mánadagur 7. desember 2015síða 21

21 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 7. desember 2015 · Nr. 141 ÍTRÓTTUR FÓTBÓLTUR ARBEIÐARASONURIN ER STÓR HETJA Í ONGLANDI Jamie Vardy er ikki bara ein stór hetja í Leicester. Hann er eisini ein stór hetja hjá arbeiðarastættini í Onglandi. Gomlu ensku hetjurnar Ian Wright og Stuart Pearce stórfegnast, og miðlar nevna arbeiðarasonin úr Sheffield tann enska »Rocky Balboa« Heri Simonsen Leygardagin í næstseinastu viku gjørdi Leicester City framherjin, Jamie Vardy tað, sum fjepparar av enskum fót­bólti kring allan heimin høvdu vónað, at hann fór at gera, nevnliga at seta skorings­met í Premier League við at skora 11 dyst­ ir á rað, og harvið betra gamla metið hjá niður­ lendsku fót­bólts­legend­uni hjá Manchester United, Ruud van Nistelrooy, sum á sinni skor­aði 10 dystir á rað í Premier League. Við bragdinum hevur ar­ beiðara­sonurin úr Sheffield lyft alla ta ensku arbeiðara­ stættina. So seint, sum í 2010 spældi Jamie Vardy í ensku 8. deild við Stocksbridge Park Steels. So seint, sum í 2012 spældi hann framvegis »Non League Football«, um enn tað var í ta hægstu deild­ ini undir teimum fýra stóru ligunum í Onglandi. Og nú hev­ur maðurin úr 8. deild sett skoringsmet. Tann enski »Rocky Balboa« Nógvir enskir miðlar hava nevnt Jamie Vardy tann enska »Rocky Balboa«. Sipað verður til filmarnir um neva­ leik­aran úr Philadelphia í USA, sum arbeiddi seg úr ongum, og upp á hægstu tindar innan amerikanskan neva­leik. Tann, sum skrivar hesar reglur hevur ongantíð verið glaður um eitt mál, sum er skorað ímóti Manchester United. Viðgangast skal tó, at tað var ein hugvekjandi og rørandi løta, tá Jamie Vardy skoraði ímóti Mancheser United næstseinasta leygar­ dag, tá ein hugsar um ta longu leiðina úr ensku 8. deild, og upp í Premier League. Og lítið er ivast í, at Sylvester Stallone, sum hevði leiklutin, sum Rocky Balboa smílist tá hann hoyrir søguna um Jamie Vardy. Í 1981 hevði Stallone leiklutin, sum málverji í filminum »Victory« frá 1981, har brasilski Pelé eisini spældi við, so Stallone kennir eisini til fót­bólt. Ian Wright stórfegnast Gamla hetjan hjá Arsenal, og tí enska landsliðnum, Ian Wright stórfegnast um avrikini hjá Jamie Vardy. Sjálvur byrjaði Ian Wright eisini við at spæla »Non League Football«, og tí kann hann kenna seg aftur í tí, sum Jamie Vardy hevur framt á leik­vøllum í Ong­ landi. Ian Wright heldur tó, at tað eru ov mong, sum eru ov snobbut, tá tey halda, at Jamie Vardy ikki er rætti mað­urin til álopið hjá enska lands­liðnum, sum skal kapp­ ast í EM-endaspælinum í Frak­landi komandi summar. Ian Wright heldur avgjørdur á einum bloggi á heimasíðu bretska kringvarpsins, BBC, at Jamie Vardy kann gerast ein »Salvatore Schillachi« til komandi EM-endaspælið. Her sipar Ian Wright til italska HM-toppskoraran, tá HM-enda­spælið varð í Italia á sumri í 1990. Salvatore Schillachi spældi amatørfótbólt, og arbeiddi, sum bil­mekanikari, men ar­beiddi seg upp gjøgnum italsku fót­bólts­deildirnar, og gjørd­ist HM-toppskorari í 1990.  Stuart Pearce fegnast eisini Ein onnur gomul ensk fót­ bólts­hetja, gamli stríðs­mað­ urin hjá Nottingham Forrest og enska landsliðnum, Stuart Pearce er eisini ovurfegin um arbeiðarasonin úr Sheffield, sum hevur sett skoringsmet í Premier League. Í samrøðu við enska blað­ ið »The Sun« staðfestir Stuart Pearce, at Jamie Vardy er ein av teimum fáu arbeiðara­ hetj­unum í enskum fót­bólti. Upprunaliga varð tað enska arbeiðarastættin, ið gjørdi enskan fótbólt til tað, sum hann er í dag. Men seinnu árini hevur miðal­ stættin og yvirstættin yvir­ tikið fleiri og fleiri áskoðara­ pláss í teimum bestu ensku deildunum, og tað er vorðið ov dýrt hjá arbeiðarara­stætt­ ini at keypa sesongkort og at­gongu­merki til dystir í Premier League, og í The Champion­ship. Stuart Pearce heldur, at tað er eitt sterkt signalvirði, at ein eyðmjúkur maður, sum arbeiddi á einari verksmiðju í Sheffield fyri fáum árum síðani er vorðin ein stór hetja og fyrimynd í enskum fót­bólti. – Jamie Vardy er frísk luft fyri spælið. Hann vísir, at hann ikki er ein maður, sum er føddur við silvurskeið í munni, men ein maður, sum hevur arbeitt seg upp gjøgn­um deildirnar, og ikki gjøgnum eitt fótbólts­ akademi hjá einum stórliði, sigur Stuart Pearce við The Sun. »Working Class Hero« Miðlar kring allan heimin bera nú søguna um Jamie Vardy, og hóast søgur verða skriv­aðar bæði á sponskum, italsk­um, týskum og mong­ um øðrum málum, so er tað eitt sangheiti, sum gongur aftur í øllum yvirskriftunum, og er tað kendi sangurin hjá John Lennon »Working Class Hero«. Spennandi verður at síggja gongdina hjá Jamie Vardy framyvir. Um Wayne Rooney ikki tekur seg saman og betrar seg rætt­ iliga skjótt, so verður tað eitt stórt krav frá enska fót­bólts­ almenninginum, at Jamie Vardy sleppur at byrja inni fyri enska landsliðið. Vit øll, sum kenna til eyðmjúkar fót­bólts­umstøður kunnu ikki annað enn heppa á ar­ beiðara­sonin úr Sheffield. heris@sosialurin.fo Leicester leikarin, Jamie Vardy, hevur sett skorings­met í Premier League við at skora 11 dyst­ir á rað