týsdagur 17. august 2004síða 12

Nr. 154 - 17. august 2004 23 23 Tað luktar hálvavegna av gølu í aðru deild, eftir at KÍ ikki fekk mannað lið til útidystin móti AB EINGIN DYSTUR Jákup Mørk jakup@sosialurin.fo Summarfestivalur var í Klaksvík um vikuskiftið, og ein av avleiðingunum av hesum tykist vera, at KÍ hevði trupulleikar at manna lið, tá aðrudeildarliðið hjá felagnum skuldi á vitjan hjá AB. Har høvdu menn annars í eina viku fyrireikað seg til dystin, men fríggjakvøldið kom fax frá KÍ, har boðað varð frá, at teir ikki fingu mannað lið til dystin. - Hetta kann eg slettis ikki góðtaka. Vit hava brúkt eina heila viku til at fyri- reika okkum til dystin, og so kemur eitt fax fríggja- kvøldið, har avboð verður givið. Hetta er bara nakað, sum ikki eigur at koma fyri í aðru deild, sigur AB-venj- arin, Kári Reynheim, ið sum vera man er alt annað enn glaður um støðuna. Og umberingarnar hjá KÍ tóktist AB-venjarin eisini geva lítið fyri. - Í fyrsta lagi siga teir, at summarfestivalurin gjørdi, at tað var trupult at fáa fólk. Vit hava eisini leikarar, sum skuldu á festival, men fyri tað ætlaðu vit at spæla dyst leygardagin. Og so tosaðu teir eisini um, at teir høvdu so nógvar skaðar og leik- bann í fyrstu deild, og at teir tí manglaðu nakað av fólki. Vit hava so eisini havt bæði skaðar og leikbann, men so mugu vit bara niður á fjórðudeildarliðið eftir fólki. Tað eru spælireglur- nar, og so er tann søgan ikki longri. Og tað er einki at ivast í, at støðan hjá AB kann ger- ast heilt keðilig, um illa vil til. Í løtuni er talan um eitt sera tætt oddastríð í aðru deild, og tað er ikki óhugs- andi, at málmunurin kann gerast avgerandi fyri enda- ligu støðuna í deildini. Her stendur AB seg í løtuni ringast av oddaliðunum, og tí vildi ein – kanska – triva- ligur á KÍ ivaleyst komið væl við. Men hetta eru tó bert hypotesur, og Kári Reyn- heim vil heldur ikki gera nakrar viðmerkingar til tann partin. - Hasin dysturin er av fyri mítt viðkomandi. Vit hava útidyst í Hvalba næsta vikuskiftið, og tað er tað, sum eg fyrireiki meg til. Men eg haldi framvegis, at hetta yvirhøvur ikki kann góðtakast, og kappingar- nevndin eigur at skera ígjøngum í málinum, so- leiðis at KÍ verður revsað, staðfestir AB-venjarin at enda. Og kappingarnevndin fer so eisini at hava fund um málið, men enn ber tó ikki til at siga, hvat úrslitið av hesum fundi verður. - Málið er enn ikki við- gjørt, og tí fái eg ikki sagt, hvørja støðu vit taka, sigur varaformaðurin í kapping- arnevndini, Niklas á Líðar- enda. - Men talan er í øllum førum um eitt álvarsligt mál, sum vit fara at viðgera bæði væl og virðiliga. Sjálvur minnist eg ikki, nær trupulleikar hava verið av hesum í aðru deild, men í triðju deild eru slík mál fyrr komin fyri, sigur varafor- maðurin at enda. Sambært kappingarregl- unum, so er tó greitt, at kappingarnevndin kann revsa KÍ fyri tilburðin. Grein 12, stk. 2 í reglunum staðfestir, at »Møtir lið uttan haldgóða orsøk ikki til ein ella fleiri dystir í lands- og steypakappingini, kann liðið verða koyrt úr kappingini. Kappingar- nevndin ger annars úrskurð um, hvørjar avleiðingar hetta skal hava fyri við- komandi felag, herundir um viðkomandi felag kem- ur undir sekt, og hvørjar avmarkingar sklu verða galdandi fyri luttøku hjá viðkomandi felag í kom- andi kappingarári« Soleiðis er næst besta liðið hjá KÍ í løtuni í vanda fyri at verða koyrt úr kapp- ingini, og tað er einki at ivast í, at hetta vildi verið mest sum skomm fyri felagið, sum stendur fyri 100 ára degnum í næstum. Nr. 149 • týsdagur • 9. august 2004 • 78. árgangur • www.sosialurin.fo Eingin fótbóltur sunnudagar s. 26 - Hetta kann eg slettis ikki góðtaka. Vit hava brúkt eina heila viku til at fyrireika okkum til dystin, og so kemur eitt fax fríggjakvøldið, har avboð verður givið. Hetta er bara nakað, sum ikki eigur at koma fyri í aðru deild, sigur AB-venjarin, Kári Reynheim Varaformaðurin í kappingarnevndini, Niklas á Líðarenda, sigur, at talan er um eitt álvarsligt mál, sum nevndin fer at viðgera væl og virðiliga KÍ møtti ikki upp C M Y K 22 Hóast uppgávan var torfør, so styrkti HB um sína støðu í topp- inum, meðan tað í botninum hjá B68 sær uppaftur svartari út 12. UMFAR SAMANUM Jóannes Hansen joannes@sosialurin.fo Tveir triðingar av hesum kappingarárinum eru nú lagdir afturum. Tólv umfør eru avgreidd, og um hálvan annan mánað er hetta fót- bóltsárið vorðið søga. Leygardagin 2. oktober er átjanda og síðsta umfarið á skránni. Í góðveðrinum, sum var mesta partin av síðstu viku og eisini var sunnudagin, var sýnið sera gott. Tað sást heilt langt. Serliga hjá teimum, sum høvdu leitað sær niðan á tindar og topp- ar. Soleiðis tykist tað eisini at vera í fótbóltskappingini. Eingin ivi tykist vera um, at tað verður HB, sum verður føroyameistari. Oddaliðið var í Vági, og tað gekk sum eftir ánni. Tað var leingi tætt, men eftir lítlari løtu í 2. hálvleiki koppaði tað útiliðnum til fyrimunar. Teir skoraðu tvey mál, og harvið høvdu teir fyri aðru ferð á rað vunnið í Vági. Tað man vera langt síðani, at teir síðst hava vunnið tvær ferðir upp í slag á Vágseiði. Men tað boðar frá klassa, og í HB eiga teir meiri enn at hóma teir 2. oktober í havsbrúnni. Tá skulu teir spæla í Runavík, og hóast tann uppgávan onkra ferðina hevur kenst rættuliga stór hjá HB, so fara teir ivaleyst at hava eitt sindur at geva út av undan síðsta umfarinum. Støðan hjá oddaliðnum styrknaði eisini, tí teir næstu ikki megnaðu at fylgja við. Tá ið tað vóru 21 stig eftir at spæla um, var B36 fimm stig aftanfyri HB. Nú eru átjan stig at spæla um, og nú er B36 átta stig aftanfyri HB. Tað skal vilja verri enn illa til hjá HB, um teir ikki fara at fáa triðja settið av gullkrónum í trý ár. Felags eyðkenni fyri øll hini liðini er, at tey ikki hava verið so støðug, sum teir á oddaliðnum hava verið. Mest støðugir hava teir á Skála verið. At tað kiksaði hjá teimum í heimadystinum ímóti EB/ Streymi undan summar- steðginum var dýrur smeit- ur í FM stríðnum. Skála- menn undirstrika fram- vegis, at teir ikki hugsa so nógv um meistaraskap og heiðursmerki, men at teir taka eina uppgávu í senn, og at tað so fer at vísa seg, hvussu langt tað fer at røkka. Tað er longu greitt, at teir fara at fáa størri úrtøku, enn teir nakrantíð áður hava fingið, og tað er heilt nógv, sum bendir á, at teir fara at fáa fyrstu settini av heiðurskrónum. Gøtumenn hava lagt bragdliga fyri. Í triðja um- farinum steðgaði góða gongdin, sum teir høvdu havt, tá ið teir taptu á heimavølli ímóti B36. Hesa ferð søgdu teir takk fyri seinast við at vinna í Gundadali. Eftir níggju stig í trimum teimum fyrstu royndunum eftir summar- steðgin tykist greitt, at tað vera Skála, GÍ og B36, sum fara at kappast um silvur og bronsu. VB misti aftur hesa ferð alt á heimavølli, og hóast NSÍ vann stórsigur á Svangaskarði, so tykist tað ikki skula gerast veruleiki, at teir skulu koma afturí- aftur í heiðursmerkjastríð- num. Men tað kann kortini fara at vísa seg. Kreppan Í trimum feløgum verður hugsað meiri um botnin og niðurflyting, enn tað verður aðra staðni. Ringast stendur til á Toftum, har B68 sunnudagin ikki gav ábend- ingar um, at støðan er batn- að nakað serligt, hóast fleiri nýggir spælarar eru komnir afturat seinastu vikurnar. ÍF er næstniðast, men um úrslitini seinastu vikuna verða nýtt sum grundarlag at meta út frá, so eru teir betri fyri, enn B68 er tað. Mánakvøldið í síðstu viku vann ÍF 2-1 í Runavík, og sunnudagin vann NSÍ 5-0 á Toftum. KÍ er ikki beinleiðis í vanda fyri at flyta niður. 4- 0 tapið á Eiði vísti, at støð- an er katastrofal, nú felagið um eina viku fer at fylla hundrað ár. KÍ fekk fyri tveimum vikum síðani eitt stig á Svangaskarði, og tað tykist ikki sum um, at teir skulu fáa nakað stig afturat. Í hvussu so er ikki, um hug- burður og avriki ikki fara at vera av heilt øðrum slagi, enn tey hava verið seinastu ferðirnar. Um klaksvíking- ar ikki skulu enda á næst- aftasta plássinum, so verð- ur tað, tí ÍF ikki fer at fáa seks stig afturat. Nógv kort Tólvta umfarið var eyðkent av, at tað vóru so nógvar útvísingar. Í Gundadali misti B36 málverjan orsaka av regluni um, at málverjin eisini er fevndur av regluni um neyðbremsu. Í altjóða høpi hevur verið tosað um, at henda reglan átti at havt verið broytt. Í Fuglafirði og í Vági fingu spælarar reyða kort- ið, tí teir tvær ferðir høvdu sæð gult. Á Toftum var beinleiðis reytt kort í luft- ini. Aftur hesa ferð varð staðfest, at dómararnir hava gjørt av, at teir ikki tíma at leggja oyru til hvat sum helst. Trettanda umfarið verður á skránni sunnudagin. Frammanundan tí er lands- dystur á skránni. Hann verður ímóti Malta miku- kvøldið. HB er á tindinum, og tað verður skjótt, at teir fara at hava vunnið FM heitið. B68 er niðast í dalinum, og tað skal nógv broytast, um teir skulu sleppa av aftasta plássinum. Tindurin og botnurin síggjast sólarklárir Tað tykist alt annað enn veruleikafjart, at HB kann hava nógv at lora av, tá teir í seinasta umfarinum fara á vitjan í Runavík