hósdagur 3. desember 2015síða 31

FRÍGGJADAGUR 4. DESEMBER 2015 SOSIALURIN 140 31 Løgtingsformaðurin metti ikki, at orsøkir vóru til at útseta atkvøðugreiðsluna um Løgtings Umboðsmann ÁRNI GREGERSEN Sólja í Ólavsstovu, Løgtings Um­ boðs­maður, er sett í eitt fimm ára skeið afturat. Løgtingið atkvøddi um setanina i vikuni og 22 tingfólk vildu hava hana at halda fram. – Eg veit væl, at onkur vildi hava, at málið var útsett, men tað helt ikki nøkur orsøk var til at gera, sigur Páll á Reynatúgvu, tingformaður. – Nógvir fundir hava verið við floksformennirnar og við for­ mansskapin, so eg haldi, at vit vóru komin so víða um í málinum, at nú var klárt at atkvøða, sigur hann. Tingformaðurin hevur havt fleiri fundir um málið. Hann yvirtók hetta mál, tá ið hann var valdur til ting­formann. – Eg boðaði so floksfor­monn­ un­um til fundar og har hava vit so viðgjørt hetta í trúnaði, tí talan er um eitt starvsfólkamál, sigur hann. Til atfinningarnar frá Jørg­ en Niclasen, formanni í Folka­ flokkinum, sigr Páll á Reynatúgvu, at honum kunnugt eru tað floks­ for­mennirnir, sum eisini fyrr hava staðið fyri tilgongdini at velja umboðsmannin saman við floks- formonnunum. – Tað er sjálvandi allarbest, um eitt samlað Løgting velir um­ boðsmannin, men sum støðan var nú, so helt eg, at tað var best at fáa málið avgreitt, sigur hann. Løgtingsformaðurin harmast annars um, at tað sum var viðgjørt í trúnaði millum floksformennirnar og tingformannin í stóran mun er likið út til almenningin. Páll á Reynatúgvu, tingformaður, helt at tíðin var komin at hava atkvøðugreiðslu um umboðsmannin – Gjørdi tað so gott sum eg kundi UMBOÐSMAÐURIN SETTUR POLITISKT AV SAMGONGUNI Formaðurin í Fólkaflokkinum finst hvassliga at setanini av umboðsmanninum, sum hann kallar Landsstýrisins Umboðsmaður ÁRNI GREGERSEN – Løgtings Umboðsmaður er nú vorðin Landstýrisins Umboðsmaður. Tað noyðist eg at staðfesta eftir til­ gongdina hesaferð. Jørgen Niclasen, formaður í Fólkaflokkinum, er stak ónøgdur við, hvussu tingið hevur arbeitt við at seta nýggja Løgtingsins Umboðsmann í eitt nýtt fimm ára skeið. Sólja í Ólavsstovu var sett aftur í starvið, sum hon hevur røkt seinastu 10 árini, men hesaferð var tað ikki soleiðis, at alt Løgtingið bakkaði upp um at velja hana. 22 tingfólk atkvøddu fyri at hon var sett, átta atkvøddu blankt og tríggir limir í Fólkaflokkinum, har­ ímillum formaðurin, atkvøddu ímótir at seta hana í eitt nýtt fimm ára skeið. – Eg haldi, at Løgtingsins Um­boðs­ maður er ein týðandi stovnur og tí haldi eg eisini, at hann eigur at fáa fullan uppbakning frá Løgtinginum, men eg atkvøddi ímóti fyri at mót­ mæla setanartilgongdini, sigur Jørg­ en Niclasen. Atfinningarnar ganga fyrst og fremst út uppá, at tingið í veru­leik­ anum ongantíð slapp at velja ímillum sitandi umboðsmann og nakran ann­ an. – Vit fingu ein lista við 60 nøvnum á, men tað vóru bert floksformenn sum sluppu at síggja listan, sum eisini var tikin frá okkum aftur, sigur formaðurin í Fólkaflokkinum. Floksformennirnir Løgtingsins Umboðsmaður verður settur av Løgtinginum, men í set­ an­ar­tilgongdini hesaferð, vóru tað floksformennirnir, sum vóru kall­aðir saman at viðgera málið. Tað vil siga, at teir tríggir for­menn­ irnir í samgonguflokkunum, Aksel V. Johannesen, Javnaðarflokkurin, Høgni Hoydal, Tjóðveldi, og Poul Michelsen, Framsókn, vóru saman við hinum floksformonnunum og leys­gangarunum í tinginum á fundi um málið. – Eg haldi ikki tað er rætt, at floks­ formenninirnir taka sær av hesum. Tað skulu sjálvandi vera formennirnir í tingbólkunum og soleiðis hevur tað verið fyrr, sigur Jørgen Niclasen. Hann heldur, at tá ið floks­for­ menn­inir í samgongu­flokkunum eru við í setanartilgongdini, so er tað ikki Løgtingið, sum setir Løg­ tingsins Umboðsmann, men líka so nógv landsstýrið. Teir tríggir floksformenninir í sam­gongu­ flokkunum eru allir lands­stýrismenn og ikki tingmenn. – So eftir mínari meining er talan um eina reina politiska setan – og tað vildi eg ikki taka undir við, sigur Jørgen Niclasen. Mótmæli móti tingformanninum Atkvøðurnar móti at seta Sólju í Ólavsstovu sum umboðsmann í eitt nýtt fimm ára skeið, eru eisini atkvøður, sum eru vendar móti tingformanninum. – Vit bóðu um at fáa málið útsett í tveir dagar, men hesum noktaði hann, sjálvt um ongar grundgevingar vóru fyri, at hetta hendi, sigur hann. – Tað ber til at útseta mál av mong­ um orsøkum, so eg haldi tað var heilt burturvið, at vit ikki kiundu fáa hetta málið útsett í tveir dagar. Umframt Jørgen Niclasen, so at­ kvøddu Jákup Mikkelsen og Jacob Vestergaard úr Fólkaflokkinum eisini ímóti at seta Sólju í Ólavsstovu í eitt fimm ára skeið afturat. Sambandsflokkurin og tvey úr Fólkaflokkinum atkvøddu blankt, meðan hini tingfólkini atkvøddu fyri sitandi umboðsmanni. Eftirlit Løgtingsins Umboðsmaður er ein stovnur, sum verður brúkt­ur manga staðni í teimum fólka­ræðis­lond­ unum, sum vit kenna. Umboðsmaðurin er kendur úr Danmark og har er lógin júst broytt, so hann ikki kann sita meira enn 10 ár. – Tað sigur seg sjálvt, at talan er um eitt starv, har ein gjøgnum árini fær skøvir í lakkið. Tí kann um­boðs­ maðurin ikki sita ov leingi, sigur Jørgen Niclasen. Hann sigur seg undrast yvir, at sitandi samgonga fyri alt í verðini vildi hava, at sami umboðsmaður held­ur fram. – Vit fingu ein lista, men tað vóru bert floksformennirnir, sum sóu hann. Tey, sum skuldu atkvøða – ting­ limirnir – sóu ongantíð nakran lista og fingu onki at velja ímillum, sigur Jørgen Niclasen. Sólja í Ólavsstovu er sett í eitt fimm ára skeið afturat og hon tekur við nýggja skeiðnum 1.janaur 2016. Jørgen Niclasen, Fólkaflokkurin, sigur, at talan heilt greitt er um eina politiska setan Sólja í Ólavsstovu tekur á nýggjárinum við í einum nýggjum fimm ára skeiði, sum Løgtingsins Umboðsmaður