hósdagur 7. januar 2016síða 6

FRÍGGJADAGUR 8. JANUAR 2016 SOSIALURIN 3 6 PERSÓNSSØGA VEKTIN ÁVIRKAÐI TRÚNNA Prestur BARBARA HOLM S ólin skínur oman og niðan hendan vakra morgunin í januar. Hóast enn árla á morgni, so hevur Ann fing­ið nógv burturúr degnum. Hon hev­ur vant í venjingarhøli, gjørt sær heilsu­ góðan morgunmat og spákað sær oman í miðbýin. Fyri einum ári síðani, hevði hetta helst sæð munandi øðrvísi út. 2015 var ein buldrasligt ár fyri Ann, men tá ið avtornaði kann staðfestast, at hon vann á vektini. Tað byrjaði við einari jólagávu frá pápanum. Klænkiskeið í jólagávu Tá ið Ann Dahl Hansen lat upp jóla­ gávurnar jólaaftan í 2014, var ein serstøk gáva undir jólatrænum, sum skuldi vísa seg at vera besta gávan nakrantíð. – Eg fekk eitt gávukort til Faroe Fitness til eitt klænkiskeið, sum skuldi byrja 13. januar. Tað fekk eg frá pápa, og beinan vegin fór eg at fyri­reika meg mentalt uppá at leggja lívs­stílin um, sigur Ann Dahl Hansen. Familjulimir hjá Ann vóru bangnir um heilsu hennara, tí vektin vaks og vaks, meðan Ann ikki megnaði at taka annað skinn um bak. Men hendan gávan var júst sparkið, sum Ann hevði tørv á. Jólafrítíðin fóru við at fyrireika seg mentalt, og júst tær mentalu av­bjóð­ingarnar eru tær, sum eru truplast at loysa. – Tann størsti lærdómurin eg havi fingið er, at tá ið umræður at klænka seg, so er tann størsta avbjóðingin tað, sum liggur millum oyruni. Hvussu tú hugsar um tína vekt og tað at klænka teg, er alt avgerandi, sigur Ann Dahl Hansen. Tann 13. januar byrjaði skeiðið í Faroe Fitness, og byrjanin var sum vera man nakað strævin. – Eg føldi meg so sera býtta, tá ið eg byrjaði at venja. Kendi tað sum, at øll hugdu eftir mær, sigur Ann. Men við hollum stuðli frá mann­ inum bar tó til at koma víðari frá býttleikakensluni. – Eg veit ikki um eg hevði farið, um hann ikki kom við. Men tá hann var har, so kendist tað sum, at eg kundi altíð lena meg uppat honum, um eg kendi meg illa ella tað gjørdist ov hart, sigur Ann. Skjótt fór Ann frá tankanum um, at tað var flovisligt, og ístaðin nýtti hon fulla orku uppá seg sjálva og sína venj­ing. Men tað var eisini hart. Kendi meg egoistiska Í starvinum sum prestur er enda­ málið millum annað, at tú vísur um­ sorgan fyri øðrum í alskyns trupl­um og minni truplum støðum. At vísa umsorgan og seta sínar egnu kensl­ ur til viks, er kanska tað, sum lýsir presta­starvið best. Um nakrar mánaðir vil eg fegin viga 10 kilo minni. Megni eg tað, so eri eg komin niður á tað vekt, sum er hósk­andi til mín« – Vit prestar skulu vera fyrimyndir og tað stendur eitt skrift­ stað, at vit eru tempul hjá tí heilaga andanum. Men hvør fyri­ mynd var eg? Og hvat var tað fyri tempul eg bjóðaði heilaga andanum, spyr Ann Dahl Hansen, prestur. Hesir tankar og aðrir við vóru orsøk til, at hon í januar í fjør fór undir at klænka seg. Í dag – 35 kilo seinni – sær verðin heilt øðrvísi út Framhald á næstu síðu Ann Dahl Hansen – Eg kom fram til, at fyri at vera nakað fyri onnur, so mátti eg eisini vera nakað fyri meg sjálva, og tað kann eg so bara nikka játtandi til nú, 35 kilo seinni, sigur Ann Dahl Hansen MYND: ÁLVUR HARALDSEN MYND: PRIVAT