hósdagur 26. november 2015síða 32

Fríggjadagur 27. november 2015 sosialurin 137 32 ítróttur Fótbóltur Ruðuleiki valdar í altjóða fótbóltssamgonguni, har fleiri oddamenn eru undir illgruna fyri óreint spæl. Fyrr­ verandi FSF favoritturin og forsetin í UEFA, Michel Platini, stendur at falla, tí eisini hann er dottin í muturfelluna. Sepp Blatter er fallin. Forsetin í føroyska fótbóltssambandinum, Christian F. Andreasen, ynskir at stuðla broyting og gjøgnumskygni í FIFA fsf stuðlar upprudding í FIFA Tróndur Arge T að er kaos í FIFA í løt­uni. Orðini eigur for­setin í før­oyska fót­bólts­sam­ band­inum, Christian F. Andreasen. Hann situr sjálvur í kæru­ nevndini hjá FIFA, og hevur seinastu tíðina upplivað hvussu FIFA er blivið sindrað sundur fyri hvørja gølu, sum verður avdúkað fyri øllum heiminum. FIFA forsetin, Sepp Blatter, og UEFA forsetin, Michel Platini, hava báðir fingið fyribils 90 dagar bann. Teir skulu halda seg vekk frá øllum, sum hevur við fótbólt at gera, tí teir eru undir illgruna fyri millum annað mutur. Báðir hava fyrr vitjað í Føroyum, og fingið stuðul frá føroyska fót­bólts­ sambandinum í samband við FIFA og UEFA forsetaval. Sepp Blatter er endaliga kroystur úr FIFA. Michel Platini, sum fleiri mettu kundi blíva nýggjur FIFA for­seti, stríðist við at bjarga sær, men hevur longu mist stuðul kring allan heimin. Millum annað eisini úr Føroyum. FSF ynskir upprudding í FIFA Forsetin í føroyska fótbólts­sam­ band­inum, sakførarin Chrsitian F. Andreasen, ynskir upprudding í altjóða fótbóltssamgonguni. Ein nýggj­ur forseti skal endurnýggja álitið á FIFA og altjóða fótbólt. – Tað er kreppa í FIFA. Hetta er ikki nakað, sum bara fer afturvið borð­ inum. Tann, sum vit velja, er tann, ið vit meta hevur røttu visiónirnar. Ein nýggjur foresti má broyta ímyndina av FIFA, sigur Christian F. Andreasen. Nógvu gølurnar kring FIFA gera eisini, at FSF ynskir ein forseta, sum ikki hevur eina dálkaða ella politiska fortíð. – Vit ynskja ein forseta, sum veru­ liga hevur ein ætla um at broyta FIFA. Hann skal ganga inn fyri vanligan norðurlendskan handilssiði, sigur FSF forsetin. Tað er ikki ókent í FIFA saman­ hangi, at nevndarlimir blanda seg í avgerðir og dagligu gongdina í FIFA. Tað skal eisini broytast, um tað er upp til Christian F. Andreasen. – Í løtuni velur kongressin bara forsetan. Alt annað tekur nevndin sær av. Vit ynska at FIFA verður koyrt sum ein stór fyritøka, har umsitingin tekur av dagligu gongdini og gera til­mælir, sum nevndin tekur støðu til. Soleiðis eigur tað at vera, sigur Christian F. Andreasen. HM blivið eitt váðaspæl Christian F. Andreasen er eins og tey flestu ivasamur um HM endaspælið í Katar í 2022. Stóra orsøkin til at stúra kemst fyrst og fremst av, at inn­ tøkurnar frá HM verða deildar út til lima­londini. Hetta er inntøkukeldan hjá øllum fótbóltssambondunum, men sannleiknin er, at yvirskotið er tað sama í dag, sum tað var fyri áleið 15 árum síðani. Hinvegin, so er umsetiningurin áleið 10 faldaður sein­astu 15 árini. – At geva Katar eitt HM endaspæl er eitt váðaspæl, tí landið hevur ikki umstøður at hýsa endaspælinum. So skulu pengar brúkast til at byggja leikvøllir og annað. Av tí sama, so verður minni eftir til limalondini. Tað er ikki samsvar millum inntøkurnar og útgjaldið til limalondini longur, sigur Christian F. Andreasen Føroyar er ein av 209 limum av FIFA. Hvør av teimum 209 tjóðunum hava eina atkvøðu, tá forsetaval er í FIFA. Gianni ella Prins Ali Í løtuni eru seks mans, sum hava boðað frá, at teir stilla upp til FIFA forseta valið í feburar 2016. Líkt er tó til, at Michel Platini verður noyddur at taka seg aftur. Sambært BBC, er sannlíkt at hann verður bannaður frá øllum, sum hevur við fótbólt at gera í minst sjey ár, Av teimum fimm, sum helst verða eftir, so eru Gianni Infantino og Prins Ali úr Jordan mest sannlíkir at fáa okkara atkvøðu. – Vit ynskja at fáa ein úr Evropa inn, ella ein, ið deilir okkara hugsjónir. Gianni Infantino er aðalskrivari í UEFA og ein dugnaligur maður. Vit stuðlaðu Prins Ali til farna forsetaval. Hann er útbúgvin í vesturheiminum og kemur úr einum lítlum landi. Í so máta, so kunnu vit eisini kenna okkum aftur í hasara hugsjón, sigur Christian F. Andreasen. Forsetin í FSF leggur tó afturat, at tað kann koma taktikkur í, tá at­kvøð­ ast skal. Serliga um fimm valevni fram­vegis eru, tá valið verður. Fyri at vinna valið skalt tú hava meirilutan av teimum 209 atkvøðunum. Fyri hvørt umfar verður tann við fægst atkvøðum soldaður frá. Tí kann koma upp á tal at atkvøða fyri fleiri í leypi av atkvøðu­greiðsluni. Vegurin til kaos Líka síðani Sepp Blatter í 1998 tók við sum FIFA forseti, hava søgur verið um óreint spæl. Í fleiri ár hevur kendi enski journalisturin, Andrew Jennings, havt rívuna úti eftir Sepp Blatter og FIFA. Christian F. Andreasen og Sepp Blatter