týsdagur 29. desember 2015síða 40

Mikudagur 30. desember 2015 16 Sosialurin Brot og bitar úr árinum, ið fór G! í góðum formi G! Festivalurin í Gøtu lukkast væl. Nógv fólk er á festivali, og tiltakið sum heild riggar væl. Ummælarin hjá Sosial­inum skrivar: – Eftir hendan G! Festivalin tykist G! konseptið styrkt aftur, og tað mann verða hugligt hjá fyrireikarunum, nú teir taka upp og rudda av, at vita, at fólk gleða seg til ein nýggjan festival um eitt ár. Berjast bert í fyllskapi So at siga hvørja ferð, løgreglan fær fráboðan um harðskap ella húsaófrið, er rúsdrekka uppi í. Arbeiðsbólkur mælir til at gera átøk fyri at steðga ótálmaðari drekking í býarlívinum um vikuskiftini. Tað skal heilt einfalt gerast truplari at drekka seg skítfullan í býnum. Juli: – Eingin maður skal upp á tekjuna uttan trygdarlínu, og dettur onkur niður, og yvirlivir, so skal eg per­ són­liga drassa viðkomandi upp aftur og tveita hann av aftur. Tað var tað fyrsta Suni úr Hørg segði, tá ið hann kom til arbeiðis tann 28. mars í 2014. Sum arbeiðs­ for­maður fyri Búsetur var tað hans­ara uppgáva at tryggja, at allir menninir vóru tryggir og ikki tóku nakran kjans. Á nærmast fløtu tekjuni 9 metrar og 70 yvir jørðini arbeiddu teir hendan morgunin. 15 minuttir eftir Suni hevði ávarað um at nýta trygdarlínu, datt hann sjálvur av tekjuni. – Tað passar slett ikki sum tey siga í Hollywood filmunum. Tú sær ikki lívið frammanfyri tær, meðan tú dettur. So hasi Hollywood fólkini lúgva, sigur Suni við einum smíli, tá ið hann skal seta orð á hendingina fyri góðum ári síðani. Teir vóru farnir upp á tekjuna henda morgunin at hefta ein dúk yvir eitt av holunum á tekjuni. Allir vóru farnir í trygdarlínu uttan Suni. – Eg skuldi bara líka festa dúkin áðrenn, sigur hann og ristur uppá høvdið. Síðani gjørdi hann tað, sum ein ongantíð skal gera á einum slíkum arbeiðsplássi. Hann gekk beint fram – ávegis eftir trygdarlínuni – meðan hann hugdi til síðuna. – Tað er regla nummar eitt. Ongantíð gakk eitt fet á einari tekju, uttan at tú ert vísur í, at tað er trygt, sigur Suni. Brádliga var ikki longur fast undir fótum, og hann misti balans­ una. 9,70 metrar longri niðri var hart betong gólv. – Eg eigi ikki at vera livandi. Eg plagi at skemta við, at eg eri hálvur sumbingur, so tað má vera tí. Hevði eg verið heilur sumbingur, so hevði eg sikkurt brotið gólvið, sigur hann og flennur so hjartaliga. Vaknaði í Íslandi 15 dagar aftaná hendingina vakn­ aði Suni í Íslandi. Eftir skurð­við­ gerð­irnar varð hann lagdur í koma, og tað tók honum fimm dagar at vakna aftur. Áðrenn hann vaknaði fekk familja hansara at vita, at trýstið í høvdinum var alt ov høgt, og tí var líkt til, at hann fór at vera ein sokallað »grøntsak«, tá ið hann vaknaði aftur. Fyrstu mánaðirnar sá Suni alt hugsandi fyri sær, sum ikki var til staðar í veruleikanum. Hann tordi ikki at lýta á seg sjálvan, tí hann visti ikki hvat var veruligt og ikki. Somuleiðis var sjónin heilt burtur fyrstu tíðina. Læknarnir søgdu, at hann ongantíð fór at síggja aftur. Men Suni var sjálvur skjótt greiður um, at sjónin ikki var heilt burturi. Framgongdin hjá Suna var ógvuliga góð fyrstu tveir mánaðirnar. Frá at læknarnir mettu hann fór at vera ógvusliga heila­skaddur og blindur restina av lívinum, prógvaði hann í verki, at so var ikki. Hallusinatiónirnar steðg­ aðu og sjónin kom aftur í høgra eyga – um enn bert sum tunnils­ sjón. Jaliga framgongdin steðgaði áleið tveir mánaðir eftir óhappið. Eftir hetta gjørdist sjónin ikki betur, og hevur hetta staðið í stað nú í gott eitt ár. Optimistisku – Eg minnist sekundini áðrenn eg rakti jørðina. Tað einasta eg hugsaði var: Ná Suni, hatta var tað. Nú er slut. Soleiðis sigur 32 ára gamli Suni úr Hørg, sum datt yvir 9 metrar niður á eitt hart betonggólv Datt 9,7 metrar niður á betong JUL Løkke á fjalli við Gjógv Tað var ein søguligur dagur við Gjógv, tá ið danski forsætisráðharrin var við á fjalli í Sáttarenni. Løkke, sum tey kalla hann har norðuri, hevur mangan verið og rikið við teimum við Gjógv, men hetta er fyrstu ferð hann er við sum forsætisráðharri. Tað merktist, at hetta var nakað serligt, tí vaktarhald var við rættina alla tíðina. Dømdur fyri dráp Ein 35 ára gamal føroyingur er dømdur at sita í fongsli í 12 ár fyri at hava dripið konu sína. Tað var fyrst januar í ár, at hann hann stakk konu sína so illa við knívi, at hon doyði av løstinum. Tá ið hann hevði stungið hana, ringdi hann sjálvur til løgregluna og boðaði frá. Og nú varð hann so dømdur at sita í 12 ár, og hann tók við dóminum. Johnny sjúkrahús­ stjóri Johnny í Grótinum er settur í starvið sum stjóri á Landssjúkrahúsinum. Johnny er búskaparfrøðingurin og hevur starvast innan eitt nú bankar. – Samskifti skal á breddan, tí serliga á Landssjúkra húsinum eru nógv fólk, sum eru klókari enn eg innan júst hetta øki. Eg fari tí at lurta eftir, hvat serfrøðingarnir siga og og taka tað harfrá. – Tað var ikki akkurát stílurin hjá Jesusi at vísa sínum egnu út um bøgarðarnar. Tað hoyrir tvørturímóti til tey gomlu, kristnu virðini at vera góður við øll, eisini tey, sum kanska eru eitt sindur øðrvísi enn ein sjálvur. Theodor E. D. Olsen prestur, í kjaki um samkynd – Frá politiskari síðu verður lagt upp til, at okkara eldru skulu vera heima sum longst. Men samstundis verður skorið og skorið í heimarøktini, sum er við til at gera tað møguligt at vera búgvandi heima. Ása Róin granskari, um eldrapolitikkin 2015