hósdagur 7. januar 2016síða 32

FRÍGGJADAGUR 8. JANUAR 2016 SOSIALURIN 3 32 ÍTRÓTTUR HB’ARI TRÓNDUR ARGE Y rkisleiðin hjá Andrew av Fløtum byrjar av álvara, tá hann sum 18 ára gamal verður skiftur inn móti B36 í einum av seinastu dystunum í 1997. Av vøllinum kemur Gunnar Mohr, sum spælir sín seinasta dyst fyri HB. Hann handar Andrew troyggj­una við 10-talinum. Andrew er nú stóra vónin hjá HB, sum ikki hevur megnað at sett fólk við í nøkur ár. Hóast troyggjan leggur nakrar byrðar á ein ungan mann, so ræðist eleganti áleyparin ikki uppgávuna. Nú tjúgu ár seinni er byrðan bor­ in. Andrew av Fløtum hevur spælt næstan 400 dystir fyri HB og skotið 163 mál. Hann hevur vunnið seks meist­ara­heiti og eitt steypagull. Hóast Andrew helst kundi tikið eitt ár afturat, so hevur hann tikið av­gerð um, at tað verða ikki fleiri mál skotin í HB-troyggjuni. Persónlig avgerð Í vikuni boðaði Andrew alment frá á in.fo, at hann gevst sum fót­bólts­spæl­ ari á hægsta stigi í Føroyum. Talan er part­vís um eina avgerð, sum Andrew sjálvur hevur tikið. – Tað er partvíst ein persónliga av­ gerð, men tað er eisni ein spurning­ urin um, tá HB nú byrjar av nýggjum, hvussu nógv teir skulu satsa upp á ein skjótt 37 ára gamlan mann, sigur Andrew av Fløtum. Seinnu árini hava skaðar gjørt um seg, men tað er ikki tí Andrew ikki klárar at spæla meiri, at hann er givin. – Eg eri ikki skaddur, men eg eri heldur ikki vónbrotin av, at tað steðgar her. Eg eri ikki 27 longur, og tú veist ikki nær tann næsti skaðin ger um seg. Nú eri eg spentur um onnur ting í lívinum, sigur fyrrverandi spæl­ arin hjá HB. Andrew er giftur Ruth av Fløtum, og saman hava tvey trý børn, sum eru tvey, fýra og seks ár. Tað hevur sín prís fyri familjuna, at pápin er sáttmálabundin fót­bólts­ spælari. – Eg havi lova børnunum at fara í Legoland seinastu tvey árini. Nú er tíðin komin at fara, sigur framherjin. HB hevur flestu árini Andrew hevur verið við, havt uppgávur í Evropa í summarferiuni. Tað ger at summar­ferian er tíðaravmarkað. – Eg vil eisini gjarna sleppa tann túrin, tá eg vil, og ikki tá sáttmálinin sigur at eg skal. Seinastu tvey árini hava vit millum annað verið í Evropa við HB. Tá er summarferian stutt, og tú mást kroysta eina slíka ferð mill­ um tvær uppgávur. Tað er ikki tað sama, tá tú hevur eitt bein eina aðra­ staðni, sigur Andrew av Fløtum. Hølvaður av Søgan um fótbóltsspælaran Andrew av Fløtum, er ikki søgan um ein spæl­ ara, sum er føddur við einum talenti, ið ikki er sinnaður at stríðast, hóast eleganti spælistílurin kundi boðað frá tí. Søgan um Andrew er hinvegin ein søga, um ein spælara, ið elskar at stríð­ast móti yvirmaktini. Hann hev­ur altíð elskað at spælt móti odds­inum. At verið á verra liðnum, fyri síðani at mótprógva øllum. Andrew slítur sínar barnaskógvar á Fløtum, har fótbóltur javnan er á skránni. Á bønum uttanfyri standa tvey mál. Eitt flott mál í einum enda, og eitt mál við steinum sum stengur í hin­um endanum. Lendið er hallandi oman móti steinunum. Ovast á hallandi lendinum standa systkinabarnið Flóvin av Fløtum Jespersen, og eldri beiggin, Óla Hendrik av Fløtum. Teir eru tvey og trý ár eldri enn Andrew, sum stendur einsa­mallur í hinum endanum. – Teir plagdu at hølva meg av, men eg visti, at tann dagin eg kláraði at skora eitt mál móti teimum. so hevði eg vunnið, greiðir Andrew frá. Tann dagurin kemur og Andrew hevur vunnið sín fyrsta dyst. Eg havi altíð dámt væl dystin móti oddsunum. Tað er tann sami dysturin eg havi stríðst móti seinastu tvey árini, tá fólk hava hildið, at eg eri ferdigur sum fótbólts­spælari« Andrew av Fløtum hevur avgjørt at takka fyri seg í HB, 20 ár eftir, at hann á fyrsta sinni fór í reyðu og svørtu troyggjuna. Bóltkæri áleyparin fyllur 37 næstu ferð, og nú vera fótbóltsskógvarnir stillaðir á hillina. Hann hevur bara spælt við HB í Føroyum, sjálvt um hann eina ferð fekk bjóðað 125 túsund krónur fyri fýra mánaðir, um hann skifti. Heldur ikki tók Andrew av, tá danskt felag bjóðaði honum sáttmála sum yngri, men tað angrar hann ikki. Hann er ímyndin av HB, men tað var av tilvild, at hann á fyrsta sinni fór at venja við felagnum Framhald á næstu síðu Andrew av Fløtum – Eg vil eisini gjarna sleppa tann túrin, tá eg vil, og ikki tá sáttmálinin sigur at eg skal, sigur Andrew av Fløtum SAVNSMYNDIR: ÁLVUR HARALDSEN