hósdagur 5. november 2015síða 30

FRÍGGJADAGUR 6. NOVEMBER 2015 SOSIALURIN 128 30 ÍTRÓTTUR TRÝ UM BOÐIÐ L andskappingin hjá kvinnum er deild upp í tvey. Tað ery trý lið, sum stríðast um heiðursmerkini, og trý lið, ið stríðast í botninum. Soleiðis sær stigatalvan hvørtfall út higartil. Mikukvøldið vann Neistin í evstu løtu á VÍF. Úrslitið gjørdist 24-23. Seinasta málið í dystinum skoraði Eir Berg í seinasta sekundinum av dystinum. Julian Johansen, fyrrverandi venjari hjá Neistanum, segði í samrøðu á Rás2, at Neistin er favorittur at vinna gullheiðursmerkini aftur, meðan Kyndil og VÍF eru fremstu avbjóðararnar. Farna vikuskiftið vann Stjørnan heldur óvæntað á VB í Vági. Tí liggur VB framvegis millum tey trý í botinum, sum eru StÍF og Stjørnan. Royndir bjarga Neistanum Dysturin mikukvøldið millum Neist­ an og VÍF var so spennandi, sum tað nú eina ferð kann blíva í hondbólti. VÍF javnaði, tá áleið tjúgu sekund vóru eftir. Í løtuni eftir fekk Agnas Olsen beinleiðis reytt kort, tá hon stillaði seg fyri, tá Neistin skuldi geva bóltin upp. Síðani hevði Neistin 16 sekund at skoraði avgerandi málið. Tað gjørdu tær, tá klokkan mundi verða so nær tímanum, sum yvirhøvur til ber. Spælið var ikki tað besta, og til tíðir gekk illa at fáa so mikið sum spælt bóltin runt. Hinvegin fingu áskoð­ararnir bæði undirhald og spenn­ing allan seinna hálvleik. Sermerkt fyri sigurin hjá Neist­ anum er, at tað vóru tveir spælarar, sum ikki fyri vist skuldu spæla í ár, sum gingu á odda. Tað vóru Fríða Petersen í málinum, og Jacklin Dur­ huus, sum skoraði ikki færri enn átta mál. Fríða Petersen hevur spælt alt hetta kappingarárið, eftir at hon farna kappingarár bleiv valt til ársins málverja. Hon hevði nakrar heilt framúr bjargingar, og stóð annars væl. Jacklin Durhuus hevur ikki vant nakað í ár, men skaðar hava gjørt at boð eru eftir henni. Hon gjørdi av álvara mun, tí hon skoraði ikki færri enn átta mál í seinna hálvleiki. Fleiri av málunum vóru týdningarmikil, og onkur av teimum eisini avbera góð. Enn er tíðliga í kappingini, men líkt er til, at tað verður ein kapping millum Neistan, Kyndil og VÍF, tá heiðursmerkini skulu deilast út. TRONDUR@SOSIALURIN.FO H71 OG HINI L andskappingin hjá monnum er so smátt við at mynda seg. Eitt lið rennur avstað í oddinum, meðan eitt lið stendur fast í botninum. Eftir seks umfør hevur H71 fult stigatal, meðan Team Klaksvík einki stig hevur. Sunnudagin settu hoyvíkingar KÍF upp á pláss við 25-20 sigri. Tað var sætti sigurin upp í slag. Sostatt hevur H71 vunnið á øllum seks liðunum í FTZ-deildini. Sigarnir hava í flestu førum verið sannførandi. Serliga er tað tilgongdin av Peter Krogh, sum hevur kveikt nýtt lív í silvurvinnararnar farna kappingarár. Liðið hevur somu grundina við Peturi Mittún sum venjara. Avbjóðingin er nú, at halda fokus, hóast luft er niður til hini liðini á stigatalvuni. VÍF við grønlendskum íblástir Mikukvøldið vann VÍF 27-24 á Neist­ anum í høllini á Hálsi. Vestmenningar eru – saman kollfirðingum – fremstu avbjoðarnir hjá H71, meðan StÍF, Neistin og Kyndil eru eina bátslongd aftanfyri avbjóðararnar. VÍF hevur eitt FM heiti at verja. Í mun til farna kappingarár, so eru millum annað menn sum Heini Hanusarson, Agnar Joensen og Sámal Joensen ikki at síggja á liðn­ um – enn hvørtfall. Millum teir nýggju á liðnum eru Danny Brandt og Nuunu Lars Olsen, sum báðir eru úr Grønlandi. Teir gjørdu báðir um seg í sigrinum á Neistianum. Danny Brandt sum ein ágrýtin verjuspælari, sum fleiri ferðir órógvaði uppspælið hjá teimum bláu, og skoraði nøkur góð mál í hinum endanum. Ein torførur spæl­ari at avlesa. Nuunu L. Olsen er striku­ spælari, sum flytir seg væl. Tað vísti hann fleiri ferðir í dystinum, har hann bleiv spældur leysur. VÍF tykist ikki vera líka væl fyri sum hoyvíkingar, men megnar liðið at halda fram at menna seg, so eru møgu­leikar á liðnum. KÍF og Kyndil Í komandi umfari verður dystur mill­ um Kyndil og KÍF, sum kann hava stóran týdning fyri serliga møgu­ leikarnar hjá Kyndli at bjóða av. Fýra stig í seks dystum er ikki nokk, og fáa teir ikki stig í dystinum móti KÍF, so veksur frástøðan til fremstu liðini. Stórur áhugi Hóast talan í løtuni er um fyrstu dystirnir í grundspælinum, so tykist áhugin fyri føroyskum hondbólti at vera stórur. Bæði til dystin í Kollafirði millum KÍF og H71, og í høllini á Hálsi mikukvøldið, var nógv fólk í høllini. Tað hevur stóran týdning fyri stemningin í høllini, at tað er nógvir áskoðarar. Hetta merktist væl bæði í Kollafirði og á Hálsi. Vónandi stendur áhugi við restina av landskappingini. TRONDUR@SOSIALURIN.FO Hvonn-deildin FTZ-deildin