týsdagur 17. august 2004síða 6

10 Nr. 154 - 17. august 2004 Nr. 154 - 17. august 2004 11 Hetta er tað, ið rennur tær til hugs eftir sera vælfyriskipaða og væleydnaða Summarfestivalin í Klaksvík í viku-skif- tinum. Tað er ikki fyri at seta niður á norðingar, tí sjálvsagt hava teir leingi verið ein týðandi partur av Føroya- kortinum, men hesaferð eydnaðist tað so eisini at leggja lunnar undir eitt afturvendandi tónleikatiltak, sum ikki fer at standa aftanfyri hvørki G!Festival, Listastevnu og onnur afturvendandi stevnutiltøk aðrastaðni í landinum. Hetta var møguliga ein spurningur um at taka ein tjans – at váða nakað – um at leypa út í tað, tí ikki var lætt at koma aftaná væleydnaða GFestivalin, sum dróg til sín tús- undatals ungfólk úr øllum landinum. Og nærum samtíðis sum mong góð tónleikatiltøk vóru á skránni á Lista- stevnuni í høvuðsstaðnum. Ein kundi av røttum bera ótta fyri, at hetta skuldi enda sum ein fiasko, nú tað kann vera so ringt at endurtaka eina succes á øðrum festivali.Onkur man hava spurt seg sjálvan, um tað ikki var við at koma inflatión í festivalar og stevnur, ja um marknaðurin ikki varð mest sum troyttur, mettaður! Men gakk. Treiskið er fólkaslagið, og gott. Fiskivinnupláss burturav og hevur tað lagt nógv gott í beinið. Og hví skal plássið, sum hevur fostrað so mangar góðar tónleika- bólkar, staðið, har tjóðarbólkur føroyinga, sum hevur skapt so nógvar góðar og vakrar sangir, Frændir, hevur røtur sínar, ikki eisini eiga eitt sjálvsagt pláss á festivalpallinum! Summarfestivalurin er komin fyri at verða. Sjálvandi kann ein altíð seta eitt spurnartekin við, um tað er ov seint at halda slíka tónleikastevnu beint áðrenn skúlarnir byrja aft- ur – um ikki dampurin tá er farin av øllum eftir eitt langt summar! Úrslitið hevur so jarðað henda iva. Gamaní, veð- urgudarnir vóru til vildar, í hvssu er annan dagin. Men við nøvnum sum Hensley, Boney M, Frændum, Hanusi, Gunnari, Guðruni og kendum gospelnøvnum hava fyri- reikarnir víst, at teir eiga bæði vilja og hegni til at fylla ein festivalkarm út. Tað gekk eisini sum smurt at skifta millum tveir pallar. Men fyrireikararnir hava so eisini dugað nakað annað: at skipa ein festival, sum byggir brýr millum ættarlið og sam- felagsbólkar. Við at geva gospeltónleiki pláss á festivalin- um hevur tiltakið eisini fingið eina savnanadi uppgávu. At stóri pallurin koma at standa miðskeiðis millum fleiri andaligar deplar í býnum mundi vera av tilvild, men ein út- legging kann so vera tann savnandi uppgávan, sum tón- leikur kann fáa millum ymsar samfelagsbólkar. Tað kom so eisini til sjóndar, hvussu stóran týdning pen- ingastovnur norðinga, Norðoyar Sparikassi hevur fyri mentanarlívið á plássinum. Leygarmorgunin var skipað fyri stórfingnum morgunmatarborði í sambandi við 85 ára dagin hjá stovninum. Kanska hetta skuldi verið fastur tátt- ur á festivalinum. So Eyðfinnur hevur fingið nakað gott at hugsa um. Samanumtikið ein festivalur til UG. Nú er at finna kanska uppaftur meira spennandi nøvn til næsta festival. Góða eydnu og tillukku. Føroyar hava fingið enn ein festival. Klaksvíkin er enn einaferð komin á Føroyakortið. DAGSINS MEINING Sosialurin Klaksvíkin á Føroyakortið VIÐMERKINGAR Sosialurin Stovnaður: 1927 Ábyrgdarblaðstjóri: Jan Müller jan@sosialurin.fo Blaðstjóri: Eirikur Lindenskov eirikur@sosialurin.fo Fíggjarleiðari: Jákup Mørk jakup@sosialurin.fo Marknaðardeild: lysing@sosialurin.fo Jonhard Hammer jonhard@sosialurin.fo Gudny Langgaard gudny@sosialurin.fo Hjørdis Gregersen hjordis@sosialurin.fo Blaðfólk: Áki Bertholdsen aki@sosialurin.fo Eyðun Klakstein eydun@sosialurin.fo Edvard Joensen edvard@sosialurin.fo Vilmund Jacobsen vilmund@sosialurin.fo Solby Eliasen solby@sosialurin.fo Magnus Gunnarsson maggi@sosialurin.fo Páll Holm Johannesen pall@sosialurin.fo Heini í Skorini heini@sosialurin.fo Terji Nielsen terji@sosialurin.fo Anna V. Ellingsgaard anna@sosialurin.fo Eydna Skaale eydna@sosialurin.fo Hans Kárason Mikkelsen hans@sosialurin.fo Ítróttur: Jákup Mørk jakup@sosialurin.fo Terji Nielsen terji@sosialurin.fo Myndamenn: Álvur Haraldsen alvur@sosialurin.fo Jens Kristian Vang jensk@sosialurin.fo Sosialurin í Norðoyggjum: Postsmoga 231 Nólsoyar Pálsgøta 1, 700 Klaksvík tel. 458686 fax 458687 e-post: klaksvik@sosialurin.fo Sosialurin í Suðuroy: tel. 375364 fax 375464 tel. 220727 e-post: aki@sosialurin.fo e-post: dagfinn@sosialurin.fo Sosialurin í Eysturoy: Postsmoga 143, Saltangará tel. 447820 fax 449520 tel. 228909 e-post: vilmund@sosialurin.fo Sosialurin í Vágum: 360 Sandavágur tel. 333820, 220507 fax 333720 e-post: edvard@sosialurin.fo e-post: vagar@sosialurin.fo Uppseting/prent: Uppseting: Hestprent Prent: Prentmiðstøðin Útgevari: Sp/f Sosialurin Avgreiðsla: Mán.-frí. 8-16 Argjavegur 26, Tel. 341800, Fax 341801 Postadressa: Postboks 76, 110 Tórshavn E-mail: post@sosialurin.fo lysing@sosialurin.fo lysingartorg@sosialurin.fo varp@sosialurin.fo Blaðið verður prentað mánadag-fríggjadag klokkan 1400 Lýsingar Freistir: Tekstlýsingar Størri lýsingar Lýsingartorgið Heilsanir Týsdagsblaðið Mán.kl. 10 Frí. kl. 15 Frí. kl. 12 Frí. kl. 12 Mikudagsblaðið Týs. kl. 10 Mán. kl. 15 Mán. kl. 12 Mán. kl. 12 Hósdagsblaðið Mik. kl. 10 Týs. kl. 15 Týs. kl. 12 Týs. kl. 12 Fríggjadagsblaðið Hós. kl. 10 Mik. kl. 15 Mik. kl. 12 Mik. kl. 12 Leygardagsblaðið Frí. kl. 10 Hós. kl. 15 Hós. kl. 12 Hós. kl. 12 Størri lýsingar, sum nógv arbeiði stendst av, mugu vera inni í góðari tíð og áðrenn ásettu freistir. Framíhjápláss má umbiðjast í góðari tíð. Stødd: Ein heil síða í Sosialinum er 254 mm breið og 346 mm í hædd. Breiddin á einum teigi er 39mm og rúmið millum teigarnar er 4mm. Innsent tilfar Fult navn skal vera undir innsendum tilfari. Innsendar greinar, har blaðleiðsl- an ikki er kunnað um bústað og telefonnummar, verða ikki settar í blaðið. Innsent tilfar Av tí at vit fáa rættuliga nógv innsent tilfar sendandi – meira enn vit fáa í blaðið – hevur blaðleiðslan verið noydd at gjørt nakrar avmarkingar. Enn sum áður skal fult navn skal vera undir øllum innsendum greinum – annars verða tær ikki prentaðar. Harnæst tilskila vit okkum rætt til at ikki at taka við tilfar, sum eisini er sent øðrum bløðum ella hevur verið prentað aðrastaðni. Drúgvar greinar – greinar sum eru longri enn áleið 5.500 tekn, verða raðfestar lægri, og koma bert í blaðið, um pláss er fyri teimum. Tað er ein fyrimunur um vit fáa tilfarið umvegis teldupost ella á diskli. Edvard Joensen formaður Føroya Blaðmannafelags Tað er staðfest, at tað er Jenis av Rana, løgtings- maður, sum leggur føroysk tíðindafólk undir at hata Ísrael. At hann í lesara- brævi í bløðunum um viku- skiftið roynir at leggja hetta út sum, at tað er formaðurin í Føroya Blaðmannafelag, sum hevur sett hetta uppá- hald fram, prógvar bara, at løgtingsmaðurin fer lætt um sannleikan. Tað er próvfast, at tað var Jenis av Rana, sum í Út- varpi Føroya varð endur- givin fyri at siga, at føroysk tíðindafólk sum heild hava lagt seg eftir at hata alt, sum hevur við Ísrael, USA og George Bush at gera. Tað er beinleiðis lygn, at so er. So er tað sagt. Í eini roynd at tosa seg burtur úr hesi óhepnu støðu, hann kom sær í, roynir Jenis av Rana, so góðum líkt, at geva øðrum skuldina. Hesaferð for- manninum í Blaðmannafel- agnum, sum vegna tíðinda- fólkini talaði at hesi skuld- seting hansara. Men hann vevur ymiskt uppí, sum undirrritaði ikki rættiliga skilir. Til dømis tilboð mítt, sum hann ikki tekur av. Veit meg ikki hava givið honum nakað tilboð. At fáa eina átalu frá felagsformanninum til at gerast til eina skuldseting móti felagsins limum, kann bara ein persónur, sum ikki virðir sannleikan, fáa at bera til. Men tað roynir Jeins av Rana so í hesi óhjálpnu roynd síni at koma sær burtur úr hesi býttu støðu, hann kom sær í. Tað er ikki neyðugt at fara til Útvarpið at fáa vátta, hvat Jenis av Rana segði við útvarpsmannin, sum hann nú leggur undir at hava endurgivið seg skeivt. Undirritaði kannaði ná- greiniliga hjá Útvarpinum, áðrenn viðmerking varð gjørd, hvat sagt varð. Hvørji púra óviðkomandi fólk, útvarpsmaðurin skuldi vart, so Blaðmanna- felagsformaðurin ikki slapp at leggjast á tey, eigur Jenis av Rana at greina nærri. Kjarnin og tann »itiligi« sannleikin í hesum máli er, at bara tú kanst blanda Várharra og eitt rímiliga stórt mál av religión upp í tað, tú tekst við, er einki óført. Tú kanst mestsum føra teg fram, sum tær listir. At kalla eingin torir at mótmæla av ótta fyri at verða lagdur undir heiðin- skap, og at mótarbeiða Kristusi og Ísrael. (Nú sein- ast eisini USA og George Busch). Hinvegin verður ikki fírt fyri at brúka Várharra til at føra seg fram í verðsligar maktgirnd. Og Guð náði tann, sum talar at, hóast nógv eru, sum vilja. Grund- in til, at tey ikki gera tað, er tann sama oman fyri nevnda. Men tað verður hervið gjørt. Eisini í framtíðini. Og eg kann vissa Jenis av Rana um, at so mikið væl eru vit báðir, Várharra, at hetta tekur hann mær ikki illa upp. Høvdu fleiri enn færri minst til at givið keisaran- um sítt og Várharra tað, sum hansara er – og hildið tað atskilt, tá tað er neyðugt – stóð kanska ikki verri enn illa til. Jenis er ótrúligur Bill Justinussen Tað gleddi meg at lesa grein tína, hóast yvirskrift- in ikki var serliga innbjóð- andi. Vit eru báðir samdir um, hvat lands-stýrismað- urin eigur at gera í málinum um lítla Petur. Eg veit, hvussu trupult tað kann vera sum landsstýrismaður at sita við høvdinum fullum av góðum ráðum frá øllum síðum fyri síðani at skula taka eina avgerð. Tí legði eg heldur harðliga út eftir Javnaðarflokkinum, sum undanfarna valskeið rópti almikið upp um familju- politikk. Og tað skal eisini verða sagt hart og týðiliga, at eg als ikki hevði teg í huganum, tá eg nevndi Javnaðarflokkin, tí tú hevur alt tað, eg kann koma í tankar um, verið fyrimynd- arligur í tínum tingarbeiði. Øll vita, at Javnaðar- flokkurin talar fyri tí góða samfelagnum, samfelagið fyri øll, og tí var mín grein ætlað sum ein vekingar- klokka. Føroyar eiga eisini at vera eitt samfelag fyri lítla Petur. Tí eri eg so sera harmur um, at landsstýris- maðurin, sum annars hevur gjørt eitt gott arbeiði á nógvum økjum, júst í hes- um málinum hevur givið skarvin yvir. Um ein fund- ur okkara millum kann flyta nakað, eri eg fúsur til tað saman við tær, Gerhard. Tí hetta snýr seg ikki um at veiða atkvøður, men um at gera sína skyldu sum and- støða. Um vit politikkarar skulu halda okkum burtur frá slíkum málum, tí vit eru bangnir fyri at verða skuld- settir fyri atkvøðujakstran, so kunnu vit ongantíð gera nakað, tí allar okkara gerðir verða mettar sum slíkar. Samanumtikið haldi eg, at tín grein sýnir, at vilji er til at loysa hetta málið á ein virðiligan hátt, og tað eigur tú tøkk uppiborna fyri. Takk fyri, Gerhard! Johan Dahl løgtingsmaður Tað kom als ikki sum nak- að sjokk, tá Mærsk Air kunngjørdi, at teir høvdu avgjørt at niðurleggja før- oyleiðina, sum teir hava røkt í 30 ár, og hava vit før- oyingar nógv at takka hug- sjónar- og undangongu- monnunum Lars Larsen og Hugo Fjørðoy fyri, at teir slóðaðu fyri hesum ferð- ingarmøguleika fyri okkum føringar. Vit teirri miðvísu kapp- ingaravlaging, sum vit hava sæð er farin fram á før- oyaleiðini, har »flótandi prísir« og »Open skyes« tvs. frí kapping er ein býur í Kina, kundi ikki væntast annað enn tað, sum nú er hent, - tíverri. Tað at kapping er á einu- hvørjum vinnuligum øki er bara til frama fyri brúkaran, óansæð í hvørjum høpi hetta fer fram vinnuliga sæð. Tí er tað eisini eitt sera stórt afturstig fyri flog- ferðsluna til og frá Føroy- um, at vit nú aftur hava monopolstøðu á hesi flog- leið. Hvørjum hava vit at takka fyri hesa støðu? Vinnuliga kundi sæð út til, at vit her hava uppført okkum sum reinir »rasist- ar« har »okkara« flogfelag hevur havt allar sømdir frá myndugleikum okkara , tí sum einasti partaeigari so er sjálvandi umráðandi at felagið hevur lív lagað - misskil meg ikki, tað ynska vit øll - men tað má og skal verða eftir vanligum vinnu- ligum prinsippum at eitt al- ment flogfelag má rekast. Hvat kann beinleiðis almenni stuðulin um árið roknast at verða?? Tað almenna hevur sub- sidierað Atlantic frá føðing- ini inntil dagin ídag: Hangarur bleiv bygdur fyri góðar 60 milliónir í 1990 - og ongin leiga gold- in fyrr enn fyrstu ferð fyri 2-3 árum síðani, og er hendan góðar Kr. 200 tús- und um árið Um Atlantic sjálvt skuldi forrentað hesa íløgu, so hevði hon kostað ikki undir 8 milliónir um árið. Partapeningurin uppá 75 milliónir hevur ikki fyrrenn seinasta roknskap latið nakra forrentning av sær. Sparingin fyri felagið hevur gjøgnum nógv ár á rakstar- síðuni verið upp á minst 5 millónir um árið helst meira - tí um ikki íleggj- arin, sum í hesum sam- bandinum er landið, ikki kann fáa ein forrentning av hesi upphædd uppá meir enn 5% p. a. so er tað ikki gott nokk. Sparingin fyri Atlantic Airways er ikki eina krónu undir 13 millinónir um árið. So kunnu vit føringar og politikarir annars tosa um burðardygd, fría kapping og stuðulsfría vinnu so gal- ið sum vit vilja. Um so er, at álagt hevur verið og er almennum stovnum helst at bookað seg inn á føroyska felagið, so er hetta heldur ikki í tráð við vanligar kappingar- treytir. Tað kundi verið áhuga- vert at fingið eina uppgerð yvir, hvussu tær almennu loftvegis ferðaútreiðslunar eru deildar millum feløgini bæði, sum hava flogið uppá Danmark hesi seinastu 15 árini. Hvat er so framtíðar ætl- anin viðv. flogferðsluni og og kostnaðunum? Ringt er at spáa um, hvat nú fer at henda við kapp- ingini sum bleiv burtur og avloyst av monopolinum aftur, men tað er at vóna, at onkur annar í nærmastu framtíð fær loyvið at flúgva hesa farleið saman við At- lantic, so vit aftur fáa kapp- ing og tá vónandi fría kapp- ing. Sambært stjóranum í At- lantic, so hækkar prísurin ikki, - men hvat so við eini lækking kundi ein spurt? - kundi tað ikki komið upp á tal fyri t. d. teir opnu ferða- seðlarnir, sum ídag kosta góðar 5000 krónur fyri ret- ur ferðaseðil Føroyar/Dan- mark Tað er ein heilt órímiligur prísur at krevja fyri hesa farleið, og vil eg hervið vinarligast heita á leiðsluna á Atlantic um at taka í egn- an barm og fáa gjørt nakað við hendan okursprís ong- antí ov skjótt. Sera bíligu ferðaseðla- kostnaðirnir kring allan heimin tala annars fyri seg, hvat átti at verið prísstøðið her hjá okkum við longstu farleið uppá ca. 2 tima ferð- ing frá Vágunum. Áhaldani tjóðarogn ella frítt sum Súlan? Vit mugu eisini gera upp við okkum sjálvi, um At- lantic Airways áhaldandi skal verða almenn ogn ella seljast til privatar áhugaðar íleggjarar. Tað eigur politiskt at verða viðgjørt og avklárað skjótast møguligt. Flogvallastøðan - útbygging Verandi støða hvat viðvíkur flogvøllinum er ikki hald- bar og eigur at verða tikin í størsta álvara av øllum inn- volveraðum pørtum. Tað má og skal verða fingin ein loysn á flogvølli- num saman við donsku myndugleikum, viðv. út- bygging og harvið øktum møguleikum framyvir, flogfeløgunum, vinnuni, landið og fólkið at gagni. Mín skepsis við einum einsamallum felag enn einaferð at røkja flogrutuna til meginlandið, skal ikki skiljast sum eg havi nakað ímóti Atlantic Airways, tvørturímóti eg ynski teim- um alt gott og blíðan byrð, men tað má og skal verða skipað eftir marknaðarøko- nomiskum kappingartreyt- um og ikki planbúskapar- ligum treytum, og ivist eg heldur ikki í, at tað er tað sum leiðslan í felagnum eisini vil hava framyvir, fel- agnum at gagni, so tað frítt sum Súlan kann breiða sín- ar veingir út í heim í fríari kapping við onnur flog- feløg. VIÐMERKINGAR Eitt flogfelag á Føroyaleiðini - ein stórur vansi fyri ferðafólk og flutning loftvegis framyvir Eftir at foreldrabólkurin "Kom og dansa fyri ung" hevði skipað fyri dansi- skeiðum við dansilærarum úr Aberdeen á fleiri skúl- um, á stovnum og fyritøk- um í Tórshavnar Kommunu í januar mánaða í ár, hevur foreldrabólkurin "Kom og dansa fyri ung" sent ein ungan mann til Íslands fyrr í vár at læra til ungdóms- dansiinstruktør. Ætlanin er at ung skulu læra onnur ung ymiskar dansihættir. Umframt varð skipað fyri einum seriudansi við 7 ung- um av Skálafjørðinum, sum dansaðu ein sokallaðan "drug-dance". Hesin snúði seg um rúsevni og negativ- an ágang frá javnaldrum. Í juli mánaða bjóðaði for- eldrabólkurin "Kom og dansa fyri ung" trimum ungum úr Margarinfabrikk- ini, 14, 15 og 16 ára goml- um á intensivt dansiskeið á City Movies/Lemon Tree, Summer School of Aber- deen, høvuðsstaðurin í skotska landspartinum Grampian. Undirvíst varð frá morgni til seinnapartin mánadag til fríggjadag við teimum all- arnýggjastu dansihættun- um, s.s. serium o.ø. dansi- framførslum við royndum, framúrskarandi koreograf- um, sum vóru komin ymsa- staðni frá úr Onglandi. Umframt hesi trý ungu úr Føroyum var eitt umboð fyri foreldrabólkin "Kom og dansa fyri ung" og eitt hjálparfólk frá Margarin- fabrikkini/virkishús fyri børn og ung í Havn við á vikuferðini. Á ferðini var tað foreldrabólkurin "Kom og dansa fyri ung", ið var vertur. Byrjað varð at fyri- skipa dansiskeiðið longu í marts mánaða. Leitað varð eftir gisting fyri ein sámu- ligan prís í bløðunum, og ein føroyingur uttanlands í Aberdeen var okkara út- leigari fyri ta vikuna í frið- arligum umhvørvi uml. 10 min. frá miðbýnum. Flog- ferðin millum Vágar og Aberdeen aftur og fram var við Atlantic Airways eisini fyri ein sera sámiligan prís. Tey ungu vórðu heintað á flogvøllinum og koyrd beinleiðis inn á dansiskeið- ið, meðan tey vaksnu vórðu koyrd til íbúðina, har tey fingu íbúðina í rættlag fyri okkum fimm, ið skuldu húsast saman í heilar 7 dag- ar. Vit ótu morgunmat sam- an hvønn morgun í íbúðini, og ótu eina heita máltíð úti í býnum, sum foreldrabólk- urin "Kom og dansa fyri ung" rindaði fyri. Umframt ferðina, skuldi foreldrabólkurin "Kom og dansa fyri ung" gjalda fyri dansiskeiðini hjá teimum 3 ungu føroyingunum, ið lut- tóku, og fyri onkrar útferðir í Aberdeen s.s. skoytibreyt, biograf og bowling, sum var í Codonas stuttleika- parkini beint við ta longu sandstrondina. Vit gingu nógv í Aber- deen, brúktu Hop on og Hop off bussar av og á fyri at síggja annað enn sjálvan miðbýin. Dansiskeiðið endaði við dansiframførslu tann 5. dagin, har tey ungu í Føroy- um kundu bjóða tveimum áskoðarum við ókeypis til framførsluna. Vit vóru 4 føroyingar, ið vóru áskoð- arar, og eftir framførsluna vóru vit øll samd um, at hetta var ein frálíka væl frá- gingin framførsla. Føroyski luttakararnir vórðu heiðr- aðir á ein serligan hátt av Lord Mayor, og hann hand- aði tveimum hvør sína T- shirt við Aberdeen merki- num á. Ætlanin er at bjóða fólki at síggja dansiframførsluna á stórskíggja, væntandi í Margarinfabrikkini í næst- um. Høvuðsstuðlar hesuferð eru: Aberdeen grunnurin, Atlantic Airways, Útleigar- in í Aberdeen og ikki minst Morag Donald v/fam. í Aberdeen. Tíðindaskriv um Aberdeen-ferðina 12. - 19. juli 2004 VÍSUND Tíðindaskriv Fríggjadagin 13. august hevði tíðarritið "Science", sum verður mett millum tey fremstu vísindatíðarrit í heiminum, eina grein, sum m.a. bygdi á føroyska gransking. Greinin, sum hevði heitið »Already the Day After Tomorrow?«, viðger kanningar av streymunum, sum reka fram við Føroyum. Hesir streymar hava stóran týdn- ing fyri veðurlagið um okk- ara leiðir og eisini fyri jørð- ina sum heild. Tí er stórur áhugi millum altjóða granskarar at kanna teir, og Fiskirannsóknarstovan hev- ur í nógv ár mátað streym kring Føroyar í samstarvi við granskingarstovnar í nógvum ymsum londum. Greinin í Science hevur fingið heitið eftir filminum »The Day After Tomorr- ow«, sum helst fleiri munnu hava sæð ella hoyrt um. Hesin filmur vísir eina ræðumynd, sum ikki hevur nógv við veruleikan at gera; men hann byggir tó á ein veruligan trupulleika. Nakrir serfrøðingar óttast fyri, at dálking kann fáa streymarnar kring okkum at vikna í hesi øldini. Um hetta hendir, so fær tað óiv- að avleiðingar fyri veður- lagið um okkara leiðir. Ikki so, at vit skulu vænta eina ístíð, sum filmurin leggur upp til; men partar av Norðureuropa kunnu fara at kólna nakað og serstak- liga økini um okkara leiðir. Hetta hevur sjálvandi stór- an áhuga; men serfrøðing- arnir eru ikki samdir um, hvussu trúligt tað er, at streymarnir fara at vikna. Tí eru mátingar av streym- unum so umráðandi. Tær kunnu vísa broytingar, um tær koma, og greinin sam- anfatar í stuttum tær mát- ingar, sum eru gjørdar. Mátingarnar vísa týðiliga, at broytingar hava verið, og nakrar av mátingunum benda á viknandi streym; men samstundis síggjast aðrar broytingar, sum kunnu styrkja um streymin. Tí ber ikki til, sum er, at siga, hvussu gongdin verð- ur. Bogi Hansen á Fiski- rannsóknarstovuni hevur skrivað greinina í Science saman við trimum øðrum granskarum úr Noregi, Týsklandi og Skotlandi. Føroysk gransking í tíðarritinum »Science« C M Y K 11 10