mánadagur 23. november 2015síða 23

23 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 23. november 2015 · Nr. 135 ítróttur fótbóltur útlendskur Ronaldo í øðini Cristiano Ronaldo sigst vera í øðini um støðuna í Real Madrid í løtuni. Meðan saman­haldið í Barcelona tykist vera gott millum MSN(Messi, Suarez, Neymar) stjørn­urnar, so er tað heldur sjáldan, at Real Madrid spæl­ ar­arnir tykjast vísa nakra gleði fyri hvørjum øðrum. Tað hevur leingi verið mett, at Cristiano Ronaldo og Gareth Bale ikki spæla playstation saman. Sjón­ banda­brotini – tey eru fleiri í tali – tá Ronaldo ilskast inn á Gareth Bale, tí hann ikki spælir bóltin upp á tvørs, eru eftir­hondini víst mangan. Seinast Cristiano Ronaldo gjørdi seg upp, var tá Real Madrid vann 1-0 á Paris Saint-Germain í Champions League bólkaspælinum. Tá gjørdi portugisiska stjørnan nógv burturúr at teska okk­ urt í oyra á venjaranum hjá PSG, Laurent Blanc, meðan allur heimurin hugdi at. Síð­ani heilsaði hann upp á eigaran av PSG, Nasser Al-Khelaifi úr Katar, mitt í Mix-Zone, har tíðindafólk úr øllum heiminum vóru til staðar. Um Cristiano Ronaldo er í holt við at leggja lunnar undir eitt skiftið til PSG, skal verða ósagt, men hann kýtir seg ikki fyri at leggja lok á git­ingarnar. Altjóða miðlar skriva eftir dystin, at Cristiano Ronaldo er troyttur av Rafael Benitez, og hansara verjukendu fót­bólts­hugsjón. Spanska blaðið, AS, skrivar enntá, at Cristiano Ronaldo hevur boð­að Real Madrid frá, at antin skal Rafael Benitez frá, ella rýmur hann. Hvat gert tú Rafa? Rafael Benitez er venjarin, sum tey flestu elska at hata. Ja, sjálvt Steven Gerrard, ið vann Champions League við »Rafa« sum venjara í Liver­ pool í 2005, hevur okkurt minni gott at siga um mann­ in, sum ikki vísir kenslur – sigst. Hann ber orð fyri at vera verjukendur, kaldur og til­ætlaður í øllum, ið hevur við fótbólt at gera. Størstu sigarnar hevur hann vunnið sum venjari hjá Valencia frá 2001 til 2004, og hjá Liverpool frá 2004 til 2010. Her vísti hann ein ser­ eginleika at vinna á størri og betri liðnum. Serliga vóru tað tey fýra gyltu árini í Champions League við Liver­pool, har hann við takt­ isk­um snildum vann á øllum frá Barcelona og Real Madrid til Chelsea, Juventus og AC Milan. Tí kom tað púra óvart á, at hann valdi at byrja inni við Cristiano Ronaldo, Gareth Bale, Karim Benzema og James Rodriquez. Tveir teir síðst­nevndu hava verið skaddir í eina tíð. Á mið­vøll­ inum vóru Toni Kroos og Luka Modric. Seks mans, har ongin hevur sína styrki í verju­ part­inum og at vinna bóltar. Í Champions League dyst­ unum móti PSG í undan farnu vikunum hevur hann spæld við verjukendum mið­ vall­arum, og tað eydnaðist at halda málið reint í báðum dystunum. So hví nú – móti helst sterkast álopinum í heim­inum? José Mourinho gjørdi sama feilin í 2010, tá hann tapti heili 5-0 í fyrstu »El Clasico« upp­gerðini sum Real Madrid venjari. Tá vóru seks teir fremstu Cristiano Ronaldo, Karim Benzema, Ángel di María, Xavi Alonso Mesut Ozil og Sami Khedira. Tá valdi José Mourinho longu í hálvleikinum at seta ein verjukenda miðvallara inn. Spurningurin er hví Rafael Benitez ikki gjørdi tað sama leygarkvøldið. Tað líkist ikki spanska venj­aranum, at standa seg so illa taktiskt. Hann hevur verið kroystur í eina tíð. Ser­ liga er tað spælistílurin, sum spælarar, miðlar og við­halds­ fólk fílast á. Spurning­urin er, um hann á fyrsta sinni í longri tíð hevur latið seg trýst til at spæla við einum fram­rættaðum liðið? Um so er, so er tað ein brølari. Ein brølari, ið kann kosta honum starv­ið sum venj­ari hjá barn­dóms­felag­ num. Helst hevði tað longu havt kostað honum starvið, um Barcelona vóru meiri ágrýtnir at leggja afturat teim­um fýra málunum, sum teir fingu. Messi ongan veg – Ronaldo kanska Umframt søgurnar, at Cristiano Ronaldo er á veg til PSG ella enntá Manchester United, sum hann tó sjálvur hevur avsannað, so hevur eisini verið at hoyrt, at Lionel Messi umhugsar at takka fyri seg í Barcelona. Hesa ferð er Arsenal felagið, sum skal hava ágóðan av fýrfalda Ballon d’Or vinnaranum. Bæði Lionel Messi og Neymar eru í skatta­trupul­ leikum við mynduleikarnar í Spania, men tað er ilt at síggja hvørki Messi ella Neymar skifta frá Barcelona. Báðir passa perfekt til spæli­ stílin og hugmyndina av kata­lanska felagnum. Í januar legst Arda Turan afturat hópinum, tá kann Barcelon aftur keypa spæl­ arar. Hinvegin, so er tað ein møguleiki fyri, at vit leygar­ kvøldið sóu byrjanina til endan hjá Cristiano Ronaldo í Real Madrid. Fleiri og fleiri við­merkjarar við góðum keldum vísa á, at skiftið til franskan fótbólt er ein møgu­leiki. PSG hungrar eftir einum avloysara fyri 34 ára gamla Zlatan Ibrahimovic. Einum avloysara, sum kann vinna teimum gylta Champions League steypið. Men líka mikið hvar Ronaldo spælir, so tykist líkt til, at hann kemur at kappast við Barce­lona um steypið – hvørt­fall í nøkur ár afturat. Real Madrid - Barcelona 0-4 (0-2) 0-1 Luis Suarez, 11 0-2 Neymar, 39 0-3 Andrés Iniesta, 53 0-4 Luis Suarez, 74 Real Madrid: Keylor Navas, Danilo, Sergio Ramos(liðsk), Raphael Varane, Marcelo ( Danial Carvajal, 55.min), Luka Modric, Gareth Bale, Toni Kroos, James Rodriguez (Isco, 55.min), Cristiano Ronaldo, Karim Benzema Á bonkinum uttan at koma inn: Kiko Casilla, Pepe, Casemiro, Mateo Kovacic, Jese Gul kort: Sergio Ramos, James Rodriguez, Daniel Carvajal Útvísing: Isco, 84 Venjari: Rafael Benitez FC Barcelona: Claudio Bravo, Jordi Alba, Gerard Pique, Javier Mascherano (Jeremy Mathieu, 27.min), Dani Alves, Sergio Busquets, Andrés Iniesta (Munir El Haddadi, 77.min), Ivan Rakitic (Lionel Messi, 57.min), Sergio Roberto, Luis Suarez, Neymar Á bonkinum uttan at koma inn: Marc Ter Stegen, Sandro, Adriano, Thomas Vermaelen Gul kort: Dani Alves, Ivan Rakitic Venjari: Luis Enrique Rafael Benitez er venjarin, sum tey flestu elska at hata. Myndir: Polfoto Altjóða miðlar skriva eftir dystin, at Cristiano Ronaldo er troyttur av Rafael Benitez, og hansara verjukendu fót­bólts­hugsjón. Spanska blaðið, AS, skrivar enntá, at Cristiano Ronaldo hevur boð­að Real Madrid frá, at antin skal Rafael Benitez frá, ella rýmur hann Myndir: Polfoto