hósdagur 17. desember 2015síða 16

FRÍGGJADAGUR 18. DESEMBER 2015 SOSIALURIN 146 16 TEMA Øðrvísi jól SIGURJÓN EINARSSON G leðilig jól og hjartaliga til lukku við degnum! Hesa heilsan hava bæði Gert Langgaard og Kristbjørg Brøðraberg javnan hoyrt, tá tey hava gingið úr kirkjuni jólaaftan. Hetta kann tykjast eitt sindur løgið fyri okkum, ið ikki kenna til at fylla jólaaftan. Kanska heldur onkur, at tey eru blivin snýtt fyri at kunna há­ tíðar­halda dagin ordiliga, men fyri tey bæði er tað púra vanligt at fylla jólaaftan. Tey kenna ikki til annað og halda tí ikki, tað er nakar vansi at fylla á júst hesum degi. Til hetta hevur familjan hjá teimum báðum verið góð til at hildið ein góðan javn­ vág millum føðingardag og jól, tá tey vóru børn. – Tað er fínasta slag at fylla tann 24. desember, sigur skjótt 37 ára gamla Kristbjørg. – Fyrr bleiv tað gjørt nógv burturúr heima hjá okkum jólaaftansmorgun, tá stórur partur av familjuni kom á vitjan (á Skála, red.), og har tað bleiv ein siðvenja at býta pakkar millum fam­iljurnar tann morgunin. Í Leirvík varð eisini gjørt nógv burtur­úr, tá ungi Gert hevði føðingar­ dag. Har hevði mamman, Esther, sett sær fyri, at Gert ikki skuldi verða yvir­ sæddur jólaaftan. – Mamma gjørdi nógv burturúr jólaaftansmorgun, har eg veruliga var í miðdeplinum. Fekk eg ikki tveir pakkar, so fekk eg í hvussu so er ein stóran pakka, sigur Gert, ið er kreditt­ ráðgevi hjá Eik Banka til dagligt. – Kanska er tað komið fyri onkra hendinga ferð, at onkur í familjuni hevur givið mær tvær gávur í einum, men tað er ikki nakað, eg hugsi aftur á við beiskleika, sigur leirvíkingurin smíl­andi. – Eg eri so ongantíð blivin snýtt fyri nakra gávu, heldur skálakvinnan, Kristbjørg fyri. Er blivið ein vanasak Bæði eru tey á einum máli um, at fyri tey er tað ikki keðiligt at fylla jóla­ aftan. Tað er nakað, tey altíð hava verið von við, og tí kenna tey ikki til nakað annað. Tað ber sjálvandi ikki til at hátíðarhalda dagin fyri mong­ um gestum á sjálvum degnum, men so hevur føðingardagurin ofta verð­ ið hildin seinni ella millum jól og nýggjár. – Tað er kanska heldur betur at fylla jólaaftan, enn dagarnar upp­ undir jóla, tí tá rokast øll og fyri­reika seg til jólini, sigur Kristbjørg heldur hugsanarsom. Til dagliga heldur hon skil á bókhaldinum hjá Advokat­fel­ag­ num við Strond 4. Gert hevur upplivað, at fólk kanska hava gloymt, tá hann fyllir, men hinvegin eru tað nógv, ið minn­ ast týðiliga til hansara føðingar­dag, tá hann jú er tann dagin, sum hann nú er. – Nú hava nógv eisini Facebook, so har verður tú eisini mintur á hvør fyllir, sigur 43-ára gamli leirvíkingurin. Bæði Kristbjørg og Gert gera ann­ars ikki so nógv burturúr teirra føðingar­døgum, nú tey eru blivin vaksin, men tá teir rundu dagarnar eru fyri, verður gjørt eitt sindur meira Føðingardag Tað er kanska heldur betur at fylla jólaaftan, enn dagarnar uppundir jóla, tí tá rokast øll og fyrireika seg til jólini« SAMA DAG SUM JESUS Í Norðurlondum er jólaaftan kendur sum føðingardagur Jesusar. Leirvíkingurin, Gert Langgaard og skálakvinnan, Kristbjørg Brøðraberg hava eisini føðingardag tann 24. desember. Hóast sama føðingardag, hava familjurnar hjá teimum báðum duga væl at hildið góðan javnvág millum føðingardag og jól Gert Langgaard Kristbjørg Brøðraberg Í Norðurlondum hátíðar­ halda vit Jesu føðing, jólaaftan 24. desember MYNDIR: PRIVAT