mánadagur 28. desember 2015síða 21

21 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 28. desember 2015 · Nr. 149 ÍTRÓTTUR HELGI FEKK FULT NÝGGIR MENN VIÐ STÝRISVØLIN Føroya fremsti telvari vann í gjár FM í snartalvi við fullum stigatali Jóannes Hansen Talvsamband Føroya skip­aði í gjár – soleiðis sum siður hevur verið mill­um jól og nýggjár tey seinnu árini – fyri FM í snar­talvi. Havnar Telvingar­felag var vertur, og tað var merkisvert, at fleiri av stinnastu før­ oysku telvarunum lut­ tóku. Millum hesar var so av­gjørt Føroya fremsti telv­ari, Helgi Dam Ziska. Hann er undir útbúgving í Skotlandi, og nú hann er heima í jólafrí nýtti hann høvi at dystast við 30 aðr­ ar føroyskar telvarar. At Helgi er so nógv tann besti føroyski telv­ arin í løtuni og nógv tann besti nakrantíð verð­ur undir­strikað í styrkis­ tøl­unum. Styrkistalið hjá Helga er 2531! Næst­ hægsta styrkistalið í kapp­ing­ini í gjár átti Høgni Egilstoft Nielsen – 2326. Teir næstu í røðini vóru Rógvi Egilstoft Nielsen (2296) og Ólavur Simonsen (2205). Aðrir, sum tóku lut, og sum eiga styrkistal omanfyri 2000, vóru Sjúrður Thorsteins­son (2195), Torkil Nielsen (2154), Hans Kristian Simonsen (2136), Finnbjørn Vang (2108) og Herluf Hansen (2011). Allir luttakararnir telv­ aðu átjan talv, og tað var merkisvert, at Helgi Dam Ziska vann kappingina við fullum stigatali. Sambært Talvsambandi Føroya, so er hetta fyrsta ferðin, at Helgi vinnur kappingina við fullum stigatali, og tað er sjáldan ella kanska ongantíð komið fyri áður, at meistarin í snar­talvi hevur vunnið so sann­før­ andi. Teir næstu í røðini vóru Rógvi Egilstoft Nielsen og Sjúrður Thorsteins­son (13,0 stig), Hans Kristian Simonsen (12,0 stig) og síðani Høgni Egilstoft Nielsen og Torkil Nielsen (11,5 stig). Í liðkappingini í talvi eru fýra umfør avgreidd. Fimta umfar verður sunnu­dagin 10. januar klokkan 14. Tá sær skráin soleiðis út: Havnin 1-Sanda­vágur1, Rókur1- Klaks­vík1 og Klaksvík2- Sanda­vágur2. Kappingin fevnir um 10 umfør. Síðsta umfar verð­ur leygardagin 16. apríl. Fleirfaldu meistararnir úr Sandavági eru greitt á odda í liðkappingini og harvið favorittar at endur­vinna FM heitið. joannes@sosialurin.fo Feløgini, sum ikki longu eru farin undir fyrireikingarnar til nýggja fótbóltsárið, leggja nú til brots Jóannes Hansen Um stívliga tveir mánaðir – fyrsta vikuskifti í mars – verður fyrsta umfar í lands­ kapp­ingini í fótbólti. Í fleiri feløgum fóru teir longu væl fyri jól undir fyrireikingarnar til nýggja kappingarárið. Spælararnir venja innandura – ikki minst styrkisvenjing tað mesta av vetrarsteðginum frá kapp­ ing­ini – men nú er og verður tað álvari á vallunum kring landið. Í feløgunum, har teir ikki hava vant, verður nú av álvara farið í holtur við tað. Eitt nú fara meistararnir í B36 undir venjingarnar leygar­dagin 2. januar. Merkisvert er tað, at tað bara í trimum feløgum er sami maður, ið hevur ábyrgd­ina av liðnum í bestu deildini, sum eisini í fjør helt um stýrisvølin. Teir tríggir venjarar­nir eru Mikkjal Thomas­sen í KÍ, Pauli Poulsen á Skála og Eyðun Klak­stein í B36. Í øllum hinum sjey feløg­ unum eru nýggir venjarar. Felags fyri fleiri teirra er, at teir áður hava havt ábyrgd­ ina av øðrum liðum í bestu deildini. Í Víkingi er Sámal Erik Hentze nýggjur venjari. Hann hevur áður verið venj­ ari hjá bestu liðunum í feløg­ unum í høvuðsstaðnum – AB, HB og B36. Í ÍF er Jógvan Martin Olsen nýggjur venjari. Hann hevur áður vant í fremstu deildini í trimum øðrum fel­ øg­um í Eysturoy – B68, NSÍ og Víkingi. Jógvan Martin hevur eisini verið lands­liðs­ venjari. Í HB er Jan C. Dam nýggj­ ur maður við stýrisvølin. Hetta er fyrsta ferðin, at Jan C. Dam hevur ábyrgd av liði í bestu deildini. Jan hevur áður verið ungdómsvenjari í barndómsfelagnum, og í fjør var hann fram ímóti kapp­ ingarenda hjálpar­venjari hjá besta liðnum. Í AB er Trygvi Mortensen nýggjur venjari. Hann hevð­ ur nógvar royndir sum venj­ ari í bestu deildini. Longu í 1992 var hann ein part av kapp­ingar­árinum venjari hjá besta liðnum í barndóms­ felag­num NSÍ, og síðani hevur hann umframt í NSÍ verið venjari í EB/Streymi, B68 og KÍ. Nýggjur maður við róðrið á Svangaskarði er Páll H. Guðlaugsson, sum saman við uppflytarunum í B68 longu hevur vant í fleiri vikur. Trý tey undanfarnu ár­ini hevur Páll verið venjari hjá TB, og hann hevur eis­ini vant KÍ, GÍ, B36, EB/Streym og ÍF, um­ framt at hann hevur drúgv­ar royndir uttan­lands og eisini hevur verið lands­liðs­venjari. Tveir av nýggju venj­ar­ unum eru útlendingar, sum ikki áður hava roynt seg í føroyskum fótbólti. Longu tá ið 2015 kapp­ ingin fyrst í oktober var av, var tað greitt, at Robert F. Roelofsen úr Hollandi verður nýggur venjari hjá TB. NSÍ segðist leingi leita eftir venjara í Íslandi, men stutt undan jólum varð tað greitt, at nýggi maðurin við stýris­vølin við Løkin í Runa­ vík er ein danskari. Hann eitur Anders Gerber. joannes@sosialurin.fo Hetta er fyrsta ferðin, at nýggi HB-venjarin, Jan C. Dam, hevur ábyrgd av liði í bestu deildini