssel, so er hann eyðmjúkur um leik­ lutin hjá sær. Hetta er fyrsta árið hjá honum í næst bestu deildini í Danmark. – Eg havi nógv eftir at læra. Spæliferðin er hægri enn í Superliguni, meðan tekn­iska stigið er lægri, sigur René. – Tað er ikki alt avgerandi fyri meg, um vit flyta upp í ár. Eg kann enn mennast nógv, so hetta er ein “vinn, vinn” støða fyri meg, sigur 22 ára gamli landsliðsspælarin. Ovi Christensen, venjari, hevur sagt við spælararnar í Vendsyssel, at teir ikki skulu leypa framav, hóast tað gongur væl í lands­kapp­ ingini. Hesum tekur René undir við. – Tað er nógv stig at spæla um enn, so vit taka bara ein dyst í senn, sigur René. Stuttligt at vinna á hinum føroyingunum Tað eru fleiri føroyingar í næst bestu deildini í Dan­ mark. Rógvi Baldvinsson er í FC Fredericia, meðan Viljormur Davidsen og Jóan Símun Edmundsson spæla við Vejle. Bæði feløgini eru við í stríðnum um uppflyting til Superliguna. Seinastu vikurnar hevur Vendsyssel vunnið á bæði Vejle og FC Fredericia. Tað smakkar René og teimum heilt væl. – Tað er sjálvandi stuttligt at arga hvønn annan eftir dyst. Kanska vit eru eitt sind­ ur frekkir, tá vit hava vunn­ ið, men tað er bara í skemti, sigur René. Trívist best í verjuni René Shaki Joensen er ein skjótur spælari, sum tey flestu helst høvdu sæð sum ein framrættaðan spælara. Soleiðis sær René tó ikki seg sjálvan. Hóast hann spælir á høgra kantinum, so trívist hann best í verjustøðu. – Mær dámar væl at hava spælarar frammanfyri meg, og mær dámar væl at verja, sigur René, sum í tíðini í Brønd­by bleiv umskúlaður til mið­verja. Bæði á lands­lið­ num og í Vendsyssel hevur hann fingið møguleikan á vonginum. – Eg spæli har, sum venj­ar­ in sigur, at eg skal spæla. Eg royni at læra sum mest. Tað gongur skjót á vonginum, og tú hevur oftani ein mann í rygginum, greiðir René frá. Higartil hevur tað víst seg, at tá René hevur sett sær okkurt fyri, so røkkur hann langt. Søgan um René, er søgan um ein spælara, sum hevur hildið fast í dreym­ inum um at blíva yrkisfót­ bólt­sspælari. Tað er ikki vist, at hann røkkur málinum, sum hann setti sær fyri hálv­ um fjórða ári síðani – men hann er væl ávegis. trondur@sosialurin.fo Rós til René Ítróttarstjórin í felagnum, Jacob Krüger, sigur við heimasíðuna hjá felagnum, at René hevur ment seg nógv sum spælari í Vendsyssel farna hálva árið. Ítróttarstjórin nemur eisini við, at tað hevur gagnað felagnum, at tað eru føroysk sambond í baklandinum, og at føroyska tilknýtið á vøllinum eisini hevur eydnast væl. Eisini venjarin í felagnum, Ove Christensen, hevur rósandi orð um føroyska landsliðsspælaran. Hann sigur millum annað, at René hevur verið eitt fríksligt íkast til hópin, og leggur dent á góða hugburðin, sum René S. Joensen hevur.