hósdagur 17. desember 2015síða 29

FRÍGGJADAGUR 18. DESEMBER 2015 SOSIALURIN 146 29 TÍÐARGREIN Tíðargreinin verður skrivað av skiftandi fólkum, sum ikki dagliga eru knýtt at blaðnum. Evnini eru ymisk, men viðgera øll okkurt evni, sum er viðkomandi fyri tíðina júst nú. Kristina ger ein Jørgen – og Aksel nikkar Edmund Joensen Løgtingsmaður M innist tú rópini fyri fýra árum síðani? Tey – Høgni Hoydal, Aksel V. Johannesen, Kristina Háfoss og Poul Michelsen – royndu algoyst at yvir­bjóða hvønannan. Og fjølmiðlarnir runnu aftaná. Øll peikaðu og róptu. Tað vóru forskattingin av pen­ sjón­um og flatskatturin hjá Jørgeni Niclasen, ið elvdu til rokilsið í tá­ver­ andi andstøðuni. Futtaðu framtíðar pengar av Høvuðskritikkurin var, at Jørgen breyt seg inn í pensjónsskipanina. Hann forskattaði pengar hjá okkum øll­um og gav háinntøkum pengarnar í skatta­lætta. Táverandi samgonga varð skuldsett fyri at futta pengar av, sum annars skuldu brúkast í fram­tíðini. Forskattingin av pensjónum var og er eitt óhoyrt inntriv í priv­at viðurskifti hjá føroyingum. Flat­ skatt­urin til vælbjargað var somu­ leið­is eitt asosialt tiltak. Og pengar úr framtíðini verða futtaðir av. Nú løgtingsval hevur verið, og tá­verandi andstøða er komin til valdið, hendir tað, sum ongin hevði væntað ella gitt. Tey gera ein Jørgen Fjúrtanda September Samgongan ger tað sama. Somu fólk, sum róptu og peikaðu, bróta seg nú inn í fólka­ pen­sjón­ina eftir pengum fyri at fíggja ein skattalætta. Hetta er sama manna­gongd, sum Jørgen brúkti. Tey gera við øðrum orðum ein Jørgen. Fjúrtanda September Sam­gong­ an er tó heldur grovari. Aksel og Kristina taka pengar frá teimum, sum framman undan hava stóran tørv á teimum: pensjónistunum. At Javnaðarflokkurin kemur sær at leggja rygg til hesa svikagerð móti pensjónistum er fyri mær púra óskiljandi. Hvar er sosiala medvitið? Eg kann ikki ætlað, hvat ið veru­ ligi javnaðahøvdingin, Petur Mohr Dam, sáli, hevði sagt, um hann hevði vitað aftur til sín. Saman við sam­ bands­politikarum útvegaði hann før­oy­ingum fólkapensjónina saman við donsku stjórnini. Nú svíkja hansara egnu arvin. Høgravíðgongdari enn Jørgen Tey steðga ikki við hesi knokk­royt­ ing. Nei, tey bróta seg eisini inn í Sam­halds­fasta eftir pengum, sum tey einki eiga í. Nú skal Sam­halds­ fasti økja síni útgjøld til pen­sjón­istar. Er tað fyri at blíðka ella hjálpa fólka­pensjónistum? Nei. Orsøkin til økta gjaldið úr Sam­ haldsfasta er, at Aksel og Kristina vilja hava meira inn í skatti frá pen­sjónistum. Útgjøld úr Samhalds­ fasta eru jú skattskyldug. Pensjónin er hin­vegin skattafrí, so haðani fæst eingin skattur. Øll síggja, at Fjúrtanda Sep­ tember Samgongan er karrá. Hetta er, um møguligt, meira víðgongt: · Veikir bólkar verða knokkroyttir og fóðraðir við sínum egna hala. · Gjøld verða løgd á vinnulívs­fyri­ tøkurnar. · Og skattaskrúvan verður spent á somu pensjónistar, sum missa burtur av fólkapensjónini. Gerið so væl, tit. Hetta er javnaðar- og tjóðveldispolitikkur, tá ið hann er bestur. Í Fiskimálaráðnum situr Høgni Hoydal, sum síðani løgtingsvalið er farin at flenna. Úti í Vinnumálaráðnum fjalir Poul Michelsen seg. Tað er væl skilj­andi. Ikki man tað vera stuttligt at vera illi jólamaðurin, sum tekur, heldur enn at skapa jólagleði hjá teim­um gomlu í Føroyum. Hvar eru fjølmiðlarnir? Eru teir í parti við Fjúrtanda September Samgonguni. Hví er eingin kritisk journalisma? Samfelagskakan skal vaksa Knokkroytingin av pensjónistum er púra óneyðug. Um rættur politikkur verður rikin, kann fólkapensjónin vaksa. Ongar smartar fidusir at lumpa fólk við. Einki svik móti fedrunum. Hvør er so tann rætti politikk­ urin? Tað er politikkurin hjá Sam­ bands­flokkinum. Heldur enn at leggja alla orku í at stríðast um støddina á køku­ stykkjum, sum alsamt minka, snýr tað seg um at vaksa um samfelags­ kak­una. Tað er uppgávan. Hópin nógv er til øll, um rætt verður at­borið. Tvífalda útflutningsvirðið Tøl vísa, at útflutningsvirði Føroya, sum í dag er uml. 6 milliardir krónur, í minsta lagi kann tví­fald­ ast, um betri atgongd fæst til inn­ara marknaðin í ES fyri til­virk­aðar føroyskar vørur. Sambandsflokkurin vil útvega hesa atgongd í beinleiðis sam­ráð­ing við ES-nevndina og við útgangs­ støði í góðu støðu Føroya í Ríkis­ felags­skapinum. Inntøkuskapan á ES-marknað­ inum er lykilin. Samgongan vil tó heldur tala myrkatos um EFTA, ið als ikki kann útvega okkara fyri­tøkum góðu atgongdina til ES- marknaðin fyri tilvirkaðar fiska­ vørur. Harumframt bjóðar Sam­bands­ flokkurin seg fram til at verja felags­málini í Ríkinum, sum bæði fevna um fólkapensjón, heilsuverk og onnur sosial mál. Veruliga sam­ halds­festið í okkara felagsskapi er dýrabart. Lyftisbrotið mikla Mong eru vónsvikin, og ábyrgdina eigur Javnaðarflokkurin. Hvør hevði væntað, at Aksel fór at verða um­boðsmaður fyri at lækka fólka­ pensjónina? Framman undan valinum søgdu tey einki um at skerja fólka­pen­ sjón­ina. Men eftir valið er júst hetta ovast á dagsskránni. Hetta lyftisbrot verður neyvan gloymt. Her er farið út um alt rímiligt mark. Fjúrtanda September Samgongan gongur í fótasporum Fólkafloksins: brýtur seg inn í pensjónina hjá fólki og gjarar pengarnar út í skattalætta Gerið so væl, tit. Hetta er javnaðar- og tjóðveldispolitikkur, tá ið hann er bestur