mánadagur 23. november 2015síða 22

Mánadagur 23. november 2015 · Nr. 135 22 Sosialurin Hugskot og viðmerkingar – send sms til 225000 ítróttur útlendskur fótbóltur FC Barcelona staðfesti leygarkvøldið, at teir eru besta liðið í heiminum. Hinvegin, so sær Real Madrid út sum eitt lið, sum er í upploysn. Serliga Cristiano Ronaldo er ónøgdur Tróndur Arge Um vikuskiftið var helst størsti einstaki lands­kapp­ ingar­dysturin í heiminum spældur á Santiago Beranbéu leikvøllinum í Madrid. Real Madrid tók móti arvafíggindanum úr Barcelona. Dysturin, sum hevur fingið heitið »El Clasico«, hev­ur politiskar undirtónar, og kann fáa sinnið í kók hjá báð­um pørtunum. Hesa ferð var einki undantak. FC Barce­lona vann dystin heili 4-0. Uppgerðini bjóðaði eisini upp á eitt reyt kort, fleiri tví­ dystir og spæl í heims­flokki frá Neymar, Luis Suarez og Andrés Iniesta. Frá kreppu til alt vinnandi Fyri einum ári síðani var Barce­lona í kreppu. Venjarin, Luis Enrique, sum á sinni skifti frá Real Madrid til Barce­lona sum spælar, gjørdi tað, ið tí ikki mást sum venj­ari hjá Barcelona. Hann setti fýrfalda Ballon d’Or vinnaran, Lionel Messi, á bonkin. Real Madrid setti um sama mundi spanskt met, tá teir vunnu 22 dystir upp í slag. Eitt ár seinni er alt broytt. Real Madrid tapti 23. dystin, meðan Barcelona við Lionel Messi, Neymar og Luis Suarez vann La Liga, Copa del Rey og ikki minst Champions League. Real Madrid stóð eftir við ongum. Í ár hava liðini fylgst, men seinastu tveir dystirnir hev­ ur Barcelona fingið seks stig, meðan Real Madrid einki stig hevur fingið. Teir hava tapt fyri Sevilla og Barcelona. Við sigrinum er Barcelona nú seks stig frammanfyri. Katalonar í dreymalandi Fyri Barcelona kemur sig­ urin ótrúliga væl við. Eitt er, at teir hava vunnið á Real Madrid. Hitt er, at um­støð­ ur­nar hjá Barcelona hava ikki verið optimalar til »El Clasico«. Stóran stjørnan á Barce­ lona liðnum, er 28 ára gamli bóltsnillingurin, Lionel Messi. Hann hevur verið skadd­ur í skjótt tveir mán­ aðir, men sat á bonk­inum til hendan dystin. Tað hevur tó ikki verið stórur saknur í lágvaksna dribblar­anum, tí Neymar og Luis Suarez hava hvør í sínum lag fylt stóru skjógv­ arnar hjá argentinska lands­ liðs­spælaranum. Teir hava skorað mál upp á samliband, og avgjørt at kalla allar dyst­ir­nar. Barcelona hevur prógv­að, at teir eru annað enn Lione Messi. Barcelona hevur fingið for­boð fyri at keypa spæl­ arar í eitt ár. Forboðið er gald­andi alt 2015. Sostatt hev­ur Barcelona ikki kunna styrkt sær um hópin, eins og Real Madrid farna árið. Tað hevur tað annars verið brúk fyri, tí liðið hevur havt fleiri skaða, umframt at felagið valdi at selja Pedro. Barcelona líkt, so hava teir í millum annað Sergio Roberto ment enn ein góðan spælara. Hann byrjaði inni leygar­kvøldið, og prógvaði at hann hevur evnini at blíva ein fyrsta liðsspælari hjá felag­num. Millum annað, við at leggja upp til fyrsta málið í dystinum, tá hann spældi Luis Suarez leysan. Jú, katalanska stórfelagið hevur taklað bæði skaðar og keypsbannið væl. Rafael Benitez, venjari hjá Real Madrid, mundi eis­ ini hugsa sítt, tá hann tíggju minuttir inn í seinna hálvleik, júst eftir at Barcelona hevði økt til 3-0, sá at Lionel Messi skuldi á vøllin. Andrés Iniesta – klapp­að­ur av Santiago Bernabéu Stutt frammanundan, at Lionel Messi kom á vøllin, skor­aði Barcelona flott­asta mál­ið í dystinum. Róligi mið­vall­arin við nærm­ast ganda­kendum bólt­nert­ing­ um, Andrés Iniesta, spældi banda við Neymar á brots­ teigar­mark­inum. Siðani setti Barcelona lið­ skiparin, á degnum, ferð á. Hann er fyrstur á bóltinum frá Neymar, og við einum bleyt­um, men avgjørdum skoti sendir hann bóltin upp í mál­hornið. 31 ára gamli Andrés Iniesta er uppvaksin á venj­ingar­miðstøðini hjá Barcelona, sum ber heitið »La Masía«. Hann hevur ein fram­úr góðan bóltførleika, gott eyga fyri spælinum og hev­ur hegnið til at spæla júst røttu avleveringina til røttu tíð­ina. Tað prógvaði hann eis­ini, tá hann legði upp til 2-0 málið, ið Neymar skoraði. Hann er lítillátin, eyð­ mjúk­ur og róligur í sinninum. Hann hevur saman við Lionel Messi og Xavi Hernandez verið ímyndin av nýggja Barcelona liðnum, sum síðani 2009 hevur verið greitt tað besta liðið í heim­ inum. Í Spania er ikki óvanligt, at áskoðarar kring alt landið klappa, tá hann verður skiftur inn ella út. Hetta kemst serliga av avgerandi mál­inum í HM finaluni í 2010, tá Spania endiliga vann heims­meistaraheitið. Tó skerst ikki burtur, at hansara háttur at spæla fótbólt upp á, og hansara tilgongd til lívið uttan­fyri vøllin, ger at fólkið hevur lættari við at geva honum viðurkenning, hóast hann spælir við mót­støðu­ lið­num. Tó munnu tey flestu ikki hava roknað við, at meiri­ lut­in av áskoðarunum á Santiago Bernabéu fór at reis­ast og klappa, tá Andrés Iniesta trettan minuttir fyri tíð bleiv útskiftur. Tí hann skoraði avgerandi málið í HM finaluni í 2010? Ja kanska. Ella kanska tí tey viðurkenna, at Andrés Iniesta hetta kvøldið var í ser­flokki – eins og Ronaldinho var tað í 2005. Barcelona í heimsflokki Real Madrid eyðmýkt Andrés Iniesta skor­aði flott­asta mál­ið í dystinum