mánadagur 7. desember 2015síða 35

VIKA 50 • 7. DESEMBER 2015 11 MIÐLAHÚSIÐ ÓKEYPIS LÝSINGARBLAÐ Søgan aftan fyri Makrelin í Skopun Vilmund Jacobsen Ø llum líkar ikki orðið »slupp­ ungar«, sum ivaleyst kemur av, at hesi deksfør minna um gomlu, snøggu og hábærsligu slupp­ irnar. Eigarar av Makrelinum II í dag eru Harry E.W. Hentze og Sniálvur Røvils­ berg, sum báðir búgva í Skopun. Sniálvur siglur við línuskipinum, Sandshavinum og Harry er kendur úr fiska­framleiðslu, umframt at hann hevur verið sjómaður í fleiri ár. Sambært keldum er Makrelurin II smíð­aður í Rættará í Havn í 1919, og tað var Elias Johansen, sum smíðaði bátin. Makrelurin II er 10,64 metrar lang­ ur, 3,34 metrar breiður og 1,45 met­ rar djúpur. Søgan í stuttum Makrelurin II er á facebook, og her verð­ur upplýst, at motorbáturin upp­ runa­liga er smíðaður til Ellind í Toftum í Hvalba. Í 1924 varð báturin seldur pápa Manna Næs, eisini í Hvalba. Tey nógvu árini var eigaraskapurin í Hvalba og síðan í Nesi í Hvalba. Sagt verður, at báturin øll árini frá 1919 og fram til 1972 hevði navnið Johanna TG 480, og síðan fekk hann navnið Móvanes, tá Dan Thomsen átti hann árini 1972 og 1973. Tá báturin í 1973 varð seldur til Por­keris, kallaðist hann Sólrun II, og tá Anskar Hansen, nólsoyingur í Klaksvík keypti, fekk hann navnið Sjóbrandur. Eitt skifti hevði deksbáturin navn­ið Borðkollur, og tá var hann heima­ hoyrandi í Hvannasundi. Í áttatiárunum varð sluppungin seldur aftur til Klaksvíkar, og meðan Tórur Andreasen átti hann, hevði hann navnið Hvessingur. Endaði í Sandoynni Í 1987 er tað Karlon Winther í Skop­ un, sum keypir motorbátin, men fá ár seinni selir hann til Niels J. Hentze á Sandi. Í 2004 eru tað Harry E.W. Hentze og Sniálvur Røvilsberg í Skopun, sum keypa bátin og geva honum navnið Makrelurin II, sum er navnið, hann eisini ber í dag. Vikublaðið kann ikki við vissu siga, at gongdin júst hevur verið soleiðis, sum her verður greitt frá, men eru tað lesarar, ið vita meira og neyvari um motorbátin, sum varð smíðaður í Havn fyri skjótt 100 árum síðan, eru fólk vælkomin at senda okkum ein teldupost. Lesarar eru vælkomnir at senda okkum gamlar bilmyndir saman við stuttum teksti og upplýsingum til: maggi@sos.fo Bilurin hesa vikuna er ein VW bussur hjá Carl August Jensen í Kollafirði. Hesin er fyrsti Volkswagen í Føroyum. Bilurin var tann 27. august 1952 seld­ ur av fyritøkuni Farodane, sum um­ boðaði VW í Føroyum. Carl August koyrdi rutu millum Kollafjørð og Vestmanna við bussium, sum tók 8 ferðafólk. Viðførið, sum ikki passaði inn í bussin, var lagt upp á takið. Farodane seldi Volkswagen frá 1952 til fyrst í 1970-unum, tá Føroya Motor Co í Hornabø fekk umboðið. Hans Johannes Clementsen hevði verk­stað og tænastu fyri VW bilarnar alla tíðina meðan Faroedane hevði um­boðið. Myndaeigari: Børge Jensen SKIPASØGA BILASØGA Makrelurin II, SA 148, hevur seinastu árini verið heimahoyrandi í Skopun. Hetta er ein av teimum gomlu sonevndu »sluppungunum« ella motorbátunum, sum skjótt eru 100 ára gamlir Fyrsti Volkswagen í Føroyum Makrelurin II er heimahoyrandi í Skopun, og á innsettu myndini sæst, at deksbáturin eisini hevur verið brúktur til frítíðarfiskiskap