týsdagur 29. desember 2015síða 10

Mikudagur 30. desember 2015 · Nr. 150 10 Sosialurin Hugskot og viðmerkingar – send sms til 225000 FØROYINGAR VILJA KLÆNKA SEG Spurnakanning Spyr.fo hevur gjørt eina spurnakanning fyri Sosialin, har 300 føroyingar millum 15 og 80 ár hava svarað hvørji nýggjárslyfti tey hava. Har sæst, at størsti parturin hevur sum nýggjárslyfti at klænka seg NÝGGJÁRSLYFTI Barbara Holm Heili 23 % hava svarað, at tey vilja klænkað seg í nýggja ár­inum, meðan 19% vilja liva sunn­ari. 18% ætla at røra seg meira, meðan 10& ætla at megna betur at leggja til rættis generelt og á tí fíggjar­ liga økinum. 8% ætla at læra okkurt nýtt. Men ymiskt er, hvat ym­ isku aldursbólkarnir leggja dent á. Tey millum 15 og 24 ár leggja størsta dent á at liva sunn­ari, meðan tey millum 25 og 44 ár helst vilja klænka seg. Tey elstu av okkum – tey millum 45 og 80 ár – leggja eins stóran dent á røra seg og at klænka seg. Og helst eru bæði síður av somu søk. At drekka minni og at leggja av at roykja hevur ikki stóran áhuga í tí komandi ár­inum. Millum 0 og 2% – alt eftir aldursbólkunum – ynskja at drekka minni, með­an størri áhugi er fyri at leggja av at roykja. Mill­um 4 og 15 % vilja sleppa siga­rett­ unum í tí nýggja árinum. Tað eru tey millum 25 og 44 ár, sum vísa størstan áhuga fyri hesum nýggjárslyftinum. Sí kanningina, sum spyr. fo hevur gjørt fyri Sosialin. Úrs­litið eru grundað á svar frá 300 tilvildarliga valdum før­oy­ingum millum 15 og 80 ár. barbara@sosialurin.fo Tey millum 15 og 24 ár leggja størsta dent á at liva sunn­ari, meðan tey millum 25 og 44 ár helst vilja klænka seg Modellmynd