mánadagur 30. november 2015síða 28

VINNUBLAÐIÐ HJÁ MIÐLAHÚSINUM Desember 2015 4 8 Eirikur Lindenskov Seinastu árini er útflutningurin hjá Føroya Bjór vorðin ein alsamt størri partur av sølu felagsins. Serliga er tað Ísland, sum er vorðin ein áhuga­ verdur marknaður, men eisini Dan­ mark. Tað var serliga eftir rokið í Íslandi í fjør, tá Egils bryggjaríið kravdi, at Føroya Bjór slepti ølnavninum »Gull«, sum Egils segði seg eiga. Málið varð blást upp í fjølmiðlunum, og Egils kravdi alment, at gullølið varð tikið av hill­unum í einkarsøluni »Ríkinum«. – Vit hildu tað vera sera frekt av teim­um at senda advokat eftir okk­um og krevja navnið frá okk­um, sigur Einar Waag, stjóri á Føroya Bjór. Fyri hann og fyri tey á Føroya Bjór var málið sera ein­ falt. Føroya Bjór átti navnið og hevur havt navnið langt áðr­ enn tað var loyvt at bryggja og selja sterkt øl í Íslandi. Tí var málið sjálvandi avvíst. Men íslendska fólkinum dámdi ikki framferðarháttin hjá stóra íslendska bryggjarínum ímóti lítla bryggja­ rínum í frændalandinum Færeyjum. Tí fekk Føroya Bjór rættiliga nógva og positiva umtalu í ís­lendsku miðlunum. Og positiv um­tala er besta reklama, sum eitthvørt vinnu­ virki kann hugsa sær. Tí eins og í Føroyum er ikki loyvt at lýsa við rús­ drekka í Íslandi. Vind í seglini í Íslandi – Vit vænta okkum nógv av tí ís­ lendska marknaðinum. Hann er hóast alt fimm ferðir so stórur sum tann føroyski, so har eru vakstrar­ møgu­leikar, sigur Einar Waag. Hann vísir á, at Føroya Bjór hevur verið á íslendska marknaðinum í fleiri umførum. – Tað hevur ikki altíð verið so lætt at komið inn í íslendsku rúsuna, »Rìkið«. Tí er sølan í Íslandi fleiri ferðir steðgað upp, vísir hann á. Men nú tykir sølan av føroyska ølinum í Íslandi rættiliga at hava fingið vind í seglini. – Eg haldi, at tað nú gongur rættiliga væl, ikki minst takkað verið allari positivu fjølmiðlaumrøðuni, sum vit hava fingið í Íslandi, sigur Einar Waag. – Íslendingar hava sympati við føroy­ingum, men vit halda eisini, at produktið er í ordan. Viðvíkjandi danska marknaðinu, so heldur Einar Waag, at har kundi gingið betur. – Har búgva hóast alt fimm milliónir fólk, men har er kappingin hørð, sigur hann. Ársins jólaøl í Danmark Útflutningur av føroyskum øli hevur bara verið ein viðfáningur. Men nú er útflutningsparturin hjá Føroya Bjór um 15 prosent av framleiðsluni, og tá er tað komið hartil, at tað veruliga ger mun. – Vit selja hampuliga nógv til Íslands nú. Teir senda okkum áhald­ andi nýggjar ordrar, og umboðs­ mað­urin í Danmark hevur eisini selt nokso nógv Jólabrygg higartil, sigur Einar Waag. – Í Danmark er sølan meira av­ markað til vínhandlar og serhandlar við øli. Vit eru ikki komin inn í super­ markedini, tí har kunnu vit ikki vera við í kappingini um prísin. Øl í Dan­ mark er sera bíligt, men tað eru kort­ ini fólk, sum vilja leita fram serligt øl, og har kunnu vit vera við. Vit eru eis­ini komin inn á ávísar barrir, sum hava serlig sløg av øli, sigur Einar Waag. Tað síðsta í Danmark er, at eitt felag, ið kallast »Selskab for Vestjysk Øl­kultur« júst hevur kosið Føroya Bjór sum ársins jólaøl 2015. Bæði í Danmark og í Íslandi hevur Føroya Bjór støðu sum importøl. Og vanliga er importøl – innflutt øl – dýrari, enn ølið, sum er framleitt í heim­land­inum. – Men í Føroyum er støðan hjá okk­um kortini øðrvísi, sigur Einar Waag. Hørð kapping við útlendska ølið – Rúsan hevur av onkrari orsøk lækkað prísirnar á útlendskum øli, og tað gevur sjálvandi okkum trupul­leikar. Kappingin er sera hørð, men tað sær kortini út til at ganga, sigur hann. – Men tað gongur kortini ikki so væl, um vit kundu hugs­ að okkum. Vit hava hildið okk­ ara marknaðarpart, men tað eru forskjótingar, sigur Einar Waag, sum tó viðgongur, at markn­ aðar­parturin hjá Føroya Bjór á øli í Føroyum liggur oman fyri 60 pro­sent. Kanska nærri 70 pro­ sent­um. Og tað er ikki so galin partur at hava á einum marknaði, við­gongur Einar Waag. Søgan um sterkt øl í Føroyum gongur aftur til 1980, tá føroysku bryggjaríini fingu loyvi at bryggja og selja sterkt øl. Hetta var, meðan vit framvegis høvdu forboð ímóti at selja rúsdrekka í Føroyum. Men bryggja­ríini sluppu sjálvi at selja øl gjøgnum postordra soleiðis, at tú skuldi bíleggja tær ølið í seinasta lagi tveir dagar frammanundan. – Áðrenn tað var innflutningurin av øli minkaður niður í eini 10 pro­ sent. Tá Rúsan kom, vaks parturin av útlendskum øli aftur upp í 20 prosent, sigur Einar Waag. Áðrenn sterkt øl varð bryggjað í Føroyum í 1980, drukku føroyingar nógv ljóst øl. Men tað er minkað nógv. Framleiðslugjaldið er alt ov høgt Hvørt ár rindar Føroya Bjór slakar 20 Einar Waag »Hvar kann eg lána fyri eina Føroya Bjór?« MARKNAÐARPARTURIN HJÁ FØROYA BJÓR Í FØROYUM LIGGUR RÆTTILIGA HØGT MILLUM 60 OG 70 PROSENT AV MARKNAÐINUM. ÚTFLUTNINGURIN ER NÚ VORÐIN EIN TÝÐANDI PARTUR UPP Á 15 PROSENT. ÍSLAND OG DANMARK ERU STØRSTU ÚTFLUTNINGSMARKNAÐIR Rúsan hevur av onkrari orsøk lækkað prísirnar á útlendskum øli, og tað gevur sjálvandi okkum trupulleikar »Bláa húsið«, Debess & Petersen 1971 Av framleiðsluni hjá Føroya Bjór er Veðrur og Gull um 80 prosent, meðan øll hini ølsløgini býta hini 20 prosentini. Annika og Einar Waag