hósdagur 3. desember 2015síða 30

FRÍGGJADAGUR 4. DESEMBER 2015 SOSIALURIN 140 30 POLITIKKUR Rokaligir tingfundir um eykajáttanarlóg og Løgtingsins Umboðsmann ÁRNI GREGERSEN A t politska valdið er skift frá høgru síðu í ting­ salinum til vinstru, stendur rættuiga greitt fyri øllum, sum fylgja eitt sindur við í politikki. Og skifti merkist eisini á hvørjum einasta tingfundi, men tó ikki so ógvusliga, sum á tingfundunum í hesi vikuni. Andstøðan brúkar hesar fyrstu tingfundirnar við nýggjari samgongu til at royna at forða henni at gjøg­ num­føra nýggja politikkin, sum hon hevur sett út í kortið. Tvey rokaslig mál hava verið hesa vikuna. Fyrst og fremst um val av Løgtingsins Umboðsmanni, men so eisini um eina eykajáttanarlóg fyri oktober í ár. Málið um Løgtingsins Umboðs- mann kann lesast aðrastaðni. Uppskotið frá landsstýriskvinnuni við fíggjarmálum, Kristinu Háfoss, Tjóðveldi, fekk ógvusliga móttøku og tað endaði við, at lógin var samtykt, men ikki fyrr enn so at siga alt var broytt í lógini. Játtanarlógin Landsstýriskvinnan, Kristina Háfoss, legði eitt uppskot fram 23.oktober um eina eykjáttanarlóg fyri oktober í ár. Beinanvegin hetta uppskotið kom til viðgerðar í Løtinginum fanst andstøðan at, at fyri tað fyrsta vóru tað fleiri mál, sum andstøðan var ósamd í, men hon fanst eisini at, at tað ikki ber til at játta pening á einari eykajáttanarlóg, sum ikki verður brúktur í hesum árinum. Andstøðan var til dømis púra ósamd í at taka játtanina til nýggja ferju til Nólsoyar av. Talan er um 21 milljónir krónur. Andstøän fanst eisini hvasssliga at, at í uppskotinum var biðið um stórt sæð somu upphædd til at keypa bygningin hjá fyrrverandi Sjó­ vinnubnakanum í Gongini í Havn til umsiting. Men hvassastu atfinningarnar gjøgnum alla viðgerðina var, at tann peningur, sum verður játtaður í ár, eisini skal brúkast í ár. Kristina Háfoss, landsstýris­ kvinnna við fíggjarmálum, førdi fram, at júst hesin spurningurin var vendur við umsitingina í fíggjar­ málarráðnum. Embætisfólkini har mettu ikki, at játtanarlógin er brotin við uppskotinum um eykajáttanarlóg fyri oktober. Men hesum góðtók andstøðan ikki. Formaður Fólkafloksins, Jørgen Niclasen mælti til, at málið fór aftur í fíggjarnevndina. Bárður Nielsen, Sambands­flokk­ urin, segði, at eykajáttanarlógin fyri oktober, var greitt brot á alla siðvenju, tí hon setti pengar av í ár, sum ikki verða brúktir fyrr enn næsta ár. Bill Justinussen, Miðflokkurin, greiddi frá, hvussu játtanin veruliga virkar og hvørjum endamálið hon tænir. – Hon er gjørd, so tað skal vera fult gjøgnumskygni í landsins pen­ ingaviðurskiftum, segði hann. Hann legði afturat, at skal ein játtan ganga tvørtur um ásrskiftir, so ber til at gera verklagslógir. Upprit Orðaskiftið um játtanarlógina gjørd­ ist so heitt, at tað endaði við, at um­ sitingin í Løgtinginum var biðin um at gera eitt upprit um málið. Umsitingin skrivar: – Niðurstøðan er sostatt, at gald­ andi fíggjarlógin skal altíð vera ein mynd av ætlaða virkseminum í fíggjarárinum, og tað er sostatt ongin heimild til at seta meira á fíggjar­ lógina og eykajáttanarlógina, enn man ætlar at brúka í árinum. Játtanarlógin er ikki brotin av landsstýriskvinnuni, men eftir niðurstøðuni hjá umsitingini í Løgtinginum, so er vandi fyri, at tað fer at henda. Landsstýriskvinnan segði frá tingisins røðarapalli, at var hetta so, so bar til at viðgera málið á annan hátt. Tað sama segði forkvinnan í fíggjarnevndini, Ruth Vang, Fram­ sókn: – Eru vit í vanda fyri at bróta játt­ anarlógina, so má málið fáa nýggja viðgerð. Uppritið gjørdi, at alt var umlagt á tingfundi, tá ið eykjáttanarlógin skuldi fáa 3. viðgerð. Málið var flutt til aftast á dags­ skránni, meðan arbeitt var við at finna eina loysn á málinum, sum bæði andstøðan og samgongan kundi liva við. Í skundi var eitt uppskot lagt fram um at leingja bryggjuna á Kramba­ tanga á Trongiusvágsfirði. Hetta hevur skund, tí framman­ undan vóru pengar settir av, men tann peningurin rakk bert stutt. Nú skuldu í mesta lagi 11 milljónir krónur brúkast afturat, so arbeiðið kann gerast liðugt. Løgtingið samtykti at víkja frá øllum tíðarfreistum og málið fór ikki í nevnd, men semja var um sam­tykkja málið, sum Henrik Old, lands­stýris­ maður vð samferðslumálum, legði fram. Samtykt Eykajáttanarlógin var samtykt, men kortini gekk andstøðan ikki við til alt. Andstøðan hevði tvey egin uppskot, tá ið atkvøðugreiðsla var eftir 3.viðgerð. Andstøðan vildi hava, at peningur til Nólsoyar-ferju bleiv standandi og hon vildi eisini hava, at tað ikki bleiv samtykt at keypa ein nýggjan bygning í Gongini í Havn til umsiting. Ein partur av tingfundinum fór til at velja nýggja Løgtings Um­boðs­mann, men annars var nógv orða­skiftið um málini skránni. Fundurin vardi frá klokkan 11.30 til klokkan 22.50. ÓGVUSLIGIR SAMAN­ BRESTIR MILLUM SAMGONGU OG ANDSTØÐU Ruth Vang, Framsókn, vildi sleppa undan at bróta játtanarlógina Uppskotið hjá landsstýriskvinnuni við fíggjarmálum, Kristinu Háfoss, mátti broytast, so semja kundi fáast í lag – Játtanarlógin er til fyri at gjøgnumskygni skal vera í øllum peningaviðurskiftunum hjá tí almenna, segði Bill Justinussen, Miðflokkurin