mánadagur 16. november 2015síða 26

Mánadagur 16. november 2015 · Nr. 132 26 Sosialurin Hugskot og viðmerkingar – send sms til 225000 ítróttur Stór kanning hjá ÍSF steðfestir, at umstøðurnar hjá fleiri ítróttar­greinum eru vánaligar. Petur Elias Petersen, ÍSF-forseti, sigur, at hann hevði illgruna um, at hetta fór at gerast úrslitið Pætur Albinus Tað var í summar, at ÍSF kunn­gjørdi úrslitið av einari kann­ing, sum hevði til enda­máls at fáa greiðu á hvussu umstøðurnar vóru hjá teim­um ymisku ítróttar­ grein­unum í Føroyum, sam­ stundis sum yvirlit skuldi fáast yvir hvussu nógv íðka tær ymisku ítróttar­grein­ arnar. – Hesa frágreiðing hevur ÍSF latið gera fyri neyvari at kunna vísa á tørvin við­ víkj­andi ítróttanleggum í Føroyum samanborið við fólka­tal og tal á íðkandi í ymsu ítróttagreinunum. Talan er um fólkatalið, sum var 1. januar 2015. Talið á íðk­ andi er frá 1. mai 2015, varð skrivað í innganginum til kann­ing­ina. Illgruni Petur Elias Petersen, ÍSF- forseti, sigur, at tey í ÍSF høvdu ein illgruna um, at tað ikki stóð alt ov væl til, og hetta skilst eisini á einum parti av innganginum, har skrivað stóð: – Føroysk ítróttafólk hava í mong ár stríðst ótroytt­ iliga í nógvum ymsum ítróttagrein­um, og mangan hava tey staðið seg væl bæði heima og úti. Men langt frá altíð gjørdu umstøðurnar, at tey skaraðu framúr. Sigast kann tvørturímóti, at tey stóðu seg óvanliga væl, hóast um­støðurnar ikki vóru nøktandi, stóð at lesa. Petur Elias sigur, at tey í ÍSF hoyrdu frá alsamt fleiri, ið funnust at umstøðunum, og at tað eisini var við til at seta hesa kanningina í verk. Úrslitið Úrslitið av kanningini var lítið at reypa av. Illgrunin um vánaligu umstøðurnar var grundaður, tí tað er í kann­ ingar­frágreiðingini púra greitt, at nógvar ítróttar­ grein­ar hava tað trongligt, meðan umstøðurnar hjá summ­um ítróttargreinum verða beinleiðis lýstar at vera út av lagi vánaligar. ÍSF-forsetin sigur, at tey ikki vóru bilsin av úrs­lit­ inum. – Nei. Vit fingu bara stað­ fest nøkur ting, og yvirskipað eru vit ikki bilsin av tí, sigur Petur Elias. Hann sigur, at úrslitið av kanningini eisini er ætlað sum hjálp til politikarar, tí, sum hann sjálvur sigur: – Nú er greiningararbeiðið gjørt fyri teir. Í kanningarskjalinum, sum er til taks á heimasíðu ÍSFs, stendur at lesa, at ÍSF ætlar sær at fylgja neyvt við hesum viðurskiftunum í fram­tíðini, og at frá­greið­ing­ in fer at verða dagførd tá ið tørvur er á tí. albinus@sosialurin.fo Vit høvdu ein ÍSF-forsetin