hósdagur 7. januar 2016síða 34

FRÍGGJADAGUR 8. JANUAR 2016 SOSIALURIN 3 34 ÍTRÓTTUR – Eg havi altíð dámt væl dystin móti oddsunum. Tað er tann sami dysturin eg havi stríðst móti seinastu tvey árini, tá fólk hava hildið, at eg eri ferdigur sum fótbóltsspælari. So skal eg mótprógvað teimum, sigur fram­herjin. HB av tilvild Heima hjá Andrew er onki krav um, at hann skal spæla við HB. Tað stendur honum frítt at gera, sum honum hevur hug til. Í skúlanum er Andrew millum teirra, sum duga við einum bólti, men tað eru aðrir, ið ganga fremstir. Millum teirra eru Eyðun Hentze Højgaard, Búi Egason Dam, eisini kendur sum tónleikarin Budam, og Rógvi Joensen. – Teir fóru at venja við HB, so eg fór aftaná. HB var ikki mítt val tá, men síðani havi eg mangan valt HB, sigur Andrew smílandi, meðan regnið buldrar á vindeyguni uttanfyri. Andrew er nú frítikin fyri at skula venja í køldu vetrarmánaðunum. Ion kollveltur Andrew Soleiðis er ikki í 1998, tá rumenski venjarin Ion Geolgau kemur til landið at venja HB. Andrew hevur árið framman­undan fingið 10-talið frá Gunnari Mohr. Hann hevur fingið sín fyrsta pengasáttmála, sum er beint yvir túsund krónur um mánaðin. Afturat tí hevur hann takkað nei til danska felagið AB. 10-arin er við at finna seg til rættis í mannfólkaskiftirúminum í HB-hús­ inum, har tónin er øðrvísi enn í ung­ linga­skiftirúminum. – Tað var eitt sindur ræðandi at koma inn í eitt skiftirúm, sum taldi menn sum Kaj Leo Johannesen, Inga Rasmussen, Gunnar Mohr og Una Arge. Í dag koma teir ungu brølandi inn, men soleiðis var tað ikki tá, sigur Andrew, ið er einsamallur um at klára leiðina úr ungdómsdeilini til besta liðið í nøkur ár um hetta mundið. Andrew er 16 ár, meðan teir næstu eru fýra ár eldri. Ion Geolgau er harður í sínum tóna og krevur nógv av unga fram­ herjanum. Tað verður vant bæði morgun og kvøld, umframt eyka­ venj­ing aftaná vanligu venjingar­nar. Andrew er klænur og verður tí eisini tveittur í vektrúmið. – Ion var harður við meg, men í dag dugi eg væl at síggja, at hann sá okkurt í mær og var góður við meg, sigur Andrew og leggur afturat: – Ion bleiv líka sum ein fót­bólts­ pápi fyri meg. Hann lærdi meg nógv og fekk trýst nøkur ting fram í mær. Eg havi tikið nógv við mær, sum eg havi lært av honum, sigur Andrew. Flestu av veningartímunum eru í felag við Jens Erik Rasmussen, sum eisini spældi í HB um hetta mundið. – Hann var lærumeistarin hjá mær í venjing. Eg skilji ikki, at hann tímdi at brúka allar hasar tímarnar saman við mær. Eg kendi meg sum ein yrkis­ spælara, tí eg gjørdi ikki annað enn at spæla fótbólt, sigur Andrew. HB vinnur bæði FM og steypa­ kapp­ingina í 1998. Andrew skorar í steypa­finaluni. 125 túsund fyri at skifta Á sumri í 2007 kemur Andrew av Fløtum aftur til Føroya at spæla, eftir at hava verið í útlegd í Fremad Amager í trý og eitt hálvt ár. Tað er nógvir pengar í føroyskum fótbólti tá, og Andrew er eitt heitt navn. Hann hevur skotið áleið 30 mál í umleið 80 dyst­um fyri danska felagið. Umframt HB, so eru fleiri feløg, sum ynskja at fáa Andrew í sín hóp. Eitt felag bjóðar honum 125 túsund krónur fyri at spæla við teimum kom­ andi fýra mánaðirnir, sum eru eftir av landskappingini hetta árið. Eitt annað felag kemur við einum sátt­ mála, har Andrew kann fáa 40 túsund krónur um mánaðin. Havnarmaðurin ivast hvat hann skal gera, men so bankar brádliga upp á hurðina í Øresund íbúðini, har Andrew býr. Tað er formaðurin í HB, Birgir Enghamar, sáli, og kassa­ meist­arin Steinfinn Mittelstein. Við sær hava teir eina HB troyggju og av­ gerð­in verður tikin á staðnum. – Tá føldi eg hvussu nógv eg var ynsktur í HB. Tað var fyri væl minni enn hægsta prís. Eg slepti nógvum peng­um tá, men í dag eri eg ótrúliga glað­ur fyri ta avgerðina, sigur Andrew. Elskar lívið og angrar einki Andrew er ítróttarmaður burturav. Hann hevur spælt vaksmannafótbólt síðani hann var 16 ára gamal. Tað merkir tó ikki, at hann ikki hevur havt møguleikan at njóta lívið. – Eg eri ein lívsnjótari. Eg elski alt tað góða við lívinum, men tað eg leggi í tað er, at eg njóti lívið allatíð. Eg havi sjálvandi sett nakrar sperrir á, men eg havi verið glaður har eg havi verið, sigur Andrew, ið ikki angrar, at hann ikki royndi seg sum yrkisspælara, tá møguleikin var til staðar. Andrew vísur millum annað á eitt brot í bókini hjá kenda svenska fót­ bóltsspælaranum Zlatan Ibrahimo­ vic, har hann situr einsa­mall­ur í eini íbúð, og ikki veit hvat hann skal gera við seg sjálvan. – Eg havi aldrin sitið í einum súr­ um stað, sum Zlatan lýsir tað. Tað hevur gjørt sítt til, at eg ikki havi havt góðar møguleikar fyri eini full­tíðar­ yrkisleið, men eg siti her í dag nøgdur við tað, sum lívið hevur givið mær, sigur Andrew, sum fleiri ferðir hugsar seg væl um, áðrenn hann svarar. – Eg hugsi ikki um, at tað er nakað eg burdi havt gjørt øðrvísi. Sjálvandi kundi eg hugsað mær at verið 22 ár og spælt við landsliðnum nú, men ann­ ars ikki. Jú, kundi kanska havt strekt meiri út, sigur Andrew bros­andi. Hendurnar fullar av børnum Andrew hevur úr at gera nú fót­bólts­ yrkisleiðin er komin at enda. Hann hevur eina familju og trý børn, um­ framt eitt starv, ið hann er glaður fyri. – Eg havi onga neyð. Eg eri fam­ilju­ maður við trimum deiligum børnum, havi eitt deiligt arbeiði á skúlanum á Trøðni, so eg havi longu hendurnar fullar. Onkuntíð undrist eg á, at eg havi havt tíð til at spælt fótbólt, sigur Andrew, sum tó ikki sleppur fót­bólt­ inum heilt. – Eg havi B-prógv sum venjari og havi fingið eina áheitan um at blíva dómari. Tað verður nokk seinur dagur, áðrenn eg verið dómari, men verðin liggur opin, sigur Andrew at enda. Tað hevur ljóðað, at seinasti skilnað­urin millum spælaran Andrew av Fløtum og HB ikki var í sátt og semju, men Andrew vil einki siga um tað. Hann hevur takkað fyri seg sum ein av teimum, ið bara hevur spælt í einum felagið í føroyskum fótbólti. Loyaliteturin stendur við, nú Andrew av Fløtum hevur borið byrðina sum 10-arin hjá HB fyri seinastu ferð. TRONDUR@SOSIALURIN.FO »Tað var eitt sindur ræðandi at koma inn í eitt skifti­ rúm, sum taldi menn sum Kaj Leo Johannesen, Inga Rasmussen, Gunnar Mohr og Una Arge. Í dag koma teir ungu brølandi inn, men soleiðis var tað ikki tá« FAKTA: Andrew av Fløtum ■ Føddur: 1306-79 ■ Giftur (við): Ruth av Fløtum ■ Børn: Meta 6 ár, Frida 4 ár, Lusia 2 ár ■ Starv: Lærari á skúlanum á Trøðni Yrkisleið: ■ Landsdystir/Mál: 34/1 ■ HB: 1996 - 2003 ■ Fremad Amager: 2003 - 2007 ■ HB: 2007 - 2015 SAVNSMYNDIR