týsdagur 3. november 2015síða 11

11 Mikudagur 4. november 2015 · Nr. 127 Sosialurin LANDSFUNDUR MIÐFLOKSINS Vit kunnu vera stolt Nú ber til at tosa um at býta virðini ímillum føroyingar Áki Bertholdsen – Vit kunnu vera stolt av tí mesta, vit hava avrikað! Bill Justinussen, ting­ maður fyri Miðflokkin, er ikki illa nøgdur við politikkin, hann hevur verið við til at føra hesi seinastu fýra árini, hann var í samgongu. Nú hann átekur sær ein nýggjan leiklut, sum ting­ maður í andstøðu, heldur hann, at CEF samgongan, sum nú hevur tikið við, hevur nógv betri fortreytir fyri at arbeiða undir, enn undanfarna samgonga hevði, tá ið hon tók við eftir valið í 2011. – Nú ber til at tosa um, hvussu virðini skulu být­ ast ímillum føroyingar. Tá ið vit tóku við, tosaði eingin um tað, tí tá vóru ikki so stór virði at býta, stað­festi Bill Justinussen á landsfundinum hjá Mið­ flokk­inum um vikuskiftið. Eydnaðist avbera væl Hann sigur, at hugsjónin hjá undanfarnu samgongu var, at vit skuldu ikki spara okkum til avlop fíggjarlógini. – Tíðirnar vóru ikki góðar, men við í samgonguni settu okkum fyri, at vit skuldu heldur veksa okkum burtur úr kreppuni, enn at spara okkum til eitt avlop, staðfesti hann. Hann sigur, at endamálið hjá undanfarnu samgongu var at lyfta búskapin og ein partur av tí var at fara í stríð við ES um at hækka makrelkvoturnar. Tað eydn­ aðist avbera væl og sam­ stundis setti vit so høgt avgjald á, hvørja ferð, skip avreiddu uppsjóvarfisk utt­ an­lands, at tað loysti seg ikki, og sostatt kom allur uppsjóvarfiskurin eisini upp á land í Føroyum, har stórur partur frammanundan varð avreiddur uttanlands. – Vit høvdu ikki nóg mik­ið av virkjum á landi í Før­oy­um til at taka ímóti upp­sjóvar­fiskinum og tí mest­sum noyddust reiðarar at byggja stór uppsjóvarvirki í Føroyum. Samstundis eru átøk gjørd fyri at geva alivinnuni so góðar vakstrarumstøður sum gjørligt. – Alt tað hevur ført við sær, at arbeiðsloysið er at kalla burtur í dag, samstundis sum at hundraðtals nýggj arbeiðspláss eru skapt. Vit hava fingið eina flat­ skattaskipan og hon hevur forðað fyri, at fólk eru rýmd uttanlands undan skattatrýstinum í Føroyum. Og hon hevur eisini ført við sær, at fólk, sum hava verið uttanlands, eru flutt heim­ aftur at búgva. – Sostatt eru føroyar í tí heilt sermerktu støðu, at vit eru einasti útjaðari um okkara leiðir, har fólka­talið veksur, staðfestur ting­mað­ ur­in fyri Miðflokkin. – Vit hava ført eitt virk­ nan, arbeiðsskapandi poli­ tikk. Úrslitið av tí er, at bú­skap­urin er vaksin. - Tí ber nú til hjá hesari nýggju samgonguni seta seg at býta virðini ímillum før­oy­ingar, og tað kunnu vit í undan­ farnu samgongu vera errin av, leggur hann afturat. ­ Hesum hava vit bíðað eftir í 27 ár Áki Bertholdsen Nú verður tað heilt skjótt, at tað fer at bera til at fáa grundstykki í Kollafirði. Og tað er ikki á hvørjum degi, at tað letur seg gera, tí seinast ein útstykking var í Kollafirði, var heilt afturi í 1988. Tórshavnar Býráð hevur nú samtykt at seta 190.000 krónur av til at projektera útstykkingina, og at bjóða arbeiðið út. Jákup Dam, býráðslimur, var ein av teimum, sum fekk grundstykki í seinastu útstykkingini og hetta er sostatt nakað, kollfirðingar hava bíðað eftir í 27 ár. Og Jákup Dam vísir á, at nú eru tað mong, sum eru rættiliga ótolin eftir at sleppa at seta spakan í. Hann staðfestur, at av tí at ongi grundstykki hava verið at fáa, eru tað rætti­ liga nógv, sum eru rýmd av bygdini, og hava búsett seg aðrastaðni. – Sostatt hevur hetta eisini kostað Tórshavnar Kommuna rættiliga nógv í inntøku, hesi árini, at ongi grundstykki hava verið til taks, sigur hann. So bíligt sum gjørligt Tróndur Sigurðsson, for­ maður í byggi og býar­skip­ an­arnevndini, sigur, at ætl­ anin er at bera so skjótt at, sum til ber – og ætlanin er eisini grundstykkini skulu vera so bílig sum gjørligt. Sum tað nú liggur í kort­ un­um, fara grund­stykk­ini at kosta 542 krónur fyri fer­ meturin og sostatt fer eitt stykki upp á 500 fermetrar at kosta 271.000 krónur. Talan er um eina út­ stykk­ing á Hamrabøi, mið­ skeiðis í Kollafirði og eftir ætl­anini vera 21 grund­ stykki í útstykkingini, og tey vera ímillum 510 og 600 fermetrar. Harafturat verð­ur pláss fyri tveimum grund­stykkjum fram við Homr­um. Í sambandi við út­stykk­ ingina skulu par­kerings­ pláss gerast og vegurin til nýggja býlingin verður átta metrar, har av gongubreyt upp á ein metur verður á hvørjari síðu. Gongst sum ætlað, verða stykkini tøk næsta ár. Tað hevur verið ein stórur inntøkumissur fyri Tórshavnar Kommunu Nú sleppa kollfirðingar loksins aftur at seta føtur undir egið borð Føroyar eru einasti útjaðari um okkara leiðir, har fólkatalið veksur, staðfestur tingmaðurin fyri Miðflokkin. Á myndin hevur tingmaðurin Jenis av Rana orðið