mánadagur 4. januar 2016síða 6

Mánadagur 4. januar 2016 · Nr. 1 6 Sosialurin Hugskot og viðmerkingar – send sms til 225000 HARÐSKAPUR Leyslatin jólaaftan, men longu nýggjársaftan hevði hann aftur framt grovan, ógrundaðan harðskap móti einum øðrum ungum manni LEYSUR Í EINA VIKU Danjal av Rana Ein maður var í gjár varð­ haldsfongslaður í 18 dagar, skuldsettur fyri harðskap móti einum øðrum. Maðurin er skuldsettur fyri serliga grovan harðskap og fyri afturvendandi harð­ skap Hendingin fór fram gamla­árskvøld. Heilt fitt av fólki var í býnum, og nakað út á náttina fer ein ungur maður inn á eina matstovu í miðbýnum í Havn at seta seg niður fyri at rinda sær møðina. Hann er ikki meiri enn innkomin, tá hann følir nógva pínu í nakkanum og smellir í gólvið. Tað vísir seg, at ein annar av gestunum hev­ur júst tveitt eina fløsku í nakkan á viðkomandi. Skuld­ setti verður skjótt lagdur í gólvið og síðani tveittur út úr matstovuni. Løtu seinni kem­ur hann aftur, fyri at fregn­ast um, hvat var hent, tí hann visti ikki heilt sjálvur. Skuld­setti noktar seg sekan, av tí at hann minnist einki, so mikið hann hevði drukkið. Skuldsetti maðurin er dømdur fleiri ferðir. Í 2013 fekk hann ein dóm fyri rús­ drekka­koyr­ing og í no­vemb­ ur 2011 er hann dømd­ur fyri harð­skap, longu tá fyri aftur­vendandi harð­skap. Í desemb­ur fekk hann ein dóm fyri at hava givið einum manni nevan á kjaftin í Sirkus í Havn. Í juni 2015 fær hann ein nýggjan harð­skaps­ dóm, hesa ferð fyri at hava givið einum manni nevan á kjaft­in í Mimir. Hann hevur tí sitið í geglinum í heyst og varð leyslatin jólaaftan. Men longu eina viku seinni var galið aftur. Felags fyri allar dómarnar er, at maðurin hev­u­r drukkið nógv. Vitni hava greitt løg­regl­ uni frá, at ein bardagi hevði júst verið inni á matstovuni, áðrenn órættaði kom inn. Skuldsetti hevði tikið lut í bardagan, men varð hildin aft­ur av vinmonnum. Brád­ liga rívur hann seg leysan og tveitir hesa fløskuna í nakk­ an á júst innkomna mann­ inum. Fólk á matstovuni ringdu eftir sjúkrabilinum og órætt­ aði varð førdur á Lands­ sjúkra­húsið til kann­ingar. Fløsk­an brotnaði ikki, so maðurin fór ikki at bløða. Á Landssjúkrahúsinum var tó staðfest, at hann hevði inn­ aru bløðingar og at hoyrn­ in í høgra oyra varð vikn­að nógv. Enn er eingin enda­lig læknaváttan komin og tí visti løgreglan ikki, hvussu álvarsamur skaðin er. Komin heim, valdu órættaði og foreldrini at melda málið og skuldsetti varð handtikin seinnapartin leygardagin. Tað vóru vinfólk hjá skuld­setta, sum fortaldu órætt­aða, hvør hevði tveitt fløsk­una. Skuldsetti og órættaði kenna ikki hvønn annan og ákærin legði dent á, at einki bendir á, at teir hava havt nakað útistandandi. Tískil er talan um ógrundaðan harð­skap. Ógreitt er, um fløsk­an var ætlað órættaða ella onkrum øðrum og her gjørdi ákærin greitt, at um víðari kanningar vísa, at skuld­setti ætlaði at raka onkr­an annan við fløskuni í eini hevndaratsókn, verður hann eisini ákærdur fyri tað. Ákærdi bað um at fáa mann­in varðhaldsfongsl­að­ an, orsakað av, at maðurin so ofta er dømdur fyri harðskap fyrr. Ákærin vísti á, at tað eru herðandi umstøður, at tveita eina fløsku inn í eina mannamúgvu á hendan hátt. Ein eigur at skilja, at vandin fyri at raka onkran er sera stórur. Ákærin vísti á, at kann­ingarnar í stóran mun eru lidnar, men enn manglar okkurt í, millum annað at fáa staðfest hvørjar skaðar, órættaði hevur fingið og um onkur teirra kann hugsast at gerast varandi. Ákærin vísti á, at felags­ nevnarin í dómunum móti skuldsetta er harðskapur á vertshúsi, í fyllskapi, at tað er tá hann drekkur, at hann fremur harðskap og í øllum førum í hesum førinum er talan um ógrundaðan, álv­ar­ saman harðskap. – Hann hevur eyðsæð eitt ósunt forhold til rúsdrekka, og megnar snøgt sagt ikki at stýra sær, tá hann hevur drukkið, segði ákærin. Skuldsetti og verji hans­ ara vóru sum so samdir í hes­ um og skuldsetti segði seg eisini vera sinnaðan at byrja antabus-viðgerð, um tað var ein møguleiki. Tað metti dóm­arin tó ikki. Hann metti ikki, at endamálið við eini varð­haldsfongsling kundi røkjast við antabusviðgerð. – Har er okkurt við tínum forholdið til rúsdrekka, sum ikki er heilt sum tað skal vera, segði dómarin og játtaði tí at varðhaldsfongsla hann til 21. januar, tá málið kemur fyri í rættinum. Løgreglan hevur gjørt nógv burtur úr at vera til staðar í býarmyndini um náttina og metir sjálv, at tað ger mun Fyllskapur er ikki linnandi umstøður Danjal av Rana Tað er ikki óvanligt, at løg­ reglan fær nøkur harð­skaps­ mál at dragast við, tá nógv fólk er í býnum, men okkurt bendir á, at seinastu tíðina er harðskapurin vorðin grovari og ofta ógrundaður. Seinastu tíðina hava vit sæð dømi um at fólk eru sparkaði niður, at fólk ógrundað eru sligin nið­ur og javnan at fløskur og gløs vera tveitt eftir per­són­ um í býnum. Tað tykist tó, sum løg­ regl­an hevur tikið stig til at steðga hesum. Seinastu tíð­ ina hevur hon lagt dent á at vera nógv meiri sjón­lig í nátt­ ar­lívinum, og sjálv metir hon, at tað ger mun. Vakthavandi á løgreglustøðini segði við in.fo sunnumorgunin, at sunnu­náttina bæði koyrdi og spák­aði løgreglan sær í mið­bý­num og at døgn­frá­ grei­ð­ingin vísir, at løgreglu­ menn­inir hava steðgað nógv­ um, sum annars kundi havt endað í slagsmáli. – Tað er eingin loyna, at flestu harðskapsmál eru eitt úrslit av fyllskapi, og har hevur rætturin gjørt púra greitt, at tað ikki eru ikki linn­andi umstøður, at ein er rúsaður. Ein skal kort­ini hava tamarhald á sær sjálv­ um. Tey allarflestu, sum dag­ in eftir fáa boð um, at tey vera skuldsett fyri eitthvørt, tey hava gjørt í fyllskapi, eru sera hørm um tað og angra tað, tey hava gjørt og skylda upp á rúsin, men sum sagt, so hjálpir tað ikki í rættinum, segði vakthavandi við in.fo. Vakthavandi á løg­reglu­ støð­ini segði sunnu­morg­un­ in, at náttarlívið er broytt nakað seinastu árini, og at tað hevur lyndi til at savnast í Havnini. – Nú á døgum er tað tó vorðið soleiðis, at tey allar­ flestu, sum fara í býin, koma til Havnar, so har er altíð nakað av fólki í bý­num, segði vakthavandi á løg­reglu­ støðini við in.fo