mánadagur 9. november 2015síða 18

Mánadagur 9. november 2015 · Nr. 129 18 Sosialurin Hugskot og viðmerkingar – send sms til 225000 ÍTRÓTTUR EINGIN SKJÓTIBREYT OG EINGIN MENNING Bogaskjúttarnir í Føroyum líða eisini undir vánaligum umstøðum. Vælvild og neyðloysnir hava bjargað skjúttunum nøktandi umstøður innandura, men at skjóta uttandura ber als ikki til. Føroyar eiga onga breyt. - Tað er ein sannroynd, at vit seinastu fýra árini fram ímóti seinastu oyggjaleikunum als ikki hava ment okkum, meðan hinar oyggjarnar hava tikið okkum aftur og helst eru farnar framvið okkum. Hetta meti eg avgjørt vera tí at vit ikki hava havt nøktandi uttandura umstøður, sigur Schandorff Vang, formaður í Bogaskjótisambandi Føroya Pætur Albinus Bogaskjóting hevur í mong ár verið ein av teim­um ítrótt­ ar­grein­un­um, sum hevur vunnið Før­oy­um eina ør­ grynnu av heið­urs­merkjum á oyggjaleikunum. Tað er tó ikki tí at umstøðurnar til boga­skjóting eru serliga góðar í Føroyum, at úrslitini hava verið somikið góð – heldur tvørturímóti eru um­ støð­urnar ivasamar, men tey innan bogaskjóting hava í stó­ran mun skapt sær sínar egnu um­støður og livað av vælvild. Umstøðurnar at skjóta uttandura – ja, tað ber ikki til at tosa um tær, tí at tær eru snøgt sagt ikki til, og tað hevur bara borið tað harmi­ liga við sær, at støðið er fall­ ið. Trý feløg Sersambandið hjá boga­ skjútt­unum í Føroyum eit­ur Boga­skjóti­sam­b­and Før­oya, og har eru trý fe­løg limir. Tambar í Tórs­havn, Ørvur í Runavík og Vága­skot í Vág­ um. Í alt eru umleið 100 limir í teimum trimum feløgunum, og av teimum luttaka eini 20- 30 í kappingunum, sum verða fyri­skipaðar um veturin. Summ­arkappingarnar eru mest fyri teir royndastu skjútt­ar­nar, tí frástøðurnar úti eru væl longri og torførari at skjóta. Ein av eldsálunum í boga­skjóting í Føroyum er Schandorff Vang. Hann gjørd­ist formaður í Skjóti­ sam­b­andinum, sum tað æt tá ið tað varð sett á stovn í 1997, og hann helt fram sum formaður í Boga­skjóti­sam­ bandi Føroya tá ið boga­ skjútt­ar og byrsuskjúttar gjørdu hvør sítt samband. Schandorff er framvegis for­ maður. Umframt tað, so var hann við til at seta Ørv á stovn í 1991, og hevur hann verið við líka síðani sum skjútti, venjari og dómari. Hann er eisini altjóða dómari og hev­ ur eitt nú dømt í OL. Undirtøkan Schandorff sigur, at tey inn­ an bogaskjóting ikki hava merkt nakra tilgongd sein­ astu árini. – Undirtøkan hevur verið svingandi, men seinastu árini er talið av luttakarum í kappingum heldur minkað eitt sindur, sigur hann. Vit bóðu Schandorff lýsa hvussu umstøðurnar eru hjá teimum trimum bogaskjóti­ feløgunum í Føroyum. – Tambar hevur havt sítt høli á skipasmiðjuni í Havn síðani felagið bleiv stovnað í 1988. Hølið er óbroytt og ein­asti vansin er kuldin um veturin, sigur Schandorff og heldur fram við felagnum í Runavík: – Ørvur hevur sítt høli í kjallaranum í ítróttarhøllini í Runavík. Eina tíð var nakað trongligt, tí at skúlin skuldi hava part av hølinum. Hetta er tíbetur broytt aftur og hev­ur felagið megnað at rigga hølið somikið væl til, at um­støð­urnar eru nøktandi, greiðir hann frá. Bestu umstøðurnar til at skjóta við boga og píli í Før­ oyum eigur felagið vesturi í Vágum. – Vágaskot hevði fyrstu árini einki fast høli og hús­ aðist í fimleikarhøllini og part­vís ítróttarhøllini á Gilja­ nesi. Síðani hevur felagið gjørt avtalu við komm­un­una og hevur bygt sær sera gott høli í Miðvági, sigur Schan­ dorff. Trupulleikin Eitt er, at umstøðurnar hava verið nøktandi í teimum ym­ isku hølunum, sum boga­ skjúttarnir húsast í, men tað fortelur ikki alla søguna. Tað er nevniliga himmalvíður munur á at skjóta inni og at skjóta úti, og tað er hetta seinna, sum telur mest. Í al­ tjóða kappingum verður skotið uttandura, og umstøð­ urnar at venja seg til tað eru ikki góðar í Føroyum. – Uttandura hevur altíð verið trupulleikin. Tamb­ar hevði møguleika at brúka Tórsvøll og Ørvur hevði møguleika at brúka Svang­ a­skarð, áðrenn teir vall­ir­nir blivu lagdir undir gras­líki. Síðani hevur eing­in vøllur verið tøkur og uttan­dura skjót­ingin hevur verið fall­ andi við vanda­mikl­ari ferð, sigur Schan­dorff og vísir á hvussu lappa­loysn­ir­nar nú eru uppbrúktar. – Vit fingu møguleika at venja á gamla vøllinum á Mølini á Eiði, men har er opið út í havn og ikki altíð bestu líkindir. Í 2015 var tann møguleikin eisini tikin, tí vøllurin skuldi brúkast til campingpláss, vísir hann á. Fram undir oyggjaleik­irn­ ar á Jersey í summar varð ein fyribils loysn funnin. – Í neyðini upp undir oyggjaleikir 2015 fingu vit loyvi at venja á niðara vølli á Toftum, eins og møguleiki bleiv givin til ein lítlan geira í Hoydølum. Tað hevur ver­ ið tað, sum vit hava havt seinastu árini, sigur Schan­ dorff. BOGASKJÓTING Bogaskjúttar harmast: