mánadagur 16. november 2015síða 22

Mánadagur 16. november 2015 · Nr. 132 22 Sosialurin Hugskot og viðmerkingar – send sms til 225000 ítróttur hondbóltur Longu nú tykist tað at vera mestsum greitt, at H71 verður annað liðið í FM-finalunum á páskum. Ein av høvuðsorsøkunum til hetta er, at á liðnum hjá H71 er ein danskur harri, sum hevur tann óvanliga eginleikan, at hann skjýtur líka væl við báðum hondum. Sosialurin hevur tosað við Peter Krogh, ið er sera glaður fyri tilveruna í Føroyum Neli Heldarskarð Í gjár vann oddaliðið í FTZ-deildini, H71, 28-24 á heimavølli ímóti VÍF, sum er á øðrum plássi. H71 hev­ ur spælt átta dystir í ársins lands­kapp­ing, og hvør ein­ asti dystur er blivin vunnin. H71 hevur varðveitt stóran part av fólkinum, ið var við í síðsta kappingarári, tá ið hoy­víkingar taptu FM- finalur­nar ímóti VÍF, men stóri munurin á liðnum hjá H71 í ár er tann, at tað hevur eydn­ast teimum at fingið ein danskan stórspælara til felagið. Hann eitur Peter Krogh, og er hann 25 ára gamal dani. Tað hevur ikki eydnast at útvega talið av málum, ið danin hevur skorað fyri H71 í ár, men tey hava verið lut­ fals­liga nógv, tá ið hugsað verð­ur um, at Krogh fyri tað mesta er blivin mansvardur í hvørjum einasta dysti. Peter Krogh er stórur av vøkstri, og tað er snøgt sagt ikki lukkuligt at standa fyri sum verjuleikari ella mál­verji, tá ið krútsterki danin kem­ur rennandi ímóti verj­uni við fullari ferð. Hann brenn­ir næstan ongantíð, og onkun­ tíð situr man sum áskoðari við kensluni um, at hann kann skora mál, tá ið hann hevur hug til tað. »Gamaní, Peter Krogh er stórur og sterkur og skor­ ar nógv mál, tað eru fleiri hond­bóltsleikarar av tí slag­ num kring knøttin«, hugsar kritiski lesarin kanska. Tað, sum tó er sjálvt vøru­ merki hjá Peter Krogh er, at hann skjýtur líka væl við báðum hondum. Tískil er hann eitt nýbrot í før­oysk­ um hondbólti, tí at okk­um vitandi hevur tað ongan­ tíð áður verið nakar ann­ ar leik­ari, ið hevur havt hend­an serliga eginleika. At Krogh kann skjóta við báðum hondum merkir, at mót­støðu­menninir hjá H71 ongan­tíð kunnu vita, hvørja síðu hann fer til, ella hvussu teir skulu skerma hann av. Tí óansæð hvat, so kann Peter Krogh altíð skifta til seinnu hondina, um tað ikki ligg­ur fyri at skjóta við fyrru hond­ ini. Byrjaði at venja hond­ bólt sum 14 ára gamal Tá ið Peter Krogh vaks upp í Dan­mark lá tað tó ikki í kort­unum, at hann skuldi enda sum eitt slag av einum koll­veltandi hond­bólts­leik­ ara. Sum barn spældi Peter Krogh fótbólt, og tað var ikki fyrr enn hann var komin í konfirmatiónsaldur, at hann fór til sína fyrstu hond­bólts­ venjing.  – Eg byrjaði ikki at spæla hondbólt, fyrr enn eg var blivin 14 ára gamal. Fleiri av vinum mínum spældu hond­ bólt og eggjaðu meg at byrja. Eg helt tað vera spennandi at hyggja eftir hondbólti, so eg tók av. Eg helt tað beinan­ vegin vera stuttligt at venja hondbólt, so um hetta mund­ ið steðgaði eg við at spæla fótbólt. Valið fall á hond­ bólt, og við tíðini hevur tað so víst seg at vera ein góð av­gerð, sigur Peter Krogh í samrøðu við Sosialin stutt eftir dystarlok í gjár. Stóri danin varð beinan­ vegin bitin av hondbólti. Skjótt varnaðust venjarar hans­ara og Peter Krogh sjálvur, at tað lá væl fyri at kasta við báðum hondum. Krogh svarar soleiðis, tá ið yvir­rit­aði spurdi hann, hvussu hann fekk ta gávuna at skjóta líka væl við báðum hondum: – Tá ið eg byrjaði at spæla hondbólt hevði eg ikki ánilsi fyri, hvørjari hond eg kastaði við. Fyrst kastaði eg við høgru og spældi á vinstra vongi, men seinni varð eg flutt­ur á høgra bakk. Tá bleiv lagt til merkis, at eg kastaði næst­an líka væl við vinstru hond sum við høgru. Vinstra hond varð síðani vand upp, og í dag kann tað gera tað sama, hvørjari hond eg kasti við. Eg haldi eisini sjálvur, at tað er ein kulur eginleiki at hava, greiðir Peter Krogh frá um sítt sereyðkenni. Sjálvt í altjóða topp­hond­ bólti er tað nærum óhoyrt, at nakar kann skifta ímillum høgru og vinstru hond eftir vild. Tað er tó ikki óhugsandi, at vit í fram­tíð­ini fara at síggja fleiri hond­bólts­leik­ arar, ið duga líka væl við báð­ um hondum. – Eg veit um ein einkultan, sum spælir í næstbestu deild­ini í Danmark, ið eisini skjýt­ur við báðum hondum. Annars veit eg, at fleiri eru byrjaðir at venja at skjóta við báð­um hondum, bæði í Dan­ mark og í Føroyum, tí at tað er sjálvandi ein risastórur fyri­mun­ur at hava í mun til aðrar leikarar. Ikki hugaligt at vera mansvardur  Hini liðini eru fullgreið um, at Peter Krogh er størsta hótt­anin hjá H71. Hetta við­ førir, at so at siga øll liðini, Ongin steðgar Peter Krogh Navn: Peter Krogh Føddur: 20. juli 1990. (25 ára gamal) Feløg, ið hann hevur umboðað: Aalestrup IF, Aars HK, Viborg HK, Randers HH og H71 – Jú, kanska burdi eg spælt á hægri støði. Eg taki tó eitt fet at gangin, og so fáa vit at síggja, hvat tað verð­ ur til í framtíðini. Beint nú eri eg í Hoyvík í Føroyum, og her dámar mær sera væl at vera, sigur Peter Krogh Myndir: Álvur Haraldsen