hósdagur 7. januar 2016síða 27

FRÍGGJADAGUR 8. JANUAR 2016 SOSIALURIN 3 27 Frá skapanini, kropsbygnaðarfrøði til spontana sannleikafatan – men so fram aftur til gerandisdagin. Hetta er nakað av tí, Altverkið borðreiðir tær við á fyrstu útgávuni, ið ber sama heitið SIGURJÓN EINARSON E in kann síggja fram til at vitja atfinningarsomu tón­ leika­verk­ætlanirnar frá sjeyti­árunum, stór­fingnan zenpopp frá áttatiárunum og tær fyrstu psykodelisku royndir­nar, men so eisini okkara egnu fólka­ ogn, Hanus G. Johansen, tá tú lurtar eftir nýggju og samstundis fyrstu útgávuni hjá Altverkinum. Nakað soleiðis kundi ein sagt nøkur orð um tónleikaútgávuna, ið snøgt sagt ber heitið: Altverkið. Og júst henda verkætlanin letur upp fyri, at áhoyrarin kann gera sær sínar egnar tulkingar av løgunum og orðunum á fløguni, ið hevur eina stevnuskrá at fyrihalda seg til. Hon ljóðar soljóðandi: 1. Í Altverkinum kann alt sigast. 2. Í Altverkinum kann alt spæl­ast. 3. Í Altverkinum kunnu per­són­ar koma og fara. 4. Altverkið skal ikki lata seg avmarka av at royna at liva upp til hevdvunnar sjangrur. Við øðrum orðum, so er alt loyvt. Ella tað skal vera upp til fram­leið­ar­an á komandi útgávum, ið avger, hvat er loyvt ella ikki, sambært fram­leið­ aran­um á fyrsta verkinum hjá Alt­ verkinum, Hans Jacob Kollslíð. Sjálvur sigur Hans Jacob um Alt­ verkið, at tað er ein tón­leika­verk­ ætlan, hann sjálvur hevur tikið stig til, og hevur gjørt og skrivað øll løgini. Ætlanin við hesari útgávuni er, at allir sangirnir skulu hanga saman um­vegis tekstirnar, ið kunnu lesast sum ein long frásøga, sum byrjar við Skapanar­søguni og Eden, og endar við einum komandi várið – og kanska einum kaffimunni. Á hesari fyrstu útgávuni spæla Hans Jacob Kollslíð, Hans Marius Weihe Ziska, Heðin Ziska Davidsen, Høgni Lisberg, Jens L. Thomsen, Knút Háberg Eysturstein og Óli Olsen, meðan tað er plátufelagið, Tutl, ið gevur Altverkið út. Tónleikaverkætlan ímóti tónleikaverkætlanum Tað er ikki ofta, at vit hava upplivað tílíkar útgávur í Føroyum áður, ið nevna seg sum verandi eina tón­ leika­verkætlan – eins og Altverkið ger tað, men í hesum førinum, skal tón­leika­verk­ætlan kanska skiljast sum ein út­gáva, har tónleikurin ella orðini snúgva seg um eitt evni ella eina søgu. Eisini verður sagt, at ein tón­leika­ verk­ætlan av hesum slag, ið Altverkið eisini er, ikki skal binda seg til eina ávísa samling av sangum ella sangum frá einum ávísum tónleikastíli. Hetta kann kanska tykjast trupult at skilja fyri lesaran, men um vit hyggja á al­tjóða tón­leika­pallin, so kenna vit tílíkar tón­leika­verkætlanir ella konsept-tónleik aftur frá út­gáv­ um hjá eitt nú bólkin­um, Pink Floyd, ið hevur fram­leitt so frægar útgávur sum »The Dark Side of the Moon« og »The Wall«, har eisini Roger Waters, eftir at hann var farin úr bólkin­um, helt áfram at gera konsept-tónleik, har nevnast kunnu millum annað »The Pros and Cons of Hitch Hiking« og framúrskarandi útgávuna frá 1992, ið ongantíð heilt vann frama millum manna, »Amused to Death«, sum er beinleiðis íblástur frá hend­ingun­um í Tiananmen-plássinum í 1989 og fyrra Golfkrígnum, har hann kemur við beinleiðis ákoyringum til miðlarnar, har kríggj mestsum er vorðin til undirhald – serliga hjá sjónvarps­ rásunum. Uppbygnaður Útgávan er uppbygd eftir klassiska bygnaðinum, har tað er ein inn­gang­ ur, sum so byggir seg upp í eitt slag av klimaksi, har komið verður inn á alt frá Adami og Evu í Eden – og hvussu menniskja misti sína óskyld, og fram til eitt sein­modernað sam­felag, har siðbundnu virðini og stovn­ar­nir meira ella minni byrjaðu at upp­ loysast og missa sítt vald. Eftir klimaksið koma vit niður aftur á jørðina – aftur til køkin og kaffi­munnin, har vit aftur gerast til­vitaði til ta støðu, vit eru í í dag – har vit bert eru ein finna í tí stóra spælinum. Styrkin kann eisini gerast veik­leikin At Altverkið ikki skal lata seg av­ marka av at royna at liva upp til hevd­vunnar sjangrur kann bæði vera ein styrkur fyri hesa út­gávuna og komandi útgávur, men tað kann sam­stundis eisini gerast veik­leikin hjá Altverkinum – um tað nú stingur í allar rætningar og tónleikastílar, sum stevnuskráin leggur upp til. Ein kann kanska stúra fyri, hvat alt hetta endar við, men samstundis kann ein eisini síggja teir spennandi møgu­leikar­nar, ið Altverkið kann føra til. Men tá alt kemur til alt, so má sigast, at hetta er ein spennandi verk­ætlan og samstundis eisini ein spennandi fløga, ið kanska minnir eitt sindur um kollektiv­ini, ið stungu seg upp í eitt nú USA og Danmark í sjeytiárunum – sum var eitt alternativ til borgarliga familju­ mynstrið, men sum øll meira ella minni endaðu í ruðuleika móti endanum av áttatiárunum. Vónandi endar hendan tón­leika­ verk­ætlanin ikki sum kollektivini, og tí skal eg ikki verða tann, ið málar fanan á veggin ov tíðliga, tí hetta er, hóast alt, sum áður sagt, ein sera spennandi útgáva, sum vónandi er lív laga, bæði nú og vónandi eisini í komandi tíðum og komandi út­ gávum. Altverkið fær tríggjar gongu­ stjørn­ur út av fimm í einari stjørnubreyt langt, langt burturi… TÓNLEIKUR HAR ALT ER LOYVT ★★★★★Ummæli Altverkið