týsdagur 29. desember 2015síða 53

29 Mikudagur 30. desember 2015 Sosialurin Brot og bitar úr árinum, ið fór Alt gingið óvanliga væl Sjúrður Skaale, fólkatingsmaður Góðar upplivingar á ferð Tóra við Keldu, forkvinna í MBF Cuba var nakað serligt Torbjørn Jacobsen, havnameistari Sorgblítt at gevast Óli Brekcmann, radiovertur Hvussu var 2015 fyri teg? – 2015 hevur verið eitt ógvuliga »mettað« ár. Tað hevur verið fult av øll­um møguligum - eisini onkrum, sum eg ikki havi roynt áður. Alt hevur gingið óalmindiliga væl, so á einum skala frá 1-10 fær farna árið 8,5 frá mær. Hvat var besta upplivingin hjá tær í 2015? – Tað eru nógvar at taka av. At sita á rossabaki í Íslandi í eina viku saman við 19 føroyskum røvarum var frábært. At vera eygleiðari á val­inum í Catalonia í heyst var læru­ríkt. Men tað vóru eisini tvey val í Føroyum, sum bæði gingu eftir ætlan. Á øðrum teirra fekk eg eitt persón­ligt úrslit, sum eg var sera takk­samur fyri. Tað haldi eg, at eg seti ovast. Hvat var keðiligasta upp­ livingin hjá tær í 2015? – Tað hevur verið sera dapurt og tragiskt at fylgja við gongdini í Sýria, og teimum vanlukkum, sum eru komnar í kjalarvørrinum á tí. At støðugt fleiri venda sær ímóti tí tætta sam­starvinum í ES, og heldur leita til nationalistiskar flokkar, er eisini eitt ræðandi perspektiv fyri Europa og harvið allan heimin. Nationalisma hevur knasað okkara heims­part áður. Hvat hevur tú sett tær fyri at gera (náa) í 2016? – Eg havi í nøkur ár nýtt nakrar av frídøgunum til eitt størri prosjekt. Leingi havi eg ætlað at gjørt tað liðugt, men ikki funnið tíðina til tað. Men í 2016 verður tað! Heilt sikkurt! Hvussu var 2015 fyri teg? – Mikið gott. Tað byrjaði á Cuba og endar helst á Glyvrum. Harímillum er starvið sum havnarmeistari og varaborgarstjóri við Runavíkar havn og í somu kommunu farið við mestu tíðini, og sum heild eri eg rímiliga væl nøgdur við tað sum er komið burturúr stríðnum.                                                                                                                                           Hvat var besta upplivingin (størsta hendingin) hjá tær í 2015? – Ferðin og tær tríggjar vikurnar á Cuba, sum heilt víst ikki verður hin seinasta ferðin yvir haðar. 2) At eg aftur og umsíður fekk upp í lag at keypa mær ein bát. Tíðliga í heyst keypti eg motorin »Høgna Jákup« frá kenda sálarfrøðinginum Eyðuni Joensen, og nú eitur hann »Grinkil«, upp­kallaður eftir einum ókendum glyvra­manni, ið man hava verið ímill­um teir fyrstu, sum hava sett seg niður í bygdini, harav nøvnini Grinkilsá og Grinkilsgerði, Grinkil er orð, ið sambært málfrøðingum ikki finst aðrar staðir í Føroyum, tíans­heldur í málsliga skyldu granna­londum okkara. 3) At eg ein­ mælt varð kosin at gerast borgar­ stjóri í Runavíkar kommunu frá og við 1. januar 2016 og árið út, tað kend­ist sum ein stórur heiður. Hvat var keðiligasta upplivingin hjá tær í 2015? – Eri so vælsignað samanskrúvaður sálarliga, at eg gloymi tær even­tu­ ellu keðiligu hendingarnar beinan­ vegin. Tað er sum við illveðrinum og nógva ísinum, tá man sigldi, so skjótt man var komin ígjøgnum ýlandi stormin, sjóvarilskuna og ís­barrierurnar, var alt gloymt. Tað hava verið góðir og minni góðir dagar, eisini í 2015, men nakra serliga keðiliga hending havi eg ikki festa í minninum. Hvat hevur tú sett tær fyri at gera (náa) í 2016? – Vænti at 2016 fyri tað mesta fer at verða brúkt í tænastu hjá borgar­ unum í Runavíkar kommunu sum borgar­stjóri. Ætli mær at liva upp til stóra heiðurin, býráðið og borgar­arnir hava latið mær upp í hendi so frægt sum eg kann og evni. Vit hava havt eitt frálíkt samstarv í býráðnum hesi trý árini, ið hevur havt til endamáls konstruktivt at flyta kommununa so sterka sum gjør­ligt inn í framtíðina, og tað ar­beiðið fer at halda fram. Vænti, at hetta fer við allari tíðini, men kanska fái eg okkurt høvi at fara á flot, nú »Grinkil« liggur siglingar­ klárur í bátahylinum Niðri á Støð á Glyvrum. Hvussu var 2015 fyri teg? – Árið saman við familju og vinum, sangvinum og starvsfelagum hev­ ur verið bæði gott og hend­inga­ríkt, og á brekøkinum kunnu vit millum annað gleðast um fylgjara­skipanina, nýggju parkerings­kort­ini, nýtt brot í mið­náms­skúla­søg­uni við skúla­ til­boðum til ung við av­bjóð­ingum, fleiri tekn­máls­tulk­aðar sjón­varps­ send­ingar í KVF og gott ar­beiði úti í teim­um 24 lima­feløg­unum. Hvat var besta upplivingin hjá tær í 2015? – Í ár havi eg ferðast eitt sindur, og var ferðin í Grønlandi saman við 17 Sangarum serstøk. Fólkið so fyrikomandi, og málið, mentanin og náttúran so øðrvísi og spennandi. Grønland er eitt fantastiskt land. Saman við familjuni vitjaði eg í summar m.a. New York fyri fyrstu ferð. Ein risastórur býur á pinka­ lítlum øki. Manhattan er 87,46 km2, og har búgva umleið 1,6 milliónir. Til samanberingar er Sandoyggin 112,1 km2, og har búgva 12744 fólk, so tað er ótrúliga fáir km2 til hvønn íbúgva. Ein livandi og litríkur býur, sum bjóðar teimum vitjandi al­ skyns upplivingar. Eisini var tað ein góð og serstøk uppliving sum forkvinna í MBF at fáa møguleikan í góðveðri og saman við fjøld av fólki at seta ólavsøkuna 2015. Hvat var keðiligasta upp­ livingin hjá tær í 2015? – Haldi ikki, at eg sum so havi havt keðiligar upplivingar í 2015, men kann kanska venda spurninginum, at tað var keðiligt, at eg ikki upp­ livdi okkurt, sum eg vildi ynskt. T.d. hevur MBF arbeitt fyri at fáa før­ oyskar sjónvarpssendingar í KVF tekst­aðar, so deyv og tunghoyrd kunnu fylgja við tí, sum hendir. Tað var keðiligt, at eg ikki upplivdu tað í 2015. Hvat hevur tú sett tær fyri at gera í 2016? – Eg havi sett mær sum mál, at eg í 2016 fari at vitja tær oyggjarnar í Føroyum, sum eg enn ikki havi vitj­að, og eisini ætli eg mær onkran góð­an dag upp á Slættaratind. Hvussu var 2015 fyri teg? – Við sorgblídni gavst eg at undir­ vísa í enskum, søgu og latíni í Hoydølum eftir tey ógloym­andi sjey farnu árini á besta ar­beiðs­ plássi við mest vinaligu starvs­ fel­øg­um og so fittum næmingum, sum nakar kann ynskja sær at arbeiða saman við. Góð ar­beiðs­ minni rest­ina av lívinum eru tó ein gáva og fram­íhjá­rættur, sum einki sorg­blídni kann skugga fyri. Hvat var besta upplivingin (størsta hendingin) hjá tær í 2015? – Tað var ein gleði saman við Birnu at gera eina ’minnisvitjan’ aftur til skotska lestrarstað mín, Edin­ burgh, eina langa hvítusunnu í 2015. Tær bestu gávurnar í lív­inum eru ókeypis. Tær stóru signingar­ nar eru m.a: at eiga góðar og trúgv­ ar vinir, at Birna og børnini trívast, at heilsan er góð hjá okkum øllum, og at barna­børnini, eldri sum yngri, geva einum stóra gleði. Kann nakar ynskja sær meiri? Hvat var keðiligasta upplivingin hjá tær í 2015? – Skjótt farna árið 2015 stendur í skugganum av tí vánaliga val­úrslit­ inum hjá okkara kæra Fólkaflokki og víðari avleiðingunum fyri hann eftir valið. Enn sárari er at síggja, hvussu harðliga tann reyði blokkurin í landstýrinum longu er farin við okkara kæra móður­ landi og búskapinum, sum hevur ført til stóran ampa hjá øllum sam­felags- og yrkisbólkum og til ruðu­leika á fleiri økjum í sam­ felag­num. Tað, sum tók fýra drúgv ár hjá undanfarnu sam­gongu at byggja upp og at fáa lands­kassan úr 500 miljóna árligum rakstrar­ hallum upp á javnvág og harvið búskapin aftur á beint, verður nú brotið niðuraftur eftir fáum mán­að­um. Vinnuligi og privati bú­skap­urin verður eyðrændur fyri 100-tals milliónir við skatta- og av­gjalds­hækkingum til at gøða landskassan og at keypa at­ kvøður fyri, so tað svíður at øll­ um skattgjaldarum í Føroyum. Tí­betur eru vinnulív og búskapur nú so sterk og væl kjøl­fest, at sjálvt ein sosialistisk samgonga skal gera sær ómak fyri at klára at gera so stóran skaða sum sam­ gongur­nar við somu flokkum til róðurs í 1985-88, í 2008 (CHE) ella í 2011 (Makrelsamgongan). Av góð­ um politiskum hendingum uttan­ lands í 2015 kunnu nevnast nýggj­ ar borgarligar stjórnir í Dan­mark, Bretlandi, Sveis, Ísrael, Kroatia, og Pólandi. Hvussu sært tú fram til 2016? – Míni ynski fyri 2016 eru m.a., at USA (og harvið Vesturheimurin) ikki fær demokratin Hillary Clinton til forseta oman á 8-ára longu van­lukkuna Hussein Obama, men ein høgra­vendan republikan­ara, helst Ted Cruz, Carly Fiorina, Ben Carson ella Marco Rubio til nýggjan for­seta í november 2016. – Eitt ser­ligt vanda­ mál eigur at liggja okkum tungt á hjarta: Tað er ein spurningur um lív og deyð fyri okkara børn og barna­børn, fyri jødisk/kristna siða­arvin og fyri vesturlendskt fólka­ræði, manna­rættindi og sið­ menn­ing, at ES vaknar og fær steðgað og vent floyminum av mus­limsk­um tilflytarum burtur úr aftur Evropa, áðrenn vit drukna í islamismu og Sharia lóg. – For­restin vóni eg eisini kom­andi ár at fáa sett skjøtil á mína næstu bók. – Mest av øllum ynski eg av hjarta øll­um føroyingum, at Gud fram­ hald­andi heldur sína verndar­hond yvir fólki og móðurlandi okkara. Eitt gott og Harrans signað 2016!