mánadagur 16. november 2015síða 28

Mánadagur 16. november 2015 · Nr. 132 28 Sosialurin Hugskot og viðmerkingar – send sms til 225000 ítróttur Meðan nógvar ítróttargreinar skríggja eftir betri umstøðum, vil býráðspolitikari hava høll til eina spildurnýggja ítróttargrein. Squash kallast tann ítróttargreinin, sum eingin í Føroyum íðkar. Uppskotið hjá Hallu Samuelsen, býráðslimi, skapti øsing ímillum nógv ítróttarfólk, og nú sigur Halla, at høllin ikki er alneyðug Pætur Albinus Tað vakti undran hjá mong­um innan ítróttina í høvuðs­staðnum, tá ið Halla Samuelsen, býráðslimur og limur í mentamálanevndini hjá Tórshavnar kommunu, í síðstu viku boðaði frá, at hon ætlaði sær at leggja upp­ skot fyri býráðið um at fáa pening til vega at byggja eina squash-høll. Kostnað­urin skuldi í fyrstu atløgu vera ein millión, og tað fall mongum fyri bróst­ið, nú fleiri for­ menn í smærri ítróttar­feløg­ um og stór ÍSF-kanning á ein­um máli hava staðfest, at fleiri ítróttargreinar hava tørv á betri umstøðum alt fyri eitt. Ótrúligt Ein, sum fanst hvassliga at uppskotinum hjá Hallu Samuelsen, var formaðurin í Fræls­um Ítrótti Føroya, Hallur Holm. – Tað er ótrúligt, at koma við einum slíkum upp­skoti, uttan at taka atlit at tí tørv­ inum, sum longu er. Um­ framt borðtennis og judo, so skríggjar hondbólturin eftir eini altjóða høll, fótbólturin skríggjar eftir eini fót­bólts­ høll, svimjifeløgini skríggja eftir einum 50m hyli og frælsi ítrótturin skríggjar eft­ir eini innandurahøll. – Harumframt vinnur kurva­bólturin frama í hesum døgum, nú teir á fyrsta sinni skipa fyri landskapping í kurva­bólti, men teir hava held­ur onga høll, segði hann við in.fo. – Tað er ómetaliga grunt av einum valdum politikkara at síggja burtur frá teimum lyftum, sum longu eru givin, fyri at byggja eina høll til stutt­leikar, til ein ítrótt, sum eing­in í Føroyum íðkar, segði Hallur víðari. Lyftini, ið hann sipar til, eru tey, sum judo og borð­ tennis fingu. Tær ítróttar­ grein­arnar fingu eina játtan áljóð­andi sjey milliónir krónur at fáa útbygt Bad­ minton­høllina, men tann játt­an­in varð seinni tikin av aft­ur. Hon fór til fótbóltsvøll í Hoy­vík. Eitt ynski Halla segði í sambandi við uppskotið um squash-høll­ ina, at hon hevur verið í sam­bandi við nógv fólk, sum hava spælt squash uttan­ lands, at tey øll lótu líka væl at, og at squash samstundis er ein ítróttur, har øll kunnu vera við. Við samrøðu við Sosialin hevur Halla tó hug at leggja dent á, at ætlanin við squash- høll­ini ikki skal buldrast ígjøgn­um fyri einhvønn prís. – Hatta við squash-høll­ ini var bara eitt ynski, og eg má siga sum er, at eg ikki væntaði tað fór at fáa so nógva umrøðu. Um vit held­ ur kunnu hjálpa fleiri feløg­ um, so bukki eg meg, sigur Halla, sum undir samrøðuni var stødd í Danmark, har hon hevði nýtt høvið at kanna hvussu danir hava bygt squash-hallir. So ítróttargreinar, sum hava kært sína neyð, skulu ikki lúta fyri eini squash- høll? – Nei, als ikki. Eg havi nevnt tað nakrar ferðir, at um ein kann hjálpa teimum ítróttar­greinum, sum eru í dag, so er tað rættast at gera tað. Tað er ikki eitt must at fáa squash-høllina, sigur Halla Samuelsen. Halla Samuelsen Um vit held­ur kunnu hjálpa fleiri feløg­um, so bukki eg meg Squash- høllin er ikki alneyðug Hallu Samuelsen, býráðslimur