hósdagur 26. november 2015síða 33

Fríggjadagur 27. november 2015 sosialurin 137 33 Tey seks valevnini Ongantíð so nógv sum dagin undan, at atkvøðast um hvør skuldi hýsa HM endaspælið í 2018 og 2022. Aftaná stóð øllum greitt, at okkurt var galið í FIFA. Eitt er at Russ­land óvæntað vann rættin til at hýsa HM í 2018. Stóra gølan var, at Katar vann atkvøðugreiðsluna um at hýsa HM í 2022. Eitt land við 1,4 millión­ um íbúgvum, uttan nakra fótbólts­ mentan og einum summari, har hitin táttar í hálvt hundrað hitastigum. Hin­vegin er Katar millum ríkastu londini í heiminum, og tað fær allar illgruna­samar røddir at tala at. Blatter snýtur øll Í 2011 verður Sepp Blatter afturvaldur sum FIFA forseti fyri fjórðu ferð. Hann lovar undan valinum, at verður hann valdur, so stillar hann ikki upp­ aftur til komandi val. Mótvalevni, rík­ mað­urin úr Katar Mohammed bin Hammam, verður kolldømdur fyri mutur. Til valið í 2015 stillar Sepp Blatter tó uppaftur. Ongin útmelding kemur frá Michel Platini, sum tey flestu vænta kann vinna valið. Tað endar við, at UEFA velur at stuðla Prins Ali úr Jordan, eftir at Michael van Praag og Luis Figo løgdu kongin. Stuð­ulin er ikki heilhjartaður, og Sepp Blatter vinnur forsetavalið á fimta sinni. Millum annað fær hann stuðul frá Russlandi, sum ikki fylgir til­mæl­ inum frá UEFA. Rokut FIFA val Dagin undan forsetavalinum er rok í Zurich í Sveis, har forsetavalið er. Fleiri av fremstu monnunum innan fótbólt verða handtiknir. Húsa­rann­ róknir verða framdar í bæði Zurich og í New York í USA. Tað er FBI, sum stílar fyri. Fimm dagar seinni boðar Sepp Blatter frá, at hann útskrivar nýtt val í feburar 2016. Endamálið er at finna avloysaran fyri seg sjálvan, tí hann takkar fyri seg. Kroystur út. Fortíðin hevur nú fingið um endan á mann­ inum, sum byrjaði sum skrivari í FIFA í 1975. Platini skelkurin Fleiri enn hundrað lond boða frá í stuðulsskrivi, at tey eru sinnaði at stuðla Michel Platini. Nú er ongin Sepp Blatter og alt tykist líkatil. Brádliga berast tíðindi um, at Michel Platini verður kannaður, tí hann hevur móttikið yvir tíggju milliónir krónur frá Sepp Blatter í 2011. Michel Platini sigur, at talan er um eftirstøðu fyri arbeiði fyri Sepp Blatter frá 1998. Trupulleikin er fyrst, sambært altjóða miðlum, at ongar bókingar ella fráboðanir eru gjørdar í samband við flytingina. Harnæst eru pengarnar fluttir í 2011, stutt undan forsetavalinum, har Sepp Blatter enn eina ferð vann. 8. oktober í ár verður hann bann­ að­ur av FIFA í 90 dagar. Hann kann einki gera, sum hevur verið fótbólt at gera. Fleiri lond boðað frá, at tey ikki stuðla honum longur til FIFA for­seta­ valið komandi ár. FSF og Christian F. Andreasen eru millum teirra. – Er heilt ótrúliga bilsan av, at hann hevur handlað, sum hann hevur gjørt. Tað hann hevur gjørt er ikki í trá viðvanligar ektiskar reglur, sum eru galdandi innan vanligt nevndar­arbeiði, sigur Christian F. Andreasen. FIFA í framtíðini Eitt stendur við. FIFA skal hava nýggjan forseta í faburar 2016. Hvør enn tað so verður, so verður talan um eina torføra uppgávu. Álitið á FIFA skal endurreisast, eftir fleiri ár av ring­ari umtalu. Felagskapurin – sum er fyri øll fótbóltsfólk- hevur verið ímynd­in av vantandi gjøgnumskygni, óreinum avtalum og politiskari uppí­ legging. Nú skal FIFA flyta við restini av heiminum í framtíðina, har gjøgnum­ skygni og demokrati standa ovast á dags­skránni. trondur@sosialurin.fo Gianni Infantino Aldur: 45 Tjóðskapur: Italskur/Sveisiskur Starv: Aðalskrivari í UEFA (Fótbóltssamgongan í Evropa) Tók við eftir Michel Platini og dugur øll høvðusmálini í Evropa flót­andi. Situr við dagligu um­sit­ ingini í UEFA, og er væl dámdur. Tað er ikki óhugsandi, at hann kann fáa stuðul uttanfyri Evropa, um Michel Platini veldur at taka seg aftur og stuðlar honum. Gianni er eitt gott boð fyri okk­ um og eitt gott valevni. Har er einki at seta fingurin á við fortíðini. Eitt nú er hann ikki fyrrverandi politikkari. Gianni Infantino hevur somu áskoðan sum Sepp Blatter og Michel Platini, tá talan er um smáu tjóðirnar í fótbólti. Hann stuðlar teimum, sigur Christian F. Andreasen. Fyrsta val hjá FSF. Tokyo Sexwale Aldur: 62 Tjóðskapur: Suðurafrika Starv: Íðnaðarbarónur innan minuarbeiði Hann dugur væl at føra seg fram og er væl útbúgvin. Tokyo skal ikki undirmetast. Hann er nakað polit­iskur í sínum boðskapi, har hann leggur dent á, at tíðin er komin til, at ein afrikanari skal stjórna FIFA. Søgur ganga um, at hann eigur lut í onkrum óreinum spæli í sam­ band við HM 2010, sum var í júst Suður­afrika. Tað er ósannlíkt, at maðurin við sermerkta navninum – Tokyo Sexwale – fær stuðul úr Føroyum. Prince Ali bin al-Hussein Aldur: 39 Tjóðskapur: Jordan Starv: Forseti í fótbóltssambandinum í Jordan Prins Ali hevur sitið í nevndini í FIFA, og fekk góðan stuðul til FIFA forseta fyrr í ár. Hann hevur alla­tíðina sagt, at Sepp Blatter og Michel Platini ikki skuldu stilla upp. Talan er um sakliguan mann frá einum lítlum landi, sum er útbúgvin í vesturheiminum. Tosar eisini enskt g verður roknaður sum vestliga sinnaður. Hann hevur gjørt nógv buruturúr at blíva FIFA valevni, men tykist mangla nakað av útstráling. FSF og Christian F. Andreasen lata væl at Prins Ali, sum fekk før­oysku atkvøðuna til seinasta for­seta­val. Ynskir eins og Gianni Infantino at styrkja umsitingina, og skilja fótbóltin frá politikkinum í FIFA. Er helst annað væl hjá FSF. Michel Platini Aldur: 60 Tjóðskapur: Frakland Starv: Forseti í UEFA Kendasti maðurin millum val­evn­ ini, men tað er ósannlíkt, at hann verður millum valevnini í feburar komandi ár. Hann er í løtuni bann­ aður frá øllum, sum hevur við fót­ bólt at gera í 90 dagar, tí hann er undir illgruna fyri mutur. Var stórfavorittur at avloysa Sepp Blatter til valið í ár, áðrenn sit­andi forsetin valdi at stilla upp­ aftur, hóast hann hevði lovað at steðgað. Altjóða miðlar skriva, at hann fær upp til sjey ára bann. Jerome Champagne Aldur: 57 Tjóðskapur: Frakland Starv: Ráðgevi í altjóða fótbólti Stendur ikki so frammaliga mill­ um valevnini. Hevur nógvar diplo­ mat­iskar royndir og hevur eina »reina« fortíð. Hann sigst vera dugna­ligur til at føra seg fram á bonaðu gólvunum í fótbólts­heim­ inum, har hann í løtuni er ráðgevi í ym­iskum samanhangum, og hevur verið við til at skipa fyri HM enda­spølum Í 2010 bleiv hann óklár­ur við Sepp Blatter og bleiv koyrd­ur. Ongin veit hvørji lond hava stilla hann upp. Tað skulu fimm lond til at stilla eitt valevni upp. Sheikh Salman bin Ebrahim al-Khalifa Aldur: 49 Tjóðskapur: Barein Starv: Forseti í AFC (Asiatiska fótbóltssamgongan) Er fyrrverandi forseti í fót­bólts­ sam­bandinum í Barein. Hevur síð­ani arbeitt sær vegin fram til starv­ið sum forseti í AFC. Hann er av konga­ligari familju og hevur eis­ini havt ávísar uppgávur í FIFA. Hann møtti ikki til fundin í Keyp­mannahavn fyri kort­um, tá øll valevnini løgdu fram fyri norður­lendsku fótbólts­sam­gong­ unum. Tað er ilt at meta um møgu­ leik­arnar hjá honum at gera seg gald­andi. trondur@sosialurin.fo Michel Platini hevur í tveimum førum verið og vitjað í Føroyum. FSF hevur stuðlað honum leingi, men seinastu avdúkingarnar um møguligan mutur hava gjørt, at FSF ikki longur stuðlar fyrrverandi liðskiparanum á franska landsliðnum Mynd: Álvur Haraldsen Prince Ali úr Jordan