mánadagur 30. november 2015síða 29

VINNUBLAÐIÐ HJÁ MIÐLAHÚSINUM Desember 2015 5 8 Føroya Bjór ■ Hava ongantíð selt so stórar nøgdir, sum tá tey bara bryggjaðu ljóst øl fyri 1980. Tá var framleiðslan av ljósum øli yvir tvær milliónir litar – ella 6 milliónir fløskur um árið. Tá var sera trupult at fáa fatur á sterkum øli, sum mátti bíleggjast við skipi úr Danmark. Føroyingar drukku tá ljóst øl saman við snapsi. ■ Í dag framleiðir Føroya Bjór um 1,8 milliónir litur av øllum øli tilsamans. Munurin frá sjeytiárunum til í dag er, at tá drukku føroyingar at kalla einki vín. ■ Í sanginum hjá Debess og Petersen um Bláa húsið kenna vit regluna: Hvar kann eg læna fyri eina Føroya Bjór? Har verður beinleiðis sipað til ljósa ølið at javna við ein tystan sunnumorgun. ■ Starvsfólk um alt landið: Um 40 ■ Føroya Bjór í Klaksvík: 18 milliónir í landskassan í fram­leiðslu­ gjaldi av øli. Tað heldur Einar Waag vera alt ov nógv. – Ja, tað er alt ov nógv. Tað er tríggjar ferðir so nógv sum til dømis í Dan­mark. Eg havi gjørt vart við hetta so leingi, men tað er sum at tosa fyri deyv­um oyrum, sigur Einar Waag. Hann sigur, at fyri gulløl verður rindað 10 krónur í fram­leiðsluavgjaldi fyri liturin, og so kemur mvg'ið omaná. – Eg vóni ikki, at Kristina Háfoss sær sær ein møguleika her, sigur hann. Av framleiðsluni hjá Føroya Bjór er Veðrur og Gull um 80 pro­sent, meðan øll hini ølsløgini býta hini 20 prosentini. Rúsan hugsar bara um vín Tað er einki dulsmál, at síðani vit fingu Rúsdrekkasøluna í Føroyum, so er sølan og nýtlsan av víni í Før­ oy­um eksploderað. Fyrr drukku før­ oy­ingar snøgt sagt ikki vín. Áðrenn 1980 framleiddi Føroya Bjór meira ljóst øll, enn øll framleiðslan av øli tilsamans er í dag. Tí tá drukku føroy­ ingar veikt øl saman við sterkum brenni­víni – snapsi. Teir drukku als ikki vín yvirhøvur. – Og meðan vit síggja hendan stóra vøksturin í vínsøluni, so síggja vit, at Rúsan ger alt fyri at selja meira vín, sigur Einar Waag. Hann heldur tað vera løgið, at Rúsan ger so nógv burturúr at gera serligar fínar og vakrar og inn­bjóð­ andi vínhandlar, meðan ølsølan verð­ur kveistrað til viks onkustaðni aftan­fyri. – Rúsan hevur gjørt fladarar, sum liggja í handlunum, at tey gera nógv fyri at promovera vínið. Einki verður gjørt fyri at promovera ølið, tað verð­ ur als ikki nevnt í faldaranum, sigur Einar Waag, sum ikki dylur fyri, at tað heldur hann vera sera løgið. Hann vísir á, at í Danmark eru tey komin yvir »vínsnobbaríið«, sum nústani hevur fingið fastatøkur í Føroyum. – Í Danmark er trendurin aftur ímóti ølinum, sum eisini er veik­ari enn vínið. Tí er tað ikki í tráð við politikkinum hjá Fyri­ byrgingarráðnum, at mælt verður til at drekka vín heldur enn øl, sum jú er nógv veikari enn vín, sigur Einar Waag. Føroya Bjór byrjaði við maltøli Føroya Bjór hevur røtur aftur til 1888, tá abbi núverandi stjóran, Símun í Vági, stovnaði bryggjaríið. Tey vit ikki, um sterkt øl varð bryggjað tá. Hetta er langt áðrenn rúsdrekkaforboðið frá 1908. – Um tey hava bryggjað strekt, so hava tey ikki kunna mált tað, tí tað var nokso trupult tá, sigur Einar Waag. Føroya Bjór bryggjaði fyrst og fremst maltøl tá. Ljósa ølið var bryggjað úr tí tunna, sum rann frá malt­øl­framleiðsluni. Tað surrar ein fluga í Ydun í dag, var yrkt um bryggjaríið hjá Smæruni í Havn, Ydun. Helst við tilsipan um, at ølið onkuntíð var ov sterkt. Fyrstu árini varð ølið hjá Føroya Bjór tappað í fløskur við tundur­ proppi. Símun í Vági teknaði sjálvur etikett­irnar, sum vórðu brúktar fram í trí­ati­árini. Símun í Vági doyði í 1935, og eftir hann tók sonurin Einar Waag eldri við bryggjarínum. Einar Waag eldri doyði í 1989 næstan 95 ára gamal. Tað var Einar Waag eldri, sum byrjaði við sodavatnsframleiðsluni hjá Føroya Bjór. Tað var í 1936, tá hann keypti sodavatnsmaskinurnar hjá Ydun frá Hans Jacob í Smæruni. Sodavatnsframleiðslan hevur altíð verið stórur partur av virk­sem­ inum hjá Føroya Bjór, og tað er tað fram­vegis. Men har er kappingin við út­lendska sodavatnið eisini hørð. Føroya Bjór hevur um 40 prosent av marknaðinum. eirikur@sosialurin.fo BLIKKINI HAVA VUNNIÐ Á FLØSKUNUM Ársúrslitið hjá Føroya Bjór í fjør var 1,85 milliónir krónur. Tað er á sama støðið, sum árið frammanundan. Men felagið hevði havt reyð tøl á botnlinjuni í nøkur ár. – Vit høvdu nokso nógvar útreiðslur í sambandi við embalasju og stórar íløgur, sum vit gjørdu. Eisini fall sølan eitt sindur, áðrenn vit komu rættiliga í gongd í kappingini um øl í blikkum, sigur Einar Waag. – Men blikkini hava nú rættiliga tikið yvir marknaðin. Tey eru farin upp um helvtina av søluni, sigur Einar Waag. Føroya Bjór rindaði í fjør slakar 13 milliónir krónur í lønum. Eginpeningur felagsins er góðar 68 milliónir krónur, og 40 fólk starvast í felagnum kring landið. Blikkini hava nú rættiliga tikið yvir marknaðin. Tey eru farin upp um helvtina av søluni