hósdagur 26. november 2015síða 21

Fríggjadagur 27. november 2015 sosialurin 137 21 klumman Mia Helmsdal Clothier, praktikantur í Miðlahúsinum Ævintýrini hjá Klummiu Nú er næstan ein vika farin. Eg havi sitið millum leyvur og tikarar síðani mánadagin, men havi tó ongantíð ordiliga verið í lívsvanda enn. Eg haldi, fyri at vera erlig, at eg trívist væl. Eg fari til arbeiðis kl. 9, og siti og skrivi okkurt smávegis. Síðani fari eg í matarsteðg kl. 12 við vinkonum mínum, ið arbeiða tætt við Miðlahúsið. Vit fara sum oftast til arbeiðsplássi, har mamma ta einu arbeiðir, og sita so har og eta matpakka og práta eitt sindur. Aftan á fari eg aftur til arbeiðis til kl. 16. Jú jú, eg kann bara siga, at eg trívist stak væl. Tað góða við at vera á Miðlahúsinum er, at umframt at sleppa at skriva fyri blaðið og heima­síðuna, so eru eisini onnur forkunnug ting, ein sleppur. Týsdagin var eg í rættinum fyrrapartin og seinnapartin í Løgtinginum. At vera í rættinum var nokkso feitt, tó hevði eg ímyndað mær salin eitt sindur størri, men what can I say. Alt í rættinum kendist nokkso óveruligt. Har vóru bæði ákæri, verji, ákærdi, dómari og vitnir. Hetta havi eg annars bara sæð í sjón­ varp­inum (sum so nógv annað eisini).Sjálvt um tað var kul í rættinum, so var tað Løgtingið, eg gleddi meg mest til. Tað gjørdi tað bara enn betri, at málini, sum skuldu í 1. viðgerð tá, vóru, hold på hat og briller, hjúnabanda­lógar­ broytingar (langt orð). Tá eg so, í fylgi við einum arbeiðsfelaga og einum politikara, fór niðan í Løgtingið, var eg ræðuliga spent. Vit fóru innar. Nokkso fitt av fólki hevði longu sett seg í salin, men vit skuldu ikki sita niðriundiri. Nei tú, vit skuldu uppá. Haðani høvdu útsýni yvir salin og tí, ið gekk fyri seg undir okkum. Tá fundurin byrjaði, var eg rættiliga kløkk um, hvussu nógv skuldu halda røður. »Her fari eg at verða sitandi eina tíð,« hugsaði eg, eitt sindur mótfallin kanska. Men tingfundurin livdi upp til allar mínar vónir. Ovmikið av kjaki, ovmikið av guðstænastu, ovmikið av góðum og minni góðum argumentum. Sjálvt um tað var gott, varð tað at enda eitt sindur ov nógv av tí góða. Tey somu argumentini komu fyri sættu ferð og somuleiðis sama svar. Eitt, eg veruliga ikki skilji, er, hví at onkur kann standa og hyggja ein djúpt í eyguni, meðan ein noktar einum minnilutabólki, sum er akkurát sum øll onnur, mannarættindi. Og at nýta átrúnað sum grundarlag fyri hettar, er heilt burturi við, serliga tá hann ikki umfevnir øll. Eg vóni so staðiliga, at hesi uppskot verða sam­tykt. Við vón í hjartanum sigi eg farvæl og takk. Stórt harmonikutiltak á Reinsarínum leygarkvøldið ALeygarkvøldið kl. 19.30 stundisliga, verður har­ moniku­tiltak fyri tey til­ komnu, ið eru farin um tey 50 árini. Tiltakið Harmoniku­ ljómur, bjóðar sjelarar, perlur, vakrar røddir, felagssang, harmonikur og dans í Reinsa­ rínum í Tórsgøtu. Farið verður nokk um midnátt, áðrenn dansurin endar. Tey og tað, sum verður at hoyra er: Góðir gamlir altjóða “sjelarar”, sum Johanna syngur við síni mjúku rødd og spælir mandolin til, og har maðurin, Terji, lutvíst spælir undir við harmonikuni, og lutvíst virtuost spælir høgt vird løg sjálvur. Klassiskar perlur við tí populera parinum Preben og Nelli. Russiska Nelli syngur vøkur og væl lýdd altjóða løg, meðan úrnælingurin á harmoniku, danski Preben, spælir undir og eisini spælir krevjandi løg einsamallur. Evergreens fyri harmoniku­ spælarar við tí garvaða gittarspælandi, Ísaki, sum trubaduri og við Eyðfinni og Suna sum tveir somuleiðis garvaðir og væl spælandi spælarar, verður trivið í æviløg úr 6 ymiskum londum. Tá klokkan fer av 21 verður syngið-við-løta saman við fjølmannaðum bólki hjá Havnar Harmonikufelag, ið spælir upp aftur fleiri populer løg. Pallstjóri er tann skemtiligi Poul Jákup Thomsen Kl. 22.15: Steðgur har møgu­ leiki verður fyri at fáa sær kaffi/te og aðrar drykkju­ vørur. Kl. 22.30: Dansur, mest fyri tey 50+ ára gomlu við spæli­bólkum hjá Havnar Harmoniku­felag. Atgongumerki fáast á www. reinsariid.fo, á Kunningar­ stovuni í Havn ella við dyrnar. Jólahugni í Norðurlandahúsinum fyri familjuna Sunnudagin kl. 14.-17.00 verður hugni við klipping, máling og klistring. Eisini syngja Steintór Rasmussen o.fl. Kom niðan í Føroya heitasta hús ein kaldan vetrardag og hugna tær saman við børnunum. Vit fara at klippa, líma og mála, og møguleiki verður at senda eina fitta jólaheilsan á postkorti. Alt hetta meðan vit njóta eitt leskiligt ábit frá SMAKKA og lurta eftir tónleiki við Steintór Rasmussen, Rakul Ró og Pætur við Keldu á klaver. Vakra prýðið hjá Edvard Fuglø fer aftur í ár at skapa jólahýr í Norðurlandahúsinum. Mynd: Álvur Haraldsen