mánadagur 2. november 2015síða 30

Mánadagur 2. november 2015 · Nr. 126 30 Sosialurin Hugskot og viðmerkingar – send sms til 225000 ÍTRÓTTUR JUDO AFTUR Á OYGGJALEIKUNUM: – TAÐ ER FANTASTISKT Verturin fyri oyggjaleikunum 2019, Gibraltar, hevur kunngjørt hvørjar ítróttagreinar verða við ta árið. Meðan eitt nú flogbóltur og súkkling detta út, so verður judo við aftur fyri fyrstu ferð í 10 ár. - Tað var heilt fantastiskt at hoyra tíðindini, sigur Sofus Debes Johannesen, formaður í Judosambandi Føroya, sum metir oyggjaleikirnar hava alstóran týdning fyri judo í Føroyum Pætur Albinus Fyri smáum tveimum vikum síðani gjørdist endaliga greitt, hvørjar ítróttargreinar vera við á oyggjaleikunum í Gibraltar í 2019. Undr­unar­ vert var at síggja í kunn­ gerðini, at eitt nú flogbóltur og súkkling ikki vera við. Tað verður fyrstu ferð í oyggja­ leikasøguni, at tær ítrótt­ argreinarnar ikki vera við. Meðan sigursvandu flog­ bólts- og súkklufólkini harm­ ast um at tey ikki sleppa við á leikirnar, so eru tað hin­ vegin nøkur, sum fegnast. Nevniliga judo-fólkini. Lítla ítróttargreinin hevur tá sitið uttanfyri oyggjaleikirnar í 10 ár. Fantastiskt Tíðindini um at judo lok­ sins sleppur inn um oyggja­ leika­gáttina aftur vóru góð, viðgongur formaðurin í Judo­sambandi Føroya, Sofus Debes Johannesen. – Tað var í summar at tað frættist, at oyggjaleikirnir skuldu vera í Gibraltar. Sein­ ast oyggjaleikirnir vóru har í 1995, var judo við, og tí høvdu vit eina vón um at sleppa við aftur nú. Tað var heilt fantastiskt at hoyra tíð­i­ndini, sigur Sofus, sum metir, at oyggjaleikirnir hava alstóran týdning fyri eitt nú judo. – Tað hevur nógv at siga fyri tær smærru ítrótta­r­ grei­n­arnar, kanska serliga orsaka av vantandi tilgongd av teimum vaksnu. Vit hava havt eitt sindur svingandi tilgongd, og síðstu nógvu árini hava tað verið nógv børn. Tað hava vit verið glað fyri, men vandin er at tey detta út tá ið tey verða 15-17 ár. Onkur kemur tó aftur seinni, men vit vóna at kunna varðveita tey ungu, nú gularótin er at tey kunnu sleppa til oyggjaleikirnar, sigur Sofus og leggur afturat, at hann eisini vónar at onk­ ur, sum hevur verið við fyrr, fær hug at byrja aftur. Alternativ Seinast judo var við á oyggja­ leikunum, var í Álandi í 2009, og síðani hevur judo leitað eftir øðrum kappingum. – Alternativini eru nógv, um man fer at leita. Vit hava verið við til NM, men tað er á einum væl hægri støði enn vit eru á. Onkuntíð hava vit fingið okkurt bronsumerki, men tá ið kappingin er so stinn við nógvum stinnum skandinavum, so er trupult at gera seg galdandi, sigur Sofus og heldur fram: – Vit hava seinastu trý árini eisini verið við til Reykja­vík International Gam­es. Hóast har eru lut­ tak­arar frá øðrum londum, so eru tað mest íslendarar, og tá er møguleiki fyri góðum dystum í styrki, sum minnir meira um okkara, sigur Sofus. Harumframt hevur judo verið til kapping í Hillerød á hvørjum ári, men tað er meiri stílað til tey yngru. Judasambondini hjá oyggj­a­leikatjóðunum hava tosað um at havt sínar egnu judo-oyggjaleikir, men tað er ongantíð vorðið til meiri enn tos. Tað hevur víst seg, at tá ið stundin hevur nærkast og tosið er komið inn á tað praktiska og tann fíggjarliga partin, so hevur tað hóast alt ikki loyst seg, tí at ov fá hava verið við. Sjáldan við Summar ítróttargreinar eru í tí hepnu støðu, at tær nærm­ ast eru sjálvskrivaðar til allar oyggjaleikirnar, men soleiðis er tað als ikki hjá judo. Tað er sjáldan, at judo er við, og orsøkina biðja vit Sofus meta um. – Tað er lutvíst orsakað av skipanini á oyggjaleikunum, har tað í mesta lagi kunnu vera 14 ítróttargreinar við. Tað merkir, at fýra rúka út, og tað er har, at judo dettur burtur ímillum. Tað eru ikki øll, sum hava judo, og tí velja fyriskipararnir tær grein­ arnar fá, sum hava fægst oyggjar við, sigur Sofus. Hóast oyggjarnar í judo einans hava verið átta ella níggju í tali, so hava heilt upp í 150 luttakarar verið við, og eina tað metir Sofus vera ein orsøk til, at hámarkstalið á 14 ítróttargreinar burdi verið strikað. – Vit hava tosað við ÍSF um at avtaka markið, tí um onkrar oyggjar kunnu hýsa 18 greinum, so læt tær, heldur Sofus. Enn hevur tó einki spurst burturúr hesum upp­skoti­ num. Nakað serligt Flestu munnu vera samd um, at oyggjaleikir eru nakað heilt serligt, og tað heldur Sofus eisini. Oyggjaleikir kunnu geva føroyskum judo nógv. – Tað serliga við oyggja­ leikunum er, at tað er ein stór og góð kapping, har vit hava møguleika at vinna í øllum bólkum. Hitt er, at vit fáa góða reklamu í føroyskum miðlunum. Væl meira enn ímill­um leikirnar, heldur Sofus, sum hevur góðar vón­ ir um heiðursmerki. – Støðið er rímiliga høgt, men ikki hægri enn so, at vit kunnu vera við. Tað eru Føroyar og Áland og við­ hvørt Jersey og Rodos, sum hava verið tey førandi. Men hóast støðið passar væl til okkum, so er tað ikki givið, at vit fáa heiðursmerki. Tað er kapping, og tað ger tað stuttligt, sigur hann. Tað er tó ikki einans tað ítróttarliga og upp­merk­ semið, sum fløvar. – Eisini tað, at man ferðast við øðrum ítróttarfólki. Tað gevur ein serligan hýr, sum fólkum dámar væl, og tað blívur bara tað eyka stuttligt, sigur Sofus at enda. albinus@sosialurin.fo Sofus Debes Johannesen JUDO