hósdagur 17. desember 2015síða 21

FRÍGGJADAGUR 18. DESEMBER 2015 SOSIALURIN 146 21 KLUMMAN Simona Weihe Pensionistar á status quo Ikki eri eg serliga áhugað í politikki. Tá eg var yngri og bláoygdari, dámdi mær at fylgja við, hvat hendi, hvør segði hetta og hatta, og hvørjar ætlanir og hjartamál politikararnir høvdu. Men soleiðis hevur tað ikki verið leingi. Veit tað er tí, at hvørja ferð eg havi væntað mær nakað av einum flokki ella politikara, hendir ofta – í besta og tíbetur flestu førum – ikki tað heilt stóra. Og viðhvørt gongur galið. Seinasta dømið, hóast gummur og gubbar at tí forsvara tað sum harðast, er lækkingin av grundupphæddini í fólkapensjónini. Men onki undrar meg longur. Heldur ikki ætlanin at taka ábyrgdina av fólkapensjónini frá landsstýrisfólkinum við málinum og flyta hana yvir á arbeiðsmarknaðin. Og jarðleggja sólskins­søguna, sum Samhaldsfasti er við sínum vaksandi útgjaldi. Tað, sum (aftur í besta føri) hendir, er einfalt tað, at pensjónistarnir í Føroyum, sum bara hava fólkapensjónina og Samhaldsfasta at dúva uppá, verða hildnir á status quo. Also um Samhaldsfasti spælir við, og løgtingið ásetir hægri inngjald. Eftirlønin, sum fyrra lands­ stýrið fann uppá, fer ikki eitt prosent upp (til trý prosent) 1. januar. Heldur ikki hevur verið nevnt eitt orð um at avtaka ta skipanina. So hon er hvørki fuglur ella fiskur. Syrgiliga framtíðin er, at samgongan syrgir fyri at økja – og í besta føri – varðveitir ójavnan millum okkara gomlu. Kastar ábyrgdina yvir á løntakaran og arbeiðsgevaran. Eg spyrji bara: Hvør er munurin á tvungnu uppsparingini frá einum prosenti til 15 prosent eftir 15 árum, og at gjalda meira í Samhaldsfasta, tá grund­ upphæddin skal skerjast samsvarandi? Fyri ikki at tala um tey, sum lítið ella als ikki eru á arbeiðs­marknaðinum. Tað er bara so ófatiligt, hvat man kann finna upp á at sita og putlast við. Men álíkavæl ikki, tí tað hevur ljóðað, at sparingin á fíggjarlógini við hesum upp­skot­ inum verður einar 42 milliónir krónur. Tað hevði gjørt góðan mun í roknistykkinum fyri 2016. Hvat hetta endar við, ja, tað er ikki gott at vita. Vón er tó fyri framman, tí mótmæli koma úr øllum heraðshornum. Skuldi tó tað syrgiliga hent, at grundupphæddin verður niðurlaðað, verður seinur dagur, at hon kemur uppaftur. Tað er jú heldur ikki ætlanin. Samhaldsfasti er fyri sam­gonguna, sum støðan er, ein fuglur á takinum, sum tað hevur kitlað í lógvunum hjá fleiri samgongum at fáa fingrarnar í. Øðrvísi er hjá teimum (færru) á ovastu rókum, sum í samráðingum um eftirløn og pensiónir meira ella minni samráðast við sær sjálvum sum mótparti. Skrivi færri, hóast vit eru farin at líkjast Hollywood, har tað ganga 13 blondinur á dusinið. Hjá okkum eru tað til dømis stjórar, sum eru um at spreingja dusinið. Tá er gott at hava fjøldina at spaða til. Jólakonsert í Gøtu Kirkju Siðvanda Jólakonsertin, har Gøtu kirkju ungdómskór syngur jólini inn, nærkast. Konsertin verður sunnudagin 20. desember kl. 19.00. At syngja jólini inn saman við Gøtu kirkju ungdómskórið fjórða sunnudag í advent hvørt ár, plagar at vera eitt serliga gott upplivilsi. Her verða nýggir og gamlir jólasangir framførdir, eins og smærru børnini úr Gøtu kirkju eisini luttaka við Lucia­ framførslu og sangi. Skráin hjá kórinum hesaferð er í ein ávísan mun siðbundin, men fer eisini at fevna um nýggjari kórtónleik við spenn­andi framførslum av opnings­ lagnum í Disney filminum Frozen og tí sera vakra Carol of the Bells. Konsertin er ókeypis, men høvið verður at lata eina gávu til kórið. Marius Ziska Marius Ziska, fara at runda árið av við einari konsert í Reinsarínum 19. desembur. 2015 hevur verið eitt hendinga­ ríkt og deiligt ár fyri bólkin. Í februar góvu teir plátuna »Home/Heim« út og teir vóru sera takksamir fyri at hava eina útselda útgávukonsert í Norðurlandahúsinum í hesum sambandi. Nú eru teir aftur í Reinsarínum, og leygarkvøldið spæla teir og Guðrun og Bartal. – Umframt at vit gera nógv burtur úr tónleikinun hettar kvøldið, so ætla vit at gera nógv burtur úr sjálvum kvøld­inum eisini, siga teir í Marius. Hetta kvøldoið spæla Hans Marius Ziska, Heðin Ziska Davidsen, Allan Tausen, Brandur Jacobsen, Mikael Blak, Sakaris Joensen og Jákup Zachariassen. Teitur hevur konsert í Klaksvík Leygarkvøldið verður jólakonsert við Teiti Lassen í Spaniastovu í Klaksvík. Afturat sær hevur Teitur tónleikararnar Torleif Mortensen og Per Ingvald Højgaard. Teitur syngur og spælir gittar. Teitur hevur áður havt konsert í Spaniastovu, og tað var fyri mong ein heilt serlig uppliving – hugnalig og nærverandi. Konsertin við Teiti er tann seinasta í ár í røðini, tey kalla Tónabrúgv.