hósdagur 10. desember 2015síða 19

FRÍGGJADAGUR 11. DESEMBER 2015 SOSIALURIN 143 19 LÓGIN VERÐUR SKJÓTT DAGFØRD Løgmaður HALLUR AV RANA E in av trupulleikum, ið fleiri off­ur hjá eltarum møta, tá tey søkja hjálp, er at tað í Føroyum ikki er nøkur lóg­gáva móti elting. Av tí at elting sjáld­an endar í harðskapi, so er tað trupult at revsa fólk, ið á pappírinum ikki gera nakað revsivert. Samgongan millum Javnaðar­ flokkin, Tjóðveldi og Framsókn, ið tók við um miðjan september, hevur tó sett sær fyri, at lóggávan á økinum skal broytast soleiðis, at trupulleikin við elting verður tikin í álvara. Í fylgi­ skjal­inum til samgonguskjalið verður eisini lagt upp til, at ein nýggj lóg um elting verður sett í gildi í Føroyum,. – Lóg um sonevnda »stalking« verður løgd fyri tingið, og ásetingarnar í revsilógini um neyðtøku verða dag­ førdar. Lógarmál er ein partur av máls­ økinum hjá Akseli V. Johannesen, løg­ manni. Fyri Vikuskiftis Sosialinum upp­lýsir hann, at arbeitt verður við mál­inum í løtuni, og at talan er um eina lógarbroyting og eina nýggja lóg. – Arbeiðið við at dagføra lóg­gáv­ una á økinum er farið í gongd í Løg­ mans­skrivstovuni. Tað sum man nú ger, er at man dagførir kapittul 24 í revsi­lógini, ið umfatar alt, ið hevur við kynslig lógarbrot at gera. Tann lógin verður eftir ætlan dagførd. – Síðani verður ein nýggj lóg gjørd um elting. Tann lógin skal umfata til­ hald. Í løtuni er tað soleiðis, at man bara kann fáa geografiskt tilhald móti einum persóni. Hetta skal nú víðk­ast soleiðis, at tað millum annað ber til at burturvísa ein persón úr egnum heimi, um viðkomandi frem­ ur harðskap. Sum partur av tí víðkan­ ini er eisini, at tað skal vera ólógligt hjá einum brotsmanni at seta seg í sam­band við ofrini gjøgnum telefon, teldu­post, sosialar miðlar og annan hátt. Løgmaður greiðir frá, at nýggja lógin millum annað ger tað møguligt at krevja tilhald móti brotsmonnum áðrenn dómur er fallin. – Ein onnur áseting er, at um ein persónur hevur verið fyri grovari forfylging ella harðskapi, skal við­ kom­andi beinanvegin kunna geva brots­manninum tilhald, áðrenn dómur yvirhøvur er fallin. Hetta verð­ur gjørt, so at tey sleppa undan at møta brotsmanninum á gøtuni, og eltarin fær eisini forboð at seta seg í sam­band við ofrið. Aðrastaðni í blaðnum greiðir Rigmor N. Arge frá, at tað er trupult hjá eltarum at søkja hjálp, tí talan er um eitt evni, ið fá ynskja at tosa um. Tí leggur hon upp til, at tað almenna átti at havt eitt tilboð, har eltarar kundu fingið hjálp. Løgmaður veit tó ikki at siga, at um ætlanin er at bjóða nakað slíkt, tí slík tilboð liggur undir málsøkinum hjá al­mannaráðnum. Dagføringarnar, ið verða gjørdar, eru í samband við revsi­lógina. Miðja verður móti, at broytingar­ nar í revsilógini og nýggja lógin um um elting verða løgd fyri tingi aftaná ólav­søku 2016. – Tað sum man hevur lagt seg eftir, er at lógin um elting og broyt­ ingar­nar í revsilógini skulu verða lidnar í mars. Síðani verða tær lagdar fyri Revsirættarráðið, ið skal taka støðu til lógina. Tá tey eru liðug við teirra viðgerð verður hon send til hoyringar, áðrenn hon kann leggj­ast fyri løgtingi. Tað verður helst eina­ ferð aftaná ólavsøku, sigur Aksel V. Johannesen, løgmaður, at enda. »Arbeiðið við at dagføra lóg­gáv­ una á økinum er farið í gongd í Løg­mans­skriv­ stovuni. Tað sum man nú ger, er at man dagførir kapittul 24 í revsi­lógini, ið um­fatar alt, ið hevur við kynslig lógar­brot at gera« – Um ein persónur hevur verið fyri grovari forfylging ella harðskapi, skal viðkomandi beinanvegin kunna geva brotsmanninum tilhald, áðrenn dómur yvirhøvur er fallin. Hetta verður gjørt, so at tey sleppa undan at møta brotsmanninum á gøtuni, og eltarin fær eisini forboð at seta seg í samband við ofrið, sigur Aksel V. Johannesen, løgmaður, nú arbeitt verður við at smíða eina nýggja lóg um elting MYND: ÁLVUR HARALDSEN