mánadagur 9. november 2015síða 22

Mánadagur 9. november 2015 · Nr. 129 22 Sosialurin Hugskot og viðmerkingar – send sms til 225000 ÍTRÓTTUR RAVNUR VANN SANNFØRANDI Nýggja felagið á Toftum spældi til tíðir sera góðan kurvabólt og vann sannførandi ímóti Hamar úr høvuðsstaðnum. Ein frálíkur dystur Pætur Albinus Tað vóru umleið 50 áskoð­ar­ar møttir upp til dystin í høllini í skúlanum við Løg­manna­ breyt leygardagin, har slagið stóð ímillum Hamar og Ravn í fyrsta landskappingardysti í føroyskum kurvabólti nak­ ran­tíð. Karmarnir vóru góðir. Hóast hetta einans er ein skúla­høll, so man hon vera ímill­um tær snøggastu í land­in­u­m. Hon er ljós, hevur góð­ar kurvar og høgt er til loftið. Ein­asta, sum ikki er gott, er, at tað er lítið pláss frá síðu­linjuni til rimarnar. Føroysku kurvabólts­fólk­ ini høvdu gjørt nógv burtur­ úr. Alt sá út, sum var tað al­t­jóða. Út­skift­ings­benkur, reyð­klæddir dóm­ar­ar og ein flatskermur við støðu, topp­ skjútta­lista, hvussu nógv mis­tøk (brot á kurva­bólts­lóg­ ina) hvør leikari hevði gjørt o.s.fr. Eitt framúr debut, má sigast. Kúgvendist Dysturin útartaði seg heldur løgið. Hamar var greitt betra liðið fyrstu løtuna. Teir royndu menninir úr høvuðs­ stað­num høvdu minni nerv­ ar og raktu kurvina betur enn teir nýggju á Toftum. 25-15 til Hamar var støðan einaferð í fyrra hálvleiki, men so tók dysturin eina brád­liga og ógvusliga vend. Við eitt fór alt at rigga hjá Ravni, og teir so at siga smurdu Hamar av tað, sum eftir var av dystinum. Tað end­aði við, at Ravnur vann greitt 63-35. Støðið í dystinum var hækk­andi, og at enda var tað sera gott. Áskoðararnir vórðu undirhildnir við 3-point­ers, reverse layup og ikki minst einum dunki, sum heit­ini eru innan kurvabólt. Góður dystur Janus Jakobsen, formaður og ein av profilunum hjá Ham­ ar, var hóast tapið væl nøgd­ ur eftir dystin. – Dysturin var góður. Eg eri ovfarin av hvussu nógv fólk komu og hvussu góðar um­støð­urnar vóru. Dyst­ urin var spennandi ímill­um tvey jøvn lið, men vit fáa ov nógvar feilir og skjútt­ arnir raka ikki dagin. Vit fingu ikki nóg nógv stig frá teimum. Vit mangla ov nógvar mans síðsta quart­er (síðsti fjórðingur av dyst­in­ um, red.), og tá fara teir frá okkum, segði Janus beint eft­ir dystin. Hamar fekk tríggj­ar mans útvístar – teir gjørdu ov nógv (fimm) per­ són­lig mistøk, t.e. brot á lóg­ ina, og sluppu tí ikki inn aft­ ur á vøllin. Skjóta Vit spurdu Janus, um hann sambært hesum dystinum sá nakað, sum føroyskir spæl­ar­ar skulu betra. Og tað sá hann. – Generelt haldi eg, at vit skulu skjóta nógv meira, soleiðis at vit fáa eitt stabilt skot. So er tað eisini hatta við at seta seg ordiliga inn í reglugerðina, sigur Janus og leggur afturat, at hann helt, at dómararnir gjørdu eitt framúr arbeiði. Dómarar í dystinum vóru Magnus Jakobsen og Allan Dybczak. albinus@sosialurin.fo KURVABÓLTUR